Roma 5:2 - Nouveau Testament en Guidar

² Ɗə wətaf Zezu Krestuwi, mərah wəzar gu'o aza mbəlembəle na Maŋgəlva, ndəni an məsam aban kakaŋ gesi. Ndən dəda neken səm zəmə, mərmak wənnan amakram naw rəh gakdak na Maŋgəlva.

Bible en Guidar

² Ɗəzani mərah mbəlembəle əŋ də ətafa, məs mədawziw gəm mədawɗi ənnek nam addəv əga gagdak na Maŋgəlva.

Roma 5:2 ပူးပေါင်းရင်းမြစ်များ

Matiye 25:21

Daya nan apsən na: Lewi, məgəɗ wəza mogok kənani, kəgəɗək wəza mogon də zəga an tay də sləman diiɗa ɓa, wanəpsuk zəga diiɗa an məs də sləman diiɗa. Ade toŋgu, anneken zuk də ina.

Yohanna 10:7

Zezu aməsək wənaha: Gesiŋ nədawnah sukum: Əntə madamba na gazlaŋ net timeŋgiɗi.

Yohanna 10:9

Əntə madamba, ko naway dətoŋ də ina wakohu. Warah wətoŋ də wəgilya, warah wəzəma.

Yohanna 14:6

Zezu azlansən na: Əntə tive an də goŋga də zeŋgille. Ɗəf tay nawrəh wəmbat aza Affu də tive maɓɓan ɓa say də ina.

Yohanna 5:24

Gesiŋ nədawnah sukum: Ko naway dəpprəm wəpel nawa, dətaf ɗəf də slənwa, warəh wəkoh ha faɗə, kita armana ɓa. Atoŋguk ki wəmta, ha gap atəki wəkoho ha faɗə.

Wəza net Masləŋɗe 14:27

Adan agapaŋ a Antakiya, akkeletinik kretiyenɗe pakə, anahsitinik an Maŋgəlva agəɗ dənɗaŋ pakə, va akol tive sit ɗii məs Yahudiyenɗeŋ ɓa, dətafən gən Zezu.

Roma 11:20

Gesiŋ, ya amma məŋgohən na, vi dəŋgereŋ ətaf ɓa yi. Nokum bo məntepekum na, vi kətafaŋgi, vi vaski kədaw kaɓaŋ ɓa, say məgeslne'i.

Roma 12:12

Məneken zukum də zəga məs kədawgaŋ, məɓəs bonoy, məsok zukum əzuli pay pakə.

Roma 14:4

Ya naway nawtaw kita aka məgəɗ wəza na ɗəf maɓɓan di? Say daya nan kaaka dədawnah na mogoni walla tay mogon ɓa. Gesiŋ waziw ɓəlɓələ. Vi Ɗəfdaya tay də sembe narma vani.

Roma 15:13

Maŋgəlva Affən zəga məs kədawgaŋ, dəknah sukum makrokum də wəneke də zam an təstəssə, də wətaf məs kərəhaŋ dəndən, vi kəsoŋ gən guromɗe aza zəga məs kədawgaŋ də sembe na Əmpəs Salala.

Roma 2:7

Ɗii məzu sokən zit wəɗɗa mogoni, də gakdak nani, də zeŋgille məza amta ɓa, Maŋgəlva wapsit zeŋgille nassa ha faɗə.

Roma 3:23

Ɗii pak aɗɗaŋgək mambraya, dərəhaŋ gakdak məs Maŋgəlva aynan napsitiŋ ɓa.

Roma 5:5

An məs mərəm amakraməŋ arbəsəm na wil ɓa. Vi Maŋgəlva arban səmək əŋgla nani, apsəmək Əmpəs nani.

Roma 8:1

Vini kana, an ɗəf asapək də Zezu Krestu na, Maŋgəlva ataw na kita akan ɓa.

