Yakob 3:13 - Nouveau Testament en Guidar

¹³ Ɗəf tay də maɗulan məzu sən zəga awalaŋkum sa? Say dərban gən də wənziya nan mogoni, də wəɗɗa wəza mogoni, də wəɓegən ki zəni də maɗulani.

Bible en Guidar

¹³ Ɗəf tay də maɗɗulan məzusən zəga awalaŋkum sa? Dərbangən də wənziya nan moggoni, də wəɗɗa wəza moggoni, də wəɓe'gən kizəni də maɗɗulani.

Yakob 3:13 ပူးပေါင်းရင်းမြစ်များ

Matiye 11:29

Məsban wənnawa, məyagan azawa, ɗəf mogow nani nəzəm gukum na saha ɓa, zeŋgille kum warəhaŋ wəfete.

Matiye 21:5

Mənahsən walaŋ gəla metiŋ na, Siyona. Awla məlĩ nok tayizan anokda awkaɓ ɓa, tay kaa'a aka koro, akat bəlatək nata.

Matiye 5:5

Zəzay azet ɗiiyen məza aɗɗaŋ ɗarɗar ɓa, net Maŋgəlva wapsət dəlva va anahə.

Matiye 7:24

Ya ko naway dəpprəm wənəŋka, məs dəsbani, nan tay va ɗəf məs maɗula, dərka gəla nan aka milɓe.

1Korintus 6:5

Nədawnah sukum vasna, vi karbə sukum wili. Haa'aw, ɗəf tay suwalaŋ kum dəsən zəga naw zaɓan wən aweleŋgit ɗii na Maŋgəlva ɓa sa?

2Korintus 10:1

Yo in Pol, mawaka əpel sukum wənna zəknaw kakaŋka, ɗii meɓɓet tahəŋ ənəhaŋ na: Naslən zu daga nəsaw awaloŋkum ɓa, amma də sembe nan akokum, daga nəsaw faraɗa də munokum. Intatə komokum də əpprəma də mogon məs Krestu agəɗə.

2Korintus 8:24

Mərban sit əŋgla nokum. Asna, ɗii na Maŋgəlva pak wasənən gesiŋ na, ɗari mədaw ɗi kikum ɓa.

Galatiyen 5:23

wəɓegən zuko, wərma zuko, zemvit es bo ma henziŋ taya ket ɓa.

Galatiyen 6:1

Məlmiŋgiɗwa, an kərəhənək ɗəf tayəɗɗa mambray ko awandi pakə, munokum məs də Əmpəs na Maŋgəlva, məki aka tive mogoni, də wə saa'ən. Məzi zukum də wənnani. Asla zuko, vi nok bo kədawtoŋ adəv mambray ɓa.

Galatiyen 6:4

Amma say ko naway dəsla wəza nani, an mogoni asna warah wəgakdakan an məs agəɗ dəvani. Waray tay də slagən də wəza na ɗəf ɓa.

Efesus 4:2

Kədaw kaɓaŋ aket ɗii meɓɓet ɓa, məsoŋ də zam awalaŋ zukum də wəɓəsən, məɓəs sən zukum də əŋgla.

Filipi 1:27

Say wəsuwa nokum dəslə də Wən Nenek na Krestu, vi an nədeke, wanulukum ko nəde ɓa, wanəpprəm labara nokum, vi munokum tat də sembe də Əmpəs taka, munokum tatə gayaŋ də makrokum taka də wətaf Wən Neneke.

Kolosi 3:12

Kəkpaŋgaŋgək ɗii na Maŋgəlva aŋglukumko, awelkumko. Vi vaski nokum bo məsoŋ də ula saha aket ɗii meɓɓeti, məzu ɓe'eŋ sitin ɗii yi, də wən mogoni, məzu ɓəsən wənna.

1Timote 4:12

Ɗəf adawgusok vi kəsok muzliya ɓa. Asok azet ɗii məs dətafaŋ pak va zəga narban sit tive, də wəpele də wəza də wəŋgla gəm də wətaf an məza də mambray ɓa.

1Timote 6:11

Amma is ɗəf na Maŋgəlva azar səza zəga vaska. Akayan goŋga də geslne na Maŋgəlva, də wətafa də wəŋgla də wəɓəsən də makrok zayə.

2Timote 2:25

Say dərban gən zəga də kuket sit ɗii məzu peleŋ mbrayen akani. Kuzuŋ Maŋgəlva wabaah siti dətubiyaŋ gəni dəpprəmən gən gabba goŋga.

Titus 3:2

Adawpeleŋ mbrayen aka ko naway di ɓa, adawgayaŋ ɓa, dəsoŋ də maɗulet zayə, dərbanən sitin gin ɗii wənna ɓe sit ɗii an mogoni.

Ibriɗe 13:5

Kədaw simin deleɗ ɓa, amma say məneken zukum də zəga na vokum. Vi Maŋgəlva anahək na: Nəpok na ɓa, nəsgok na ɓa samə.

Yakob 1:21

Vi wən aski məppan wəza mambray sə makrokum pakə. Kədaɗɗaŋ mambray əmpa ɓa, məpak sləmokum amba wənnəŋka, məs Maŋgəlva aɗi amakrokum, ndəni də sembe nawkoh gukum sə ma əmta.

Yakob 2:18

Amma an ɗəf anahək na: Atafək Maŋgəlva, naw bo əntat də wəza. Wanəzlan sən na: Arban su wətaf nok məza wəza nan ɓaŋka, naw bo wanərban suk wətaf naw də wəza nawa.

Yakob 3:1

Milmiŋgiɗwa, ɗii adasoŋ diiɗa mərbaŋ wənna Maŋgəlva suwalaŋkum ɓa. Kəsənənka mənam mərbə wən kawtawi kita akam daykiyit ɗii pak də tattuwãha.

Yakob 3:17

Amma maɗula an nawsən zəga məs dəde sə disiŋ, nan salalayi. Nan tay ki zamə də ɓatɓatə, dəbayna, awɗeket ɗii ɓa, awa tepelke aket ɗii ɓa.

1Piyer 1:15

Amma va Maŋgəlva məs dəyukum asan salala, nokum bo məsoŋ salala də wədaw nokum pakə.

1Piyer 2:12

Wədaw nokum dəsan mogon aweleŋgit ɗii məs dəsənən Maŋgəlva ɓeŋki, an aɗikumənək va məɗɗaŋ mambraya, an tahəŋ ulanən wəza mogon nokum, wagakdakanən Maŋgəlva pay adazani.

1Piyer 2:9

Amma nokum munokumtə əlfa an muwelin, munokumtə məs dəlvəŋge na məlĩya, ɗii yen salala, na Maŋgəlva kənanaŋ. Agil gukumək səra guzliyo, akukumək ara təki babar nan nagət akani. Awel kumuko ka kəpelin gən wənna wəza nan məs mogonəŋka.

1Piyer 3:4

amma say mogon nokum dəsan amakrokum, də maɗulokum mogoni, məs agrak ɓa nan zəga na sləmay aba Maŋgəlva.