Yakob 1:22 - Nouveau Testament en Guidar

²² Kəda soŋ məzapprəm wənna Maŋgəlva də sləmokum kaka ɓa, gəssi. Kay, say məɗɗa an məs wənna Maŋgəlva anahə.

Bible en Guidar

²² Kədassoŋ məzaprəm wən na Maŋgəlva də sləmokum kaka ɓa, gəssi. An kaɗɗanən an wən na Maŋgəlva anah ɓa asna əmbəɗan ki zukumi.

Yakob 1:22 ပူးပေါင်းရင်းမြစ်များ

Matiye 12:50

Vi ɗəffan dəgəɗ əŋgla na Affu an na disiŋ, ndəni məlmu mizilin gəm məguluŋguta gəm əmma.

Matiye 28:20

Mərban sit dərmanən gən an məs nərban sukum pakə. Wanəsaw də munokum pay pak ha wəgrak na dəlva.

Luka 11:28

Amma nan amna: Zəzay azet məzəpprəmaŋ wənna Maŋgəlva, məzər manən wənnani.

Yohanna 13:17

Kəkaŋ kəsənənka, wakpaŋ zəzay azokum an munokum tatəɗɗanən vaska.

Roma 2:13

Ɗəf arah na wəsan təstəs aba Maŋgəlva də əpprəm ma henziŋ na Maŋgəlva də sləman kaaka ɓa, say də wəsbani də əɗɗa an məs ma henziŋ anahə.

1Korintus 15:33

Kədaw rakanən zukum tusso ɓa! Əsuwa də ɗəf mbrayen waray gən wənziya na ɗəf an mogoni.

1Korintus 3:18

Ɗəf adazlaɓan zən ɓa, an ɗəf suwalaŋkum tayula zən va məsən zəga na duniya, say dəkpaŋ dərwa, vi dəsan gən məsən zəga.

1Korintus 6:9

Kəsənənək wənnan lewlewi, məɗɗaŋ ɗar ɗar atoŋgoŋ na məlĩ na Maŋgəlva ɓa. Kədazlaɓanən zukum ɓa! Ɗii matakatakeɗi, walla məsbaŋ matuya, walla məɗɗaŋ mana'a, walla ɗii məvənaŋ dit zel tusso,

Galatiyen 6:3

An ɗəf tayə ɗum na agapka, dəgap ko mi ɓa, dərwa na zən adaw mbəɗani.

Galatiyen 6:7

Kədaw mbəɗanən zukum ɓa, Maŋgəlva appana ɗəf dəkes gən haran ɓa, vi an məs ɗəf azlgə pak anan adaw bəla.

Filipi 4:8

Milmiŋgiɗwa, aŋki məs dəmbərə: Məzi zukum aza an mogoni, məs dəgap naw gakdakani, zəga an də goŋga məs dəslə, məs salala*, məs dəgap naŋgla də wə gakdakani.

Kolosi 3:17

Məs kədaɗɗaŋ, məs kədawpeleŋ pak dəsan də iya na Ɗəfdaya Zezu. Vi wənnani, wəkoh nokum pak asani, soko sən Maŋgəlva Ɗəfdaya.

2Timote 3:13

Amma məɗɗaŋ wəza mambraya, məs vurmɗe wambataŋ abe abe pay pak də mambray neti, wambəɗetin ɗii meɓɓeti, wambəɗanən zit tusso.

Titus 3:3

Vi nam bo lahəŋ na mənam tat zigeɗ dəɗerɗe, mawɓe' sit ɗii ɓa, məray gənən wənna, balemɗe na wəsim zəga temtem mənani, an naneken zə ɗəffa, məs darawɗe mənani məsimeŋ zəga mənani, tahəŋ wəzelmə, mənam tatə zeleti.

Yakob 1:26

An ɗəf aɗiyək zən va ɗəf na Maŋgəlva, an azi zən aza wəpel na man ɓa, zən adaw ɗiyəs dar mekeleŋgi, tepelke adawa aka zəni.

Yakob 4:11

Milmiŋgiɗwa, kədawndanən gebbet ɗii meɓɓet ɓa, ko naway dədawpel mbrayen aka məlməni, walla andak gabbani, apelik mbrayen aka ma henziŋ na Maŋgəlva, kita ataw aka ma henziŋ na Maŋgəlva. An kətawək kita aka ma henziŋ, asna ɗəf məzəsban kənan ɓa, amma nok mətaw kita akan kənani.

Yakob 4:17

An ɗəf asənək wəɗɗa mogoni, amma dəŋger wəɗɗan ɓa, asna mambray agəɗɗə.

2Piyer 2:13

Wazəmaŋ saha va azəm gitin saha net ɗii meɓɓet dəndəni. Tahəŋ ənekenən zit də wəknahan wəsim zəga na gəɓa zit mbrayen ama heret ɗii yi, tahəŋ əzəmaŋ də munokum, tahəŋ ənekenən zit də wəɗɗa vurum neti. Mi di! Zəga na wili sawɓa.

1Yohanna 1:8

An mənahək na məgəɗ mambray ɓa, dərwa na zəm mədaw mbəɗani, goŋga na Maŋgəlva taya makram ɓa.

1Yohanna 2:3

An mərmak ma henziŋ na Maŋgəlva, ndəni dədarbana məsənək Maŋgəlva gesiŋ.

1Yohanna 3:7

Kirin nawa, kədapanən ɗəf wəmbəɗokum dərwa ɓa, ɗəf məzəɗɗa an təstəssə nan bo təstəssi, va Zezu Krestu asan təstəssə.

3Yohanna 1:11

Baynaw na makrawa, kədasban wəɗɗa mambray ɓa, say asban wəɗɗa mogoni. Ɗəf məgəɗ mogon pak Wətən Maŋgəlvayi, amma məgəɗ mambray na, nan dəɓəl əsən Maŋgəlva ɓa.

Hənhən 12:9

Yaŋ məsgan zəga darawən kan agisbe, ndəni doho məgalən, məs adawyaŋ na Ibilisa walla Satan, məzuzet ɗii na duniya pakə. Yaŋ məsgan aka dəlva fuŋ, dit maslayɗe nan pakə.

Hənhən 22:7

Zezu amna: Apprəma, əntatə zaw də kakara! Ɗii məs dəsbanən wən nadəv ɗerewel net məs kleŋɗe zit wasan neki!