Yakob 1:25 - Nouveau Testament en Guidar

²⁵ Amma ɗəffan məzə ɗum akani məzəsban wən məs ma henziŋ na Maŋgəlva anahə, Maŋgəlva waɗɗa zəzay aka wəza nani, vi tayəɗum akani, tayəɗum aka ma henziŋ van pay pakə, məza wəpprəmən ɗar mekeleŋ go'ləŋ ndən zəgət kiyən ɓa. Vi ma henziŋ nan mogoni sawɓa, tay də sembe nawgil gəm sədəv balam na mambraya.

Bible en Guidar

²⁵ Ya ɗəf an məzəɗɗum aka mahenziŋ na Maŋgəlva məzupələm məsamgən na kiymə, məzəzbani, waprəm əpele, azgət na ɓa waɗɗa an əpel van anahə, ɗəf nani zən wasan nek addəv an adaɗɗa pakə.

Yakob 1:25 ပူးပေါင်းရင်းမြစ်များ

Luka 11:28

Amma nan amna: Zəzay azet məzəpprəmaŋ wənna Maŋgəlva, məzər manən wənnani.

Yohanna 13:17

Kəkaŋ kəsənənka, wakpaŋ zəzay azokum an munokum tatəɗɗanən vaska.

Yohanna 8:36

An Wətən amokuməka, asna məmokumi gesiŋ.

Wəza net Masləŋɗe 13:43

Yaŋ ɗii atrayaŋ, Yahudiyenɗe diiɗa dit ɗii məs dətoŋgoŋ wənna wəsban Maŋgəlva net Yahudiyenɗe diiɗa, asbanənək Pol də Barnabas. Masləŋɗe apeleŋ sitinke, asɓetinik də soŋ gən də sembe adəv mbəlembəle na Maŋgəlva.

Wəza net Masləŋɗe 2:42

Asokunək zit aza wəpprəm wən məs masləŋɗe adawpeleŋ sitini, asapaŋka, akpaŋgaŋgək taka ko də wəɗɗa zəga pakə, ko də wənna uɗakan waya, də wəkkaman Maŋgəlva bo.

Wəza net Masləŋɗe 26:22

Amma dəpaŋka, adan Maŋgəlva abaah suwəka, nəziwik karban goŋga abet ɗii pakə daga ɗii gugiriɗe ha gap azet kirni. Nənah wən maɓɓan ɓa, say an məs Moyis dit məs kleŋɗe anahaŋ na wagəɗə. Aɓɗaŋ na:

Roma 11:22

Mula va Maŋgəlva adarban mogon nani də wəhay nani, tay hayet ɗii məs dədapanənni, amma mogoni kla zokum adan munokum tatəsoŋ adəv mogon nani, an vaski ɓana, nokum bo, kawɓəlkumi va kivan annaka.

Roma 2:13

Ɗəf arah na wəsan təstəs aba Maŋgəlva də əpprəm ma henziŋ na Maŋgəlva də sləman kaaka ɓa, say də wəsbani də əɗɗa an məs ma henziŋ anahə.

Roma 7:12

Gesiŋ ma henziŋ səza Maŋgəlva ade, ma henziŋ nan salalayi aslək sawɓa, mogoni sawɓa.

Roma 8:15

Vasna wən tay kədaw təŋgən wəker aba Maŋgəlva sən əmpa ɓa, vi əmpəs məs apsukuməŋ dəkpaŋgokum balemɗe nan ɓa, amma say ka kirtin akpaŋgokum. Əmpəs nan tay san adəv kum. Vi wənnəski, mənah səm sən Maŋgəlva na, Affəmə!

Roma 8:2

Tayəsban dawka na Əmpəs məs məzapsən zeŋgille də tive nasap də Zezu Krestu, dawka nan akoh gənək səza dawka na mambray də an namta pakə.

1Korintus 15:58

Vini munokum milmiŋgiɗu na makrawa, məsoŋ va də suwerkum məza naɓla ɓa. Məgay sən wəza na Ɗəfdaya pay pakə, kəsənənka zukum məs kədaw sokoŋ də wəsap nokum də Ɗəfdaya asanna ɗar ɓa.

