Roma 5:1 - Nouveau Testament en Guidar

¹ Maŋgəlva akpaŋgamək təstəs abani, vi mətaf wənnani. Kakaŋ na, məslerik slorɗok dəndən vi wənna Ɗəfdaya nam Zezu Krestu.

Bible en Guidar

¹ Adan mərah əssa təstəs də ətaf kan na, gəgaŋ na, mənam tat zay də Maŋgəlva dəza Daya nam Yesu Kristu.

Roma 5:1 ပူးပေါင်းရင်းမြစ်များ

Luka 19:38

Aɓɗaŋ na: Zezay aka məlĩ məs dəde də iya na Ɗəfdaya, zam a disiŋ gakdak aza Maŋgəlva an də day pakə.

Luka 19:42

Amna: Va kəsənək nok van bo, awani zam nok pay nan di? Amma kakaŋka məɗamayi ama horoko kulana ɓa.

Luka 2:14

Gakdak aza Maŋgəlva na disiŋ, zam adek aka dəlva hagap azet ɗiiyen aŋgələ, gəm məs dəŋgluwən Maŋgəlva veti.

Yohanna 14:27

Intatə pokum də zamə, əntatə pan sukum zam nawa. An məs nədapsukum, tay va an duniya adapsən ɓa. Makrokum adazlab ɓa, kədaw geslne'eŋ ɓa.

Yohanna 16:33

Nənah sukum pak vasna vi kərəhaŋ gən wəsuwa zam də ina də wəsler də ina. Wakəsaŋ bonoy a duniya, amma məsok mokrokum, nədayək ki duniya.

Yohanna 20:31

Amma an məverit adəv ɗerewel nani, məverit vi də tafən gən na Zezu wi Messiya* Wətən Maŋgəlva*, vi kərəhaŋ gən zeŋgille də wətaf nani.

Yohanna 5:24

Gesiŋ nədawnah sukum: Ko naway dəpprəm wəpel nawa, dətaf ɗəf də slənwa, warəh wəkoh ha faɗə, kita armana ɓa. Atoŋguk ki wəmta, ha gap atəki wəkoho ha faɗə.

Wəza net Masləŋɗe 10:36

Kəsəŋ gənək wən məs asləŋ sit ɗii na Israyel, arban sitik labara nenek ziti, va wənah na zam adek də Zezu Krestu Ɗəfdaya net ɗii pakə.

Roma 1:17

Vi də Labara Nenek vani Maŋgəlva arbana də wətafi ɗəf adawsan təstəs abani, daga wətəŋ nani, ha gap wəgrak nani: Va məverin adəv ɗerewel anah na: Say də wətafi ɗəf adawsan təstəs aba Maŋgəlva, ɗəf nan wasan də zeŋgille vi ətaf nani.

Roma 1:7

Nəsɗo kumko munokum ɗii na Maŋgəlva a Roma pakə, ayukumko ka kəsoŋ gən ɗii nani. Maŋgəlva Affəmə də Ɗəfdaya namə də Ɗəfdaya nam Zezu Krestu dəpsukumən mbəlembəle də zam neti.

Roma 10:10

Ɗəf məs dətaf də makrani wasan təstəs aba Maŋgəlva, ɗəf məs dəgəɗ saydawa aka Krestu də man bo wakohu.

Roma 10:15

Mbarmbari ɗəf adarban wənnan an məsləni ɓa di? Va məver wənnani: Mi mogon va tilit ɗii mərbanən Labara Nenek di?

Roma 14:17

Wən na məlĩ na Maŋgəlva na, wənnan tay də wənna zəga nawzəma də zəga naw saa ɓa, amma nan say wəsuwa də goŋga gəm wəsuwa də təstəssə də Maŋgəlva də zamə də wəsuwa neki, məs Əmpəs Salala apsəni.

Roma 15:13

Maŋgəlva Affən zəga məs kədawgaŋ, dəknah sukum makrokum də wəneke də zam an təstəssə, də wətaf məs kərəhaŋ dəndən, vi kəsoŋ gən guromɗe aza zəga məs kədawgaŋ də sembe na Əmpəs Salala.

Roma 15:33

Maŋgəlva məzapsən zam sən ɗəffa, dəsan də munokum pakə. Amin.

Roma 3:22

Maŋgəlva wataf ɗii dəsoŋ gən təstəs abani, an atafənək Zezu Krestu. Ko naway dətaf Krestu wasan təstəs aba Maŋgəlva vi aza Maŋgəlva na, ɗii pak dakadakaŋ.

Roma 3:30

Maŋgəlva takayi, ɗii məs dətafən Zezu Krestu pak waɗi ka ɗii təstəssə, ko məskəl awreɗeŋ, ko məs dəsklaŋ awreɗeŋ ɓa pakə.

Roma 4:5

Amma aza Maŋgəlva tay vas ɓa. Amma ɗəf məs dəgəɗ wəza ɓa, apanək zən sən Maŋgəlva, asna Maŋgəlva waŋɗan sən ka wətafa waɗi ka ɗəf təstəs abani.

Roma 5:11

An məs dədayki askəmpa na, mənam tatə neken zəm də wəsap nam də Maŋgəlva vi Zezu Krestu, ndəni Ɗəfdaya namə ndən də slerem də Maŋgəlva.

Roma 5:18

Nəmna: Maŋgəlva aɗiyək dolgoