Roma 8:3 - Nouveau Testament en Guidar

³ Maŋgəlva sən kiyən aɓapək wəɗɗa an ma henziŋ dəɓap wəɗɗan ɓa, vi mədakəm mənani. Aslənək Wətən də gəba zən va ɗəffa, məs dənan wərak na mambray vanet ɗii pakə. Adəv gəɓa zə ɗəffi ataw kita aka mambraya. Də vaski kan adayki mambraya.

Bible en Guidar

³ Vi, zəga an mahenziŋ aɓap na ɓa yi, vi gəɓa zə ɗəf tay əddakani, Maŋgəlva aslənək Wətən də gəɓa zən va gəɓa zə ɗəf na mambraya, dəwəl sən mambray na, atawwən aka mambray addəv gəɓa zə ɗəfa.

Roma 8:3 ပူးပေါင်းရင်းမြစ်များ

Markus 15:27

Akpa'inik ɗii sula məvoŋgoŋ tive aket wəleŋɗe məzliwrihe amaŋgava Zezu, maɓɓan aka van dəzəŋ, maɓɓan aka van zlaɓay.

Yohanna 1:14

Wəpel nak akpaŋgək ɗəffa məs də gəɓa zəni, asanək awalaŋgəmə. Mulak gakdak nani, ndəni gakdak va Wətən məs taka arah aza Affəni. Dəndəni Maŋgəlva arban mbəlembəle nani də gegesiŋ nan pakə.

Yohanna 9:24

Farisiyenɗe ayanənək daŋgar ma sula'ən, apsənən na Maŋgəlva tayəpprəm suko anah goŋga. Nam məsənək ɗəffəŋka məs mambrayi.

Roma 3:20

Ɗəf arah na wəsuwa təstəs aba Maŋgəlva də wəsban ma henziŋ ɓa. Wəza na ma henziŋ na, warban sən ɗəf na də mambray kənani kaaka'ə.

Roma 6:6

Məsənka, ɗəffan na dəvəm məsam dabəŋ dəndən na, amtək də Krestu aka wəlaŋga məzliwrihe, vi gəɓa zəm an də mambray dəzə gən kuɗupu, va wənah na an məs mambray aday kiyən, vi mədaw sam balemɗe na mambray əmpa ɓa.

Roma 7:18

Nəsənka zəga mogon tay zaw ɓa, əntatə gaya ka nəgəɗ gən mogoni, amma naw ɓapən ɓa.

Roma 8:32

Dərma van aka Wətən ɓa, amma appanək amtək agəlam pakə, ya yas vaski na, apsəm na zəga pak dəndən ɓa sa?

2Korintus 5:21

Krestu dəgəɗ mambray ɓa sam. Amma Maŋgəlva aɗiyək mambray nam pak akani, vi mərah gən əsam təstəs aba Maŋgəlva də əsap nam də Krestu.

Galatiyen 3:13

Krestu akpaŋgək məray gən agəlamə, azargəmək səma wəray na ma henziŋ. Va an məverin anah na: Ko naway məlawən aka wəlaŋga məray gəni.

Galatiyen 3:21

Vasna ma henziŋ na, məzu zel na wən minan na Maŋgəlvayi sa? Tay vas ɓa! An məkini ma henziŋ vi dəɓay gənəgən zeŋgilleyi na, asna ɗəf wasan təstəs aba Maŋgəlva də ma henziŋ.

Filipi 2:7

Agəsanək zəni, agəmək wəsuwa na balam, adeke, agilik va ɗiiyi. Yaŋ arban zən bo va ɗəffa.

Ibriɗe 10:12

Krestu aɗɗak sazlaga təl taka vi mambray məki ha faɗə. Dərɓaga as kana ndəni asan aka va dəzəŋ na Maŋgəlva.

Ibriɗe 10:14

Də sazlaga təl taka kaaka'i Zezu asan ɗəf naskoɓ mambray net ɗii pakə, akpaŋgetik təstəssə ha faɗə.

Ibriɗe 2:14

Kirin net tahəŋ də gəɓa ziti dit mbeli, ndəni kan Zezu bo asan va ndəɗaŋ, agəmək gəɓa zə ɗəffa vaneti, aɗɗa vasna, vi də əmta nani adawzan ɗəffan də sembe aka əmta, ndəni Satan.

Ibriɗe 2:17

Dewle say dəgil gən va milmiŋgiɗni adəv zəga pakə, vi dəsan gən daya net məs dəlveŋge, an də goŋga də ula saha adəv wəza nan pak aba Maŋgəlva, vi ɗii dərəhaŋ gən wəviyan mambray neti.

Ibriɗe 4:15

Daya net məs dəlveŋge nam waɓap ula saha akamə vi wəvir namə, vi nani mərakani va nam pak dakadaka, amma nan dəgəɗ mambray ɓa.

1Piyer 2:24

Krestu sən kiyən aslanək mambray namə adəv gəɓa zəni, aka wəlaŋga məzliwrihe vi məsam gən madaram klaza wən təstəssə, asna məsam gən məmtəm klaza mambraya. Vi gəla huwa nani kərəhaŋ əmbəla.