Yakob 1:18 - Nouveau Testament en Guidar

¹⁸ Də wəŋgla nani apsəm zeŋgille gəm də wəpel nan an gesiŋ, vi təki nasuwa nam dəsan gən dayki zəga məs azəməɗ pak abani.

Bible en Guidar

¹⁸ Də wəŋgla nani apsəm zeŋgile də wəpel nan an gesiŋ, vi məsamgəm dadabya net zəgeɗ en azəməɗ pakə.

Yakob 1:18 ပူးပေါင်းရင်းမြစ်များ

Yohanna 1:13

Dəkpaŋgaŋ də tive na nziya net ɓa, də uweti va ɗii adawaŋ ɓa, amma vi Maŋgəlva apsitik zeŋgille meleketeni.

Roma 4:17

va məver wənnani: Maŋgəlva amna nəɗikuk ka affit ɗii diiɗa, yaŋ Maŋgəlva anah sən əmpa bo: Ma əlfa nok wasan diiɗa va ngirzleɗ na disiŋ. Abraham atafək Maŋgəlva məs dədapsit zeŋgille sit ɗii mimtiti, waɗɗa zəga məs tay lahəŋ ɓa dəgəɗ gəni. Də əgani Abraham ataf Maŋgəlva, zəga tay ataf viyin. Vaski bo asan afit ɗii diiɗa.

1Korintus 4:15

Ko an kərəhaŋgək məzərbaŋ sukumən zəga aka wənna Krestu gap uzine klaw adəv pay nanziya nokum egge zlaŋ, Affukum tay ɓəɓɓay ɓa say taka, ya aka wənna zeŋgille kum məs kərəhaŋ də Zezu Krestu, əntə nəkpaŋ affukum vi əntə nəki sukum labara neneke.

2Korintus 6:7

Də ərban wənnan məs də goŋga, də sembe na Maŋgəlva. Zəga naw gay namə, narge maseŋgiɗmə, nawga ki zəmə ndəni goŋga.

Efesus 1:12

Vini kana say məgakdakan səm gakdak nani, say mənam məs mədawga Krestu dabəŋgəŋki kaaka ɓa.

Efesus 1:13

Amma nokum bo, munokum məs kəpprəmən gesiŋ na Wən Nenek naw koh nokum, adan kətafənka, Maŋgəlva aɗi sukumək lamba azokum də Əmpəs Salala* an məs aynan wənnan na, nan kənanaŋ.

2Timote 2:15

Asok zuko wən nok dərban gən zən aba Maŋgəlva na də goŋga kənani məgəɗ wəza məza wil awdukun amba wəza nan ɓa kənani, mərbə wən də goŋga məs dəslə kənani.

Ibriɗe 12:23

Kəzoŋguk atəki wəkal net kirtin Maŋgəlva en dabəŋ, en məs məver iya net a disiŋ. Kəzoŋguk aza Maŋgəlva məs nawtaw kita aket ɗii pakə, kəzoŋguk aza zeŋgillet ɗii məs də goŋga, məs Maŋgəlva akpeŋget salala ha faɗə.

Yakob 1:15

An wəɗum mbrayen awək amakrani, wakpaŋ mambraya. An mambray aɓayka, waka akəti əmta.

Yakob 1:21

Vi wən aski məppan wəza mambray sə makrokum pakə. Kədaɗɗaŋ mambray əmpa ɓa, məpak sləmokum amba wənnəŋka, məs Maŋgəlva aɗi amakrokum, ndəni də sembe nawkoh gukum sə ma əmta.

Yakob 3:14

Amma an kotorok taya zokum, an makrokum tay mbrayen, an wəɗum nokum pak say aka zukumi kaaka'ə, kədawɓay gənən ki zukum ɓa, kədawwaŋ tepelke vi kawzla ki goŋga ɓa.

1Piyer 1:23

Nokum kuwaŋgək meleketekum də əpel na Maŋgəlva madaran məza agrak ɓa, nokum kuwaŋgək də Affukum məza amta ɓa.

1Piyer 1:3

Məgəɗ sən soko sən Maŋgəlva, Affən Ɗəfdaya nam Zezu Krestu. Aɗɗak mogon nan azəmə, apsəmək zeŋgille meleketeni, vi asil gən Zezu Krestu sətəki əmta asan madarani. Aknahək makram də zəga nawga an də goŋga.

1Yohanna 3:9

Ko naway dəkpaŋ wətən Maŋgəlva agəɗ na mambray ɓa, vi əmpəs na Maŋgəlva tayəɗɗa wəza amkrani, asbana wəɗɗa mambray ɓa, vi Maŋgəlva yi Affəni.

Hənhən 14:4

Ndəɗaŋgəŋ ɗii məs dəganən zit məza wəɗɗaŋ mana'a dit gil ɓa, dəkayaŋ gil ɓa. Aga nənək zit lewlewi. Ndəɗaŋ dədasbanən Botol atəki məs adawmbat pakə, net məmeti suweleŋgit ɗiiyi, vi dəsoŋ gən tiziɗe aza Maŋgəlva də aza Botol na Maŋgəlva.