Roma 8:2 - Nouveau Testament en Guidar

² Tayəsban dawka na Əmpəs məs məzapsən zeŋgille də tive nasap də Zezu Krestu, dawka nan akoh gənək səza dawka na mambray də an namta pakə.

Bible en Guidar

² Vi mahenziŋ na Əmpəs məzuki zeŋgile addəv əsap də Yesu Kristu apəlmək səddəv mahenziŋ na mambray gəm səddəv əmta.

Roma 8:2 ပူးပေါင်းရင်းမြစ်များ

Yohanna 4:10

Zezu apsit na: Va kəsənək wəvəl na Maŋgəlva, wakəvayə, va kəsənək naway dəssoh iŋkile naw saa vok di na, wakəssohoni, dəpsuk gən iŋkile an napsuk zeŋgille.

Yohanna 4:14

Amma ɗəf dəda saa iŋkile məs nədapsən niŋki meme adanən na ɗaah ɓa. Iŋkile məs nədapsənniŋki, wakpaŋgaŋ heret iŋkile adəvən, waymaŋ zeŋgille an nawsan ha faɗə.

Yohanna 6:63

Əmpəs na Maŋgəlva wapsən zeŋgille, gəɓa zə ɗəffa aɓap na ko mi diɓa. Wəpel məs nəpel sukuməŋka, ndəni Əmpəs də zeŋgille.

Yohanna 8:32

Wakəsəŋgən goŋga, goŋga tam wamokum səka balam nokum.

Yohanna 8:36

An Wətən amokuməka, asna məmokumi gesiŋ.

Roma 16:3

Məsɗat Piriskilla də Akilas, məɗɗaŋ wəza na Zezu Krestu də ina.

Roma 3:27

Ya tive tay dəmbər səm ka məkaɓ gən əmpa sa? Tay dəmbər ɓa! Ya vi mi di? Vi Maŋgəlva aŋɗan wəza na ɗəf ɓa, say wətaf nani.

Roma 5:21

Sembe na mambray arbanək zən də əmta. Amma sembe na mbəlembəle na Maŋgəlva də goŋga nani, arbanək zən də wəkoh na suwa ha faɗə, məs mərah də Zezu Krestu Ɗəfdaya namə.

Roma 6:14

Vas na, mambray azəm na məlĩ akokum əmpa ɓa, vi kəsbanən wənna ma henziŋ ɓa, say wənna mbəlembəle na Maŋgəlva.

Roma 6:18

Məmokumi səka balam na mambraya, kəkpaŋgaŋgək balemɗe na goŋga.

Roma 6:22

Amma kakaŋ na balemɗe na mambray kənanaŋ əmpa ɓa, nokum kəkpaŋgaŋgək balemɗe na Maŋgəlva. Vini say kədawaŋ gən va an məs Maŋgəlva aŋgələ, wəgrak na wəza nokum ndəni zeŋgille ana suwa ha faɗə.

Roma 7:21

Aŋki tive na wəza naw va adawdawa: An nəŋgələk wəɗɗa mogoni, say mbrayen nədaɗɗa kaaka'ə.

Roma 7:23

Ma henziŋ nan tay gay də ma henziŋ an maɗulaw aŋgələ, yaŋ kan akpaŋgaw balam na mambraya, yaŋ kan ma henziŋ na mambray aska wəlla gəɓa zuwa.

Roma 7:4

Vaski bo də munokum milmiŋgiɗwa, kəmtaŋgək də Krestu. Vaski məmtukum kənanaŋ klaza ma henziŋ. Kakaŋ na, na ɗəf mbərən kənanaŋ ɓa, ɗəf məs dəsil səkəti əmta kənanaŋ. Kakaŋ na wakəɓapaŋ wətər wəray sən Maŋgəlva də wəza nokum.

Roma 8:1

Vini kana, an ɗəf asapək də Zezu Krestu na, Maŋgəlva ataw na kita akan ɓa.

1Korintus 15:45

Vi ɗerewel an məsvan anahək na: Adamu, ndəni ɗəf madabəŋ akpaŋgək ɗəf də zeŋgillen madarani. Amma Adamu an dədirɓe, va wənah na Krestu, akpaŋgək əmpəsa məzapsən zeŋgille.

2Korintus 3:17

Yaŋ Ɗəfdaya adawpele aŋna, əmpəsi, amma atəki məs əmpəs na Ɗəfdaya asani, adaki bo əsuwa məza balam ɓa adawsani.

2Korintus 3:6

Ndəni dəsərəkgəm wərban wənnan minan meleketen ko aŋga pakə, wənnan dəde səza mahenziŋ məs məverin ɓa, amma səza əmpəs ade. Dawka məverin tay ka ɗəf dəmtə gəni, amma əmpəs tay ka ɗəf atəki naw koho.

Galatiyen 2:19

Vi naw məmtu nan aza ma henziŋ, ndəni də bayawa, kakaŋ əntatəsaw madaraw sən Maŋgəlva. Nəmtək də Krestu aka məzliwrihe,

Galatiyen 5:1

Krestu apəlmək sədəv balam, vi məsam gən məza balemɗe ɓa. Vi ni məsoŋ də sembe adəv wərəh kikum, Ɗəf ada kpaŋgokum balemɗe əmpa ɓa.

Galatiyen 6:2

Məbah sən zukum də zəga naw sla nokum, də aski wəsban ma henziŋ na Krestu.

Yakob 1:25

Amma ɗəffan məzə ɗum akani məzəsban wən məs ma henziŋ na Maŋgəlva anahə, Maŋgəlva waɗɗa zəzay aka wəza nani, vi tayəɗum akani, tayəɗum aka ma henziŋ van pay pakə, məza wəpprəmən ɗar mekeleŋ go'ləŋ ndən zəgət kiyən ɓa. Vi ma henziŋ nan mogoni sawɓa, tay də sembe nawgil gəm sədəv balam na mambraya.

Hənhən 11:11

Dərɓaga wəvoŋ hoku də mengeslin, yaŋ əmpəs ade səza Maŋgəlva, agul adəvti, yaŋ asilyoŋ ziwi, ɗii məs dulenin pak geslne armet sawɓa.

Hənhən 22:1

Yaŋ maslay nak arban su məlpa net iŋkile na zeŋgille. Tay wiɗ va darawgal, səka walaŋ mazaŋga na məlĩya də Botol na Maŋgəlva ade.