Yakob 3:17 - Nouveau Testament en Guidar

¹⁷ Amma maɗula an nawsən zəga məs dəde sə disiŋ, nan salalayi. Nan tay ki zamə də ɓatɓatə, dəbayna, awɗeket ɗii ɓa, awa tepelke aket ɗii ɓa.

Bible en Guidar

¹⁷ Ya maɗɗula an nawsən zəga məs dəde sə disiŋ, nan salalayi. Nan tay əki əssa zay də ɓatɓatə, də bayna, awɗeket ɗiy ɓa, awa tepelke aket ɗiy ɓa.

Yakob 3:17 ပူးပေါင်းရင်းမြစ်များ

Matiye 23:28

Vaski bo, apaka ɗii mogokum kənanaŋ, amma amakrokum aknahək də muluvuluvu, də mambray pakə.

Matiye 5:8

Zəzay azet ɗiiyen məs mekret bar, net wawlanən Maŋgəlva.

Matiye 5:9

Zəzay azet ɗiiyen məzu sleretin ɗiiyi, net wasoŋ kirtin Maŋgəlva.

Luka 21:15

Vi wanəpsukum mokum də maɗula, ha məzu zel kumən aɓapaŋ na wəbayaŋ ma də munokum ɓa də wə day kikum ɓa.

Luka 6:36

Məsoŋ də ula saha va Affukum asan məwəl saha.

Yohanna 1:14

Wəpel nak akpaŋgək ɗəffa məs də gəɓa zəni, asanək awalaŋgəmə. Mulak gakdak nani, ndəni gakdak va Wətən məs taka arah aza Affəni. Dəndəni Maŋgəlva arban mbəlembəle nani də gegesiŋ nan pakə.

Yohanna 1:47

Adan Zezu awla Nataniyel dazan azani, apelik akani, amna aŋki Israyel məs tay də muluvuluvu azan ɓa.

Wəza net Masləŋɗe 11:24

Barnabas vani ɗəf mogoni, aknahək də sembe də Əmpəs Salala gəm də wətafa. Ɗii diiɗa atafənək Ɗəfdaya.

Wəza net Masləŋɗe 9:36

Awalaŋ gəla na Zoppe, ɗak tatadaka, iya nat na Tabita, ɗak na Maŋgəlva tə. (Də manet Grekɗe na iya nat na Dorkas, va wənah na mune). Pay pak tatəɗɗa wəza mogoni, tatə baah sit məzurayɗe.

Roma 12:18

Məsok zukum va kəda ɓapən pakə ni, vi kəsoŋ gən zam dit ɗii pakə.

Roma 12:9

Əŋgla nokum dəsan mogoni, məza də matakataka ɓa. Məzel wənna mambray pay pakə, məɗɗa mogon nokum pay pakə.

Roma 15:14

Milmiŋgiɗwa in sən kiyu nəsənək lewlewi, kəbaŋgək də zəga mogon diiɗa, daga zəga naw sən pak kəbaŋgək kpe'ə, wakəɓapən wəsəɓ sən zukum bo.

1Korintus 12:8

Ɗəf maɓɓani əmpəs apsənək dəpel gən də maɗula, ɗəf maɓɓan bo apsənək dəpel gən də wəsəna.

2Korintus 10:1

Yo in Pol, mawaka əpel sukum wənna zəknaw kakaŋka, ɗii meɓɓet tahəŋ ənəhaŋ na: Naslən zu daga nəsaw awaloŋkum ɓa, amma də sembe nan akokum, daga nəsaw faraɗa də munokum. Intatə komokum də əpprəma də mogon məs Krestu agəɗə.

2Korintus 6:6

Mənam tatərban na, məɗɗaŋ wəza na Maŋgəlva mənani də goŋga namə də əsən namə, də əbaah na Əmpəs Salala*. Də əŋgla məza də mataka taka azan ɓa.

2Korintus 7:11

Mula an va Maŋgəlva agəɗ sukum də əssahan zukum: Munokum tatəsokən zukum sawɓa, munokum tatə gayaŋ ka kəsoŋ gən salala məza də mambray azokum ɓa. Maɗulokum azlabka, munokum tat də geslne diiɗa, munokum tatəɗumoŋ akawa, munokum tat də əŋgla naɗɗa zəga mogoni, munokum tatəsokən zukum ətaw kita aka mambraya. Də as pak kərbanənək zukum na, salala kənanaŋ aza wənnani.

2Korintus 9:10

Maŋgəlva məzapsən məzəslga zemve də zəga nawzəma, wapsukum zemve va aza wəray nokum, wagil gəni, vi wəza nokum məs də təstəssəŋ dənzlər gən diiɗa.

Efesus 5:9

Vi wətər wəray na təki babar na: ndəni mogoni, təstəssə də goŋga.

Filipi 1:11

Zeŋgillekum wasan məknahən də zəga an təstəssə, məs dəde səza Zezu Krestu, vi gakdak na Maŋgəlva də wəɗi kini.