Roma 8:24

Wəkoh nam tay ta'a kana, amma də wəgani hara kana. Amma an mula gən zəga nan təmsa aza harami na, asna zəga məs mədaga ka mərah gənəŋka, wəɗum nawga zəga an də goŋgay ɓa. Naway dədawnah na kuzuŋ aka zəga məs adawla də haran di?

1Korintus 15:1

Milmiŋgiɗwa, say nəɗumon sukum wənna labara nenek məs nərban sukum kətafaŋgəŋka, akani ətaf nokum aziwi.

2Korintus 3:18

Mənam pak mənam tatula gakdak na Ɗəfdaya də haramə, mənam tatərban gakdak nan va darwgal. Vaski kan mədakpŋga ka məgil gən va Ɗəfdaya, vi gakdak nan dənzlər səmə gən abe abe. Ndəni wəza na əmpəs na Ɗəfdaya amakramə.

2Korintus 4:17

Gesiŋ adəv bonoy mənani, amma tay tuwãh ɓa, anzi naɓa. Bonoy nan waki səm gakdak ana san ha faɗə, metiŋgini sawɓa.

Efesus 2:18

Vi wənna Krestuwi mənam pakə, Yahudiyenɗe dit ɗii məs dəsənən Maŋgəlva ɓa, mərah wətoŋ aba Maŋgəlva də wəbaah na əmpəs taka.

Efesus 3:12

Mətafək Ɗəfdayaŋka, vini mərah wəsok zəmə də wəsənən ka məziw gən aba Maŋgəlva.

Efesus 6:13

Vi aski məgəm zəga naw gay na Maŋgəlva, vi kəziweŋ gən aba məzuzelkum payan mbrayen adazani. An kətakənək wəla zəga pakə, asna akəsoŋ faɗə.

2Tesaloniki 2:16

Maŋgəlva Affəmə aŋgələməka apsəmək zəga nawga an naw san ha faɗə, asɓanək makram pay pak də mbəlembəle nani. Maŋgəlva də Ɗəfdaya nam Zezu Krestu

Ibriɗe 3:6

Amma Krestuwi Wətən Maŋgəlva* məs də goŋga, Ɗəfdayayi eŋgil ana Maŋgəlva da, mənamtə gəla nani, an məppan wəsok zəm də goŋga nan ɓa, an mənam tatə gan ha pay wəgrak nani.

Ibriɗe 6:18

Zəga tay sula apəl naɓa, ndəni wən minani də wəsuwaya, Maŋgəlva awəna wən dənɗaŋ ɓa. Ndəni dədasɓamə, mərma gən wən an nawga an məs apsəmə.

1Piyer 3:18

Vaski bo Krestu sən kiyən amtək tel taka vi mambray net ɗii pakə, wətər wəray nan agrak na ɓa ha faɗə, tay də mambray ɓa, amma amtək viyit ɗii mambrayɗe, vi kakukum aza Maŋgəlva. Ɗii abayənka, amma əmpəs Salala asil gənək də zeŋgilleni.

Hənhən 21:11

Walaŋ gəla nan tay wiɗ də gakdak na Maŋgəlva, uwiɗ nan tay va gərəm na sləma, va gərəm məs adawyaŋ na yaspa kəɗeslkəɗesl va darawgal.

Hənhən 21:23

Wəray tay na paya walla na təla ɓa, vi də kasak gən awalaŋ gəla nan ɓa, Botol na Maŋgəlvayi pitirla na walaŋ gəla nani.

Hənhən 21:3

Nəpprəmək wəla ɗəf də sembe aka mazaŋga na məlĩya, yaŋ adawnah na: Kəti nasuwa na Maŋgəlva aweleŋgit ɗiiyi! Wasan dənɗaŋ wasoŋ ka ɗii nani, Maŋgəlva sən kiyən wasan dənɗaŋ, wasan Maŋgəlva neti.

Hənhən 3:21

Ɗii məs dədayaŋ ki wənnəska, wanəpsit tive nasuwa aka mazaŋga na məlĩ naw amaŋga vawa, va nawəŋka nədayək kini, nəsawək də Affuwa aka mazaŋga na məlĩ nani.