Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Roma 8:9 - Nouveau Testament en Guidar

9 Amma nokum na, əŋgla na gəɓa zukum aday na kikum ɓa. Munokum tatəpprəmən ma Əmpəs na Maŋgəlva, an vaski gesiŋ na Əmpəs nan tay san amakrokum, ɗəf məs dərah Əmpəs məs Krestu adapsən ɗəf ɓa, nan ɗəf nani ɓa.

အခန်းကိုကြည့်ပါ။ ကော်ပီ

Bible en Guidar

9 Ya nokum, addəv əŋgla na gəɓa zukum kənanən ɓa, addəv an na Əmpəs kənanəni, an gesiŋ Əmpəs na Maŋgəlva tay azokum. An ɗəf tay də Əmpəs na Kristu ɓa na, nani ɓa.

အခန်းကိုကြည့်ပါ။ ကော်ပီ




Roma 8:9
35 ပူးပေါင်းရင်းမြစ်များ  

Munokum mbraykum kəsənənək wəpsit zigeɗ moget sit kirtukum. Mbari kan Affukum na disiŋ dərəŋ kan aday na dapsit Əmpəs Salala* sit ɗii məzə sohonən ɓa sa?


Duniya aɓap na wərahən ɓa, vi aɓap na ulan ɓa, aɓap na wəsənən ɓa bo. Amma nokum wakəsənəni, vi wasan də munokum, wasan amokrokum.


Zezu azlan sənəka: Ko naway dəŋgəluwa, aɓe sənək wəpel nawa, Affu waŋgluwa. Affuwa ina, waməde waməsam dəndən.


Masləŋ na Maŋgəlva tay pel wənna, vi Maŋgəlva aknəhək də Əmpəs nani.


An muwan də ɗəffa ɗəffi, an muwan də Əmpəsa Əmpəsyi.


Adan agapaŋ aket meŋge na dələv na Messiya*, akayaŋgək tive nawtoŋ aka dələv na Bitiniya, amma Əmpəs na Zezu dəpan sit tive ɓa.


Gala mədasban wəɗum na gəɓa zəmə, əsim zəga adayək ki zəmə, agulmək adəv mambraya. Ma henziŋ asil gənək əsim zəga azamə, yaŋ mədaɗɗa an naw kisəm əmta.


Vini kana, an ɗəf asapək də Zezu Krestu na, Maŋgəlva ataw na kita akan ɓa.


Maŋgəlva asil gənək Krestu səkəti əmta. An Əmpəs nan taya makrokum, asna wandəf gən sukum gəɓa zukum məs dəmtə də Əmpəs nani.


Tayəsban dawka na Əmpəs məs məzapsən zeŋgille də tive nasap də Zezu Krestu, dawka nan akoh gənək səza dawka na mambray də an namta pakə.


amma ko naway də an va məs adasbani: Krestuwi dabəŋ. An adeke, ɗii na Krestu pak wasilyoŋ.


Munokumtə gəla metiŋ naw zuliya* sən Maŋgəlva, kəsənən na Əmpəs na Maŋgəlva taya makrokum ɓa sa?


Amma ɗəf məs dəsap də Ɗəfdaya, əmpəs net takay asap dəndən.


Kəsənən na gəbazukum na ndəni gəla metiŋ naw zuliya* sən Maŋgəlva, ndəni nasuwa na Əmpəs Salala, əmpəs vani, ndəni amakrokum məs Maŋgəlva apsukum ɓa sa? Munokum tat kana zukum tusso əmpa ɓa, amma kana Maŋgəlva kənanaŋ.


Mula zəga pak va adarban zən ama horokum. An ɗəf aɗiyək zən azet ɗii na Krestu, say dəɗum kana, vi nam bo ɗii na Krestu mənani.


Mi də sapan gəla metiŋ na zuli də tuya di? Gesiŋ gəla metiŋ na zuli madaran na Maŋgəlva mənani, vi Maŋgəlva anahək na: Wanəsaw aweleŋti, kawsaw dənɗaŋ. Wanəsaw ka Maŋgəlva neti, net bo wasoŋ ka ɗii nawa.


Vi nokum kirtin Maŋgəlva kənanaŋ gesiŋ. Maŋgəlva aslənək Əmpəs na Wətən amkaramə, Əmpəs məzuɗi geŋgere na: Əbba!


Ɗiiyen də Krestu akpa'ənək gəɓa zit də wəsim zəga neti.


Amma nokum bo, munokum məs kəpprəmən gesiŋ na Wən Nenek naw koh nokum, adan kətafənka, Maŋgəlva aɗi sukumək lamba azokum də Əmpəs Salala* an məs aynan wənnan na, nan kənanaŋ.


Də wəsap dəndəni munokum pak kəkpaŋgaŋ kuneŋge narka gəla naso na Əmpəs na Maŋgəlva.


Vi Krestu dəsan gən amokrokum an məs kəŋglaŋ də wətafa. Intatə kamani kəsoŋ gən də siwerkum kərəh adəv wəŋgla.


Vi nəsənka, as pak wakpaŋ wəkoh nawa, vi mbəlembəle na wəzuli nokum də wəbaah na Əmpəs na Zezu Krestu.


Arma zəga mərban mogon məs məppan sukəŋka, arma wənnan də wəbaah na Əmpəs Salala*, məs dəsan amakramə.


Ɗəf məzəsban ma henziŋ na Maŋgəlva, nan asapək də Maŋgəlva, Maŋgəlva bo tay san amakrani. Maŋgəlva apsəmək əmpəs nani, dəndəni mədaw sənən na Maŋgəlva tay də mənamə.


Maŋgəlva apsəmək əmpəs nani. Vini məsən na mənam tat də əsap dəndən, nan bo tay san dəmənamə.


Amma nokum munokum kirtuwa, kirtin Maŋgəlva kənanaŋ. Nokum kətakənək wəllet məwaŋ tepelke səkay, vi əmpəs ana makrokum ndən də sembe dayki əmpəs ana makret ɗii naka dəlva də gakdaka.


Ɗii naka dələv pak wazuliyaŋ sənəni. Ko naway məs iya nan məverini adəv ɗerewel na zeŋgille, daga wətəŋ na dəlva fuŋ ɓa. Botol məs dəmtə naka ɗerewel van nani.


Ko naway pak məs iya nan meverini adəv ɗerewel na zeŋgille ɓa, kasgani adəv vov na offo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