2Korintus 13:5

Mula zukum kanɗa. Munokum tat də sembe aza wətaf sa? Say məsən wənnan sən kikum. Kəsənənək na Zezu Krestu tay də munokum sa? An tay vas ɓana, nokum kəsbəraŋka.

Galatiyen 2:4

Yaŋ milmiŋgiɗəm məs tepelkeɗ azoŋ awaleŋgit ɗii na Maŋgəlva də kukete, aŋglaŋ wəskəl gən awra. Ɗii net azoŋguk awalaŋgəm va ɗii mulaŋ kətiya vi kiyəm an məs mərah də wəsler nam aza Zezu Krestu. Aŋglaŋ kakpaŋgamən belemɗe na ma henziŋ.

Galatiyen 5:1

Krestu apəlmək sədəv balam, vi məsam gən məza balemɗe ɓa. Vi ni məsoŋ də sembe adəv wərəh kikum, Ɗəf ada kpaŋgokum balemɗe əmpa ɓa.

Galatiyen 6:2

Məbah sən zukum də zəga naw sla nokum, də aski wəsban ma henziŋ na Krestu.

Kolosi 1:23

Amma say mədoŋ abe abe də wətaf wənnani, məmpa tulkum adəvən. Kədaw ngereŋ wən maɓɓan wəzar gukum səza məs kədawgaŋ ɓa, məs kərəhaŋ pay məs kəpprəmən labara nenek ɓa. Ɗii na duniya pak apprəmənək wənna labara neneke. Yaŋ Maŋgəlva anah suwa, in Pol, nərban gən wənnani.

1Timote 2:15

Gil wakohoŋ də uwa kirni, amma say dəsoŋ də sembe aza wətafa, də wəŋgla, də wəsuwa an təstəssə, say dəsoŋ də wili.

1Timote 4:16

Azi zuko, azi zuk aza zəga məs kədarbani. An kəsbanək wəɗɗan mogoni, wakəkoh gən ki zuko, dit ɗii məzapprəmən wən nok pakə.

Ibriɗe 12:15

Məzi zukum ɗəf səmbokum adawmilyan dərɓe ɓa, kapan mbəlembəle na Maŋgəlva ɓa. Məzi zukum ɗəf səmbokum adawsan va gaslamba tattrah məzu ɓaya, kawzəm git saha net ɗii də muwən nan ɓa.

Yakob 2:12

Də wən məs kədawnahaŋ pakə, də an məs kədaɗɗaŋ pakə, məsəna Maŋgəlva wataw kita akokum də ma henziŋ məs nawgil git ɗii səka balam neti.

1Piyer 2:16

Kərəhaŋgək əsso məza balemɗe ɓa də Zezu Krestu, kədaɗɗaŋ mambray də wənah na nam balemɗe mənan ɓaɓa, amma va məɗɗaŋ wəza na Maŋgəlva.

1Yohanna 2:24

Vi vaski məzi zukum də wəga wənna makrokum, labara məs kəpprəmaŋ daga wətəŋ nani. An kərmanənək amakrokum an məs kəpprəmaŋ daga wətəŋ nani, wakəsoŋ də wəsap də Wətəni gəm Affəni.

Hənhən 14:13

Nəpprəmək wəla ɗəf dawnah su daga sə disiŋ na: Aver wənnəŋka. Zəzay azet ɗii mimtit kakaŋka, məs dəmtaŋ aka wəza na Ɗəfdaya. Yaŋ Əmpəs anah na: Vaski gesiŋgi, wafeteŋ səka wəza netiŋ tattuwãhəŋ kana, mogon məs aɗɗaŋgəŋka tayəsbeti.

Hənhən 22:14

Zəzay azet ɗii məs dəskoɓən kulutɗe neti ndəɗaŋgəŋ dərəhaŋ tive nawzəm uwa na wəlaŋga na zeŋgille, warəhaŋ wətoŋ kla madambeɗe na walaŋ gəla metiŋ neki.