Yakob 1:19 - Nouveau Testament en Guidar

¹⁹ Milmiŋgiɗu na makrawa: Məɗum aka wənnəŋka, ko naway dəpak sləman wəpprəm wənnəŋka, amma adaw gəm zən wəpel də kakara ɓa, adaw gəm zən wəda gədəv ɓa'a.

Bible en Guidar

¹⁹ Milmiŋgiɗu na makrawa: Məɗɗum aka wənnəŋka, ɗəf pak dəpak sləman əprəm wəna, ya adawgəm zən wəpel də kakara ɓa, adawgəm zən wədagədəv ɓa'a.

Yakob 1:19 ပူးပေါင်းရင်းမြစ်များ

Matiye 5:22

Amma naw əntatə nah sukum: Ko naway məs gədəvən adawda aka məlməni, kaw kani aba arkali. Ko naway dənahsən məlmən na: Zəga ɗəɗar kənani, kawkani aba kita net ɗii gugiriɗ na dəlva. Ko naway dənahsən məlmən na: Məzok kənani, agapək na gulun aka offo an metiŋgini.

Markus 12:37

Yaŋ Davit dəvan aya na Ɗəfdaya: Ya mbarmbari Messiya adaw san wətən əmpa di? Ɗii məkkelit diiɗa apprəmənək wəpel na Zezu də zit neki.

Markus 2:2

Ɗii akkalaŋka azani ko təki dəmbər ɓa, də memeŋle pakə. Yaŋ Zezu arban sit zəga.

Luka 15:1

Yaŋ duwanɗe dit məɗɗaŋ mambray diiɗa azaraŋgək aza Zezu kapprəm wəpel nani.

Luka 19:48

Amma aw sənən va adarmanən ɓa, vi ɗii pak tahəŋ wəgayaŋ də wəpprəm wəpel nani.

Wəza net Masləŋɗe 1:15

Daska Piyer asilik aweleŋgit milmiŋgiɗin ɗii məkkalit gap səkat də kaklaw sula neki, anahka:

Wəza net Masləŋɗe 10:33

Vini nəslən wəyuk go'u, nok bo kəŋgerke, kədeke. Asna mənam pak məkkalək aba Maŋgəlva, vi kapprəm an məs Ɗəfdaya apsuk nawnah səmə.

Wəza net Masləŋɗe 13:48

Adan ɗii məs Yahudiyenɗeŋ ɓa, apprəmən wənnəska, anneken nək ziti, aɗiyənək ki wənna Ɗəfdaya, ɗii məs məwelit dəkohoŋ gəni, atafənək wənna Maŋgəlva.

Wəza net Masləŋɗe 17:11

Ɗii na Bereya aŋglaŋgək wəpprəm wən meleketeni, net tahəŋ va ɗii na Tesalonika ɓa. Tahəŋ wəsokən zit aza wəpprəm wənnani. Pay pak tahəŋ wəkayanən wənna ɗerewel na Maŋgəlva. Vi kawsən an məs Pol adawpel na gesiŋgi sa.

Wəza net Masləŋɗe 2:42

Asokunək zit aza wəpprəm wən məs masləŋɗe adawpeleŋ sitini, asapaŋka, akpaŋgaŋgək taka ko də wəɗɗa zəga pakə, ko də wənna uɗakan waya, də wəkkaman Maŋgəlva bo.

Efesus 4:26

An gədəvkum adəka, məzi zukum azani, kədaɗɗaŋ mambray ɓa, pay ada təpa aka wəda gədəv nokum ɓa.

Efesus 4:31

Vi vaski məzar gən wənna siya, də wəda gədəva pak səmokrokum. Kədaw hayyanən zukum ɓa, kədaw ranən zukum ɓa, məgil gən ndarsak pak suwaloŋkum.

Kolosi 3:15

Wəsənən an gesiŋ məs Krestu apsukuməŋka, məppan dəgəɗ wəza amakrokum. Maŋgəlva dəsapokum, va gəɓa zən taka vi kəsoŋ gən də wəsən nani. Məgəɗ sən soko.

Kolosi 3:8

Amma kakaŋ na say məppan wənnan pakə, wənna wəda gədəva wəsim zəga mbrayen. Wərra ɗəffa walla wəpel mbrayen adawgilyan sə mokum ɓa.

1Tesaloniki 2:13

Vi wənnani məppana wəɗɗa soko sən Maŋgəlva ɓa, vi kətafənək labara na Maŋgəlva səmamə, kətafən va wəpel net ɗii ɓa, amma va wəpel na Maŋgəlva kətafəni. Gesiŋgi ndəni wəpel na Maŋgəlva məzəɗɗa wəza amakrokum munokum məs kətafaŋ.

Yakob 1:16

Milmiŋgiɗwa ɗəf adawrakokum ɓa.

Yakob 1:2

Milmiŋgiɗwa, məneken zukum diiɗa an wən tattuwãha temtem arəh kumuko.

Yakob 1:26

An ɗəf aɗiyək zən va ɗəf na Maŋgəlva, an azi zən aza wəpel na man ɓa, zən adaw ɗiyəs dar mekeleŋgi, tepelke adawa aka zəni.

Yakob 2:1

Milmiŋgiɗu na makrawa, adan kətafənək Ɗəfdaya nam Zezu Krestu məs də gakdaka, kədawɗeketin ɗii vi wənna arya ɓa.

Yakob 2:5

Milmiŋgiɗu na makrawa, məpak sləmokum amba wəpel nawa. Maŋgəlva awelik məs saheŋɗe na zəga na duniya dəsoŋ gən məs aryeɗ də wətaf Zezu Krestu: Vi dəsoŋ gən adəv məlĩ na Maŋgəlva va an məs anah na wapsit ɗii məs dəŋgluwəni.

Yakob 3:10

Wən na gakdakani wənna wəra pak səza ma ɗəf takaŋ pak adawgilyani. Milmiŋgiɗwa an vas tay law ɓa sam.

Yakob 4:11

Milmiŋgiɗwa, kədawndanən gebbet ɗii meɓɓet ɓa, ko naway dədawpel mbrayen aka məlməni, walla andak gabbani, apelik mbrayen aka ma henziŋ na Maŋgəlva, kita ataw aka ma henziŋ na Maŋgəlva. An kətawək kita aka ma henziŋ, asna ɗəf məzəsban kənan ɓa, amma nok mətaw kita akan kənani.

Yakob 5:12

Milmiŋgiɗwa, an məs nədawnah sukuməŋ na wən metiŋgini, an munokum tatə peleŋ wənna, kədasuwayaŋ ɓa, kədasuwayaŋ də disiŋ ɓa, ko də dəlva fuŋ kədasuwawaŋ ɓa, walla ko də zəga maɓɓani kədasuwayaŋ ɓa. Say wənah na: Ha'aw walla awwo məkki kədawday gənən ki as ɓa, vi Maŋgəlva adawtaw kita akokum ɓa.

Yakob 5:19

Milmiŋgiɗwa, an ɗəf amzlahək ki tive na Maŋgəlva, an ɗəf amil gənək aka tive,

1Yohanna 2:21

Nəver sukum wənnəs na vi kəsəŋgən goŋga bay ɓa, amma vi kəsəŋgənək goŋga, kəsəŋgənək bo tepelke agil na səza goŋga ɓa.