Filipi 4:8

Milmiŋgiɗwa, aŋki məs dəmbərə: Məzi zukum aza an mogoni, məs dəgap naw gakdakani, zəga an də goŋga məs dəslə, məs salala*, məs dəgap naŋgla də wə gakdakani.

Kolosi 1:10

Asna wakə ɓapən wəɗɗa an va Ɗəfdaya aŋgələ, an məs dəslə azani. Wədaw nokum wanzlər gən wəza mogon temtemi, wəsən Maŋgəlva nokum wambat abe abe.

1Tesaloniki 2:7

Gesiŋ waməɓap wərban gakdak nam sukum vi masləŋɗe na Krestu manani. Amma məgəɗək mogon awaloŋkum, va met kirin tədaɗum aket kirtəta.

1Timote 5:21

Intatə kamok aba Maŋgəlva də aba Zezu Krestu dit maslayɗe məs məwelti, say kəsban gən wən məs nənah sukus pakə, kədaɗɗe ɗii temtem ɓa, kədawday gən ko ɗəf taka aka wəza nok də wəɗum nok ɓa.

2Timote 2:24

Ɗəf məgəɗ wəza na Ɗəfdaya adawgay dit ɗii ɓa. Amma say dəsan ɗəf məŋgluwən azet ɗii pakə, məs dədawɓap wərban zəga sit ɗiiyi, məzuɓəs wənna.

Titus 1:15

Zəga pak mogoni, azet ɗii məs də makret barə, amma azet ɗii mbreyiti dit ɗii məs dətafaŋ ɓa. Zəga pak taya zet salala ɓa. Vi maɗuleti də kpukpum na makreti arayka.

Titus 3:2

Adawpeleŋ mbrayen aka ko naway di ɓa, adawgayaŋ ɓa, dəsoŋ də maɗulet zayə, dərbanən sitin gin ɗii wənna ɓe sit ɗii an mogoni.

Ibriɗe 12:11

Pay adawhãyam na, mənam tatə nan tuwãhə, zəm awsan nek ɓa. Amma dərɓagan na ɗəf məs dəpprəm wə hay nan pak na, mogoni akpaŋgetik ɗii məɗɗaŋ wəza məs mogon ama harani, aki səmək zamə.

Ibriɗe 12:14

Məsok zukum wəsuwa zamə dit ɗii pakə. Məsok zukum wəmbat abe də salala, an də wəsuwa vaski ɓana, ɗəf tay nawla Ɗəfdaya ɓa.

Yakob 1:17

Əvəl mogoni də an Maŋgəlva adapsəmə, pak sə disiŋ ade, zəga nan səza Maŋgəlva ade, məs dəzəmiɗ zigeɗ məzu kasakaŋ pak a disiŋ. Maŋgəlva nan akpaŋ na ɓa, va zigeɗis ada kpaŋgaŋ wəpanən guzli ɓa.

Yakob 1:5

An ɗəf səmbokum maɗulan nawsən an va adaɗɗa tay diiɗa ɓa, say də kaman Maŋgəlva wapsəni, wapsən ko naway pak də wəŋgla agbakan na ɓa.

Yakob 2:13

Vi ɗəf məs awla saha aka ɗəf ɓa, Maŋgəlva bo wataw kita akan məza ula saha akan ɓa. Amma an kawla saha aket ɗiiyi, asna nok bo kita arumuk na ɓa.

Yakob 2:4

An munokum tatə uɗeketin ɗii vaska, mbrayen kədaɗɗaŋ, də wəɗum nokum mbrayenəŋka.

Yakob 3:15

Maɗula nawsən zəga zemvin aska, dəde sə disiŋ ɓa, nan səka dəlva fuŋ ade, səza wənna gəɓa zə ɗəf ade, nan səza Satan ade.

Yakob 4:8

Məzar aza Maŋgəlva nan bo wazar azokum. Məɗa vokum səza mambraya, məskoɓ mokrokum munokum muluvuluvuɗe.

1Piyer 1:22

Kəkpaŋganənək mokrokum salala də wəsban goŋga, də wiŋgliw milmiŋgiɗkum məs dətafaŋ, vini məŋglu zukum də mokrokum taka məza də mataka taka ɓa pay pakə.

1Piyer 2:1

Vi vaski məppan mambray sə makrokum pakə, məppan uwa tepelke, də prufprufu, kədaɗɗaŋ kotorok ɓa, kədaraŋ ɗəf ɓa.

1Piyer 2:18

Məɗɗaŋ wəza, məpprəm met dayeɗe nokum də wəgeslne siti, say sit ɗii mogetti kaaka ɓa, amma dit ɗiiyen mbreyit pakə.

1Yohanna 3:18

Kirin nawa, wəŋgla nam adaw san də ma ɗəf ɗarə, walla də əpel ɗar ɓa, say dəsan də wəza də an də goŋga.

1Yohanna 3:3

Ko naway məs dəŋgəl wəsuwa va Krestu, say duɗak də mambraya, va Krestu sən kiyən awɗak dəndən.