Yakob 5:10 - Nouveau Testament en Guidar

¹⁰ Milmiŋgiɗwa, məɗumon wənnet məs kleŋɗe məs dəpeleŋ də iya na Ɗəfdaya va azəmaŋ saha, də as pak aɓəsənka, say məɓəs səm wənna zəm saha nan tam veneti.

Bible en Guidar

¹⁰ Milmiŋgiɗwa, məɗɗumon wən net məskəleŋɗe məs dəpeleŋ də iya na Daya va azəmaŋ sahã, də as pak aɓəsənka, məɓəs səm wən nawzəmsahã nan tam va neti.

Yakob 5:10 ပူးပေါင်းရင်းမြစ်များ

Luka 13:34

Midi, Zerusalem, Zerusalem, kəbeyək məs kleŋɗe, kəskek mesliŋɗe na Maŋgəlva dit kuneŋge. Nəgayək wəkkelet ɗii nok təl diiɗa, va gəmnda ada kelet kirtin amba perslekeni, amma kəŋgereŋ ɓa.

Luka 6:23

Mənekenzukum, məɗələ, vi riba nokum tay gukum metiŋgin a disiŋ. Vi dəhiŋgiɗit vas aɗɗaŋ sitin məs kleŋɗe laŋka.

Wəza net Masləŋɗe 3:21

Dewle Zezu wasan a disiŋ tagay, ha payan Maŋgəlva aɗi dəgrak gəni məs akpaŋgan zəga pak meleketeni. Va anah də met məs kleŋɗe en salala laŋka.

Wəza net Masləŋɗe 7:52

Məs kleŋ tay ko taka məs dəhiŋgiɗkum dəzəm gənən saha ɓa sa? Abayinik masləŋɗe na Maŋgəlva məs dəkiyən labara na gawla məs də goŋga. Yaŋ kə zəmən kiyən kəbayənni.

Ibriɗe 13:7

Məɗumon wənnet ɗii gugiriɗ mərbaŋ sukumən wənna Maŋgəlva lahəŋka. Məɗumon va asoŋ laŋka, va amtaŋ, məsban wətaf neti.

Yakob 4:11

Milmiŋgiɗwa, kədawndanən gebbet ɗii meɓɓet ɓa, ko naway dədawpel mbrayen aka məlməni, walla andak gabbani, apelik mbrayen aka ma henziŋ na Maŋgəlva, kita ataw aka ma henziŋ na Maŋgəlva. An kətawək kita aka ma henziŋ, asna ɗəf məzəsban kənan ɓa, amma nok mətaw kita akan kənani.

Yakob 5:13

Ɗəf tay dədawzəm saha awalaŋkum sa? Dəkaman Maŋgəlva. Ɗəf tay awalaŋkum dəzən nek sa? Say dəyə gəlya na gakdakan Maŋgəlva.

Yakob 5:7

Milmiŋgiɗwa, məɓəsa ha gap pay Ɗəfdaya Zezu Krestu adazani. Məsoŋ va məzənse adawɓəsən wəga buwən na mənziya də buwən na mawala, vi zəga nan dəsəɓ gən mogoni.

Yakob 5:9

Milmiŋgiɗwa, kədaɗɗaŋ wərwər aket ɗii meɓɓet ɓa, vi Maŋgəlva bo adawtaw kita akokum ɓa. Mətaw kita tay ziwe, amadamba manaka toŋgo.