Roma 8:1 - Nouveau Testament en Guidar

¹ Vini kana, an ɗəf asapək də Zezu Krestu na, Maŋgəlva ataw na kita akan ɓa.

Bible en Guidar

¹ Vas kan na, kakaŋ na ətawwən tay narme ɗiy dəsapaŋ də Yesu Kristu ɓa.

Roma 8:1 ပူးပေါင်းရင်းမြစ်များ

Yohanna 14:20

An pay nan adeke, wakəsənən na ina də Affu taka mənani, nokum bo taka kənanaŋ də ina.

Yohanna 15:4

Məsoŋ adəv wəsler də ina, asna naw bo wanəsaw adəv wəsler də munokum. Kiva wəlaŋga na mbazla awə na kirtin ɓa say an asapək də wəlaŋga na mbazla. Vaski nokum bo, kətəraŋ na wəray ɓa, say an kəsapaŋgək də ina.

Yohanna 5:24

Gesiŋ nədawnah sukum: Ko naway dəpprəm wəpel nawa, dətaf ɗəf də slənwa, warəh wəkoh ha faɗə, kita armana ɓa. Atoŋguk ki wəmta, ha gap atəki wəkoho ha faɗə.

Roma 16:3

Məsɗat Piriskilla də Akilas, məɗɗaŋ wəza na Zezu Krestu də ina.

Roma 16:7

Məsɗan Andaronikus də Zunas, əlfiŋgiɗwəŋ, a daŋgayəŋ də ina. Də gakdakəŋ aweleŋgit ɗii məpelen Labara Neneke, ndəɗaŋ dətafən Krestu dabəŋ kiwa.

Roma 5:1

Maŋgəlva akpaŋgamək təstəs abani, vi mətaf wənnani. Kakaŋ na, məslerik slorɗok dəndən vi wənna Ɗəfdaya nam Zezu Krestu.

Roma 5:16

Əvəl na Maŋgəlva adayək ki mambray na ɗəf taka də sembe. Kita na Maŋgəlva azlbek ɗii pakə, vi mambray na ɗəf taka. Amma mbəlembəle na Maŋgəlva adayək ki mambray pakə, akpaŋgetik ɗii pak təstəssə.

Roma 7:17

Vasna əntə nədaɗɗan sən kiyu ɓa, amma mambray anna makraw dədaɗɗani.

Roma 7:20

An əntatəɗɗa zəga an nəzeli, asna əntə nədaɗɗan də əŋgla naw ɓa, mambray ana dəvu dədaɗɗani.

Roma 8:11

Maŋgəlva asil gənək Krestu səkəti əmta. An Əmpəs nan taya makrokum, asna wandəf gən sukum gəɓa zukum məs dəmtə də Əmpəs nani.

Roma 8:14

Məzəpprəmən ma Əmpəs na Maŋgəlva pakə, ndəɗaŋgəŋ dədakpaŋgaŋ kiritn Maŋgəlva.

Roma 8:2

Tayəsban dawka na Əmpəs məs məzapsən zeŋgille də tive nasap də Zezu Krestu, dawka nan akoh gənək səza dawka na mambray də an namta pakə.

Roma 8:34

Ɗəf tay naw ɓap uwiliyit ɓa. Vi Krestu amtək viti. An dəday ki askəmpa na, asilik səkəti əmta, tay tuŋgo akava dəzəŋ na Maŋgəlva, tay kaman Maŋgəlva vimə.

Roma 8:39

ko, sembeɗ na disiŋ walla sembeɗ namba dəlva fuŋ, Maŋgəlva arban səmək əŋgla nan də Zezu Krestu Ɗəfdaya namə. Vi wənnani gesiŋ zəga tayaka dəlvəŋ dədawɓap uɗakam də əŋgla na Maŋgəlva ɓa.

Roma 8:4

Kakaŋ na waməɓap wəɗɗa goŋga an məs ma henziŋ ada sohon azamə, vi nam ma Əmpəs na Maŋgəlva mədapprəma, ana gəɓa zəm mədapprəm ɓa.

Roma 8:9

Amma nokum na, əŋgla na gəɓa zukum aday na kikum ɓa. Munokum tatəpprəmən ma Əmpəs na Maŋgəlva, an vaski gesiŋ na Əmpəs nan tay san amakrokum, ɗəf məs dərah Əmpəs məs Krestu adapsən ɗəf ɓa, nan ɗəf nani ɓa.

1Korintus 1:30

Maŋgəlva asapokumək aza Zezu Krestu, aɗɗak Zezu Krestu ka əsən namə. De Zezu Krestuwi məkpaŋ ɗii təstəs aba Maŋgəlva, akəmək ka mə sam gən ɗii na Maŋgəlva, vi amamək səma əmta.

1Korintus 15:22

Ɗii pak wamtaŋ vi wənna wəsap net də Adamu. Vaski bo ndəɗaŋ pak wasilyoŋ vi wənna əsap net də Krestu,

2Korintus 12:2

Nəsənək ɗəf maɓɓan kretiyen. Agəɗək əsva klaw kiyən poɗo kakaŋka, məslani a disiŋ ha adəv disiŋ ma hoko'ən. Gesiŋ aslan sa, walla issine sa? Nəsən ɓa say Maŋgəlva dəsən kaaka'ə.

2Korintus 5:17

Ko naway an asapək də Krestu na, akpaŋgək ɗəf meleketeni. Zən va asan lahəŋ pak atrayka, zəga pak akpaŋgək meleketeni.

Galatiyen 3:13

Krestu akpaŋgək məray gən agəlamə, azargəmək səma wəray na ma henziŋ. Va an məverin anah na: Ko naway məlawən aka wəlaŋga məray gəni.

Galatiyen 3:26

Də wətaf nokumi kəsoŋ kirtin Maŋgəlva, gəm vi kəsapaŋ də Zezu Krestu.

Galatiyen 3:28

Temtem tay aweleŋgit dit ɗii məs dəsənən Maŋgəlva ɓa, aweleŋgit balemɗe dit məza balembɗeŋ ɓa ɓa, aweleŋgit zeli dit gil ɓa, vi munokum pak kəsapaŋgək də Zezu Krestu.

Galatiyen 5:16

Məpprəma an məs nəŋgəl wənah sukum: Məppan Əmpəs dədaw gən zeŋgillekum, kədaɗɗaŋ an məs gəba zukum aŋgəl ɓa.

Galatiyen 5:25

Əmpəs dəpsəm zeŋgille, say ndən dədawdaw də mənamə.

Efesus 1:1

Letərəŋka Pol dəsləna nan bo masləŋ na Zezu Krestuwi də wəŋgla na Maŋgəlva, azet ɗii na Maŋgəlva a Efesus, təstəssəŋ aza əsap də Zezu Krestu.

Filipi 3:9

Say wəsap də ndən kaaka nədaw kayani. Nəkayna ɗaah təstəs aba Maŋgəlva sən kiyu də wənna ma henziŋ ɓa. Amma əntatə kay əsso təstəs aba Maŋgəlva də ətaf Krestu, asna wanəsaw təstəs aba Maŋgəlva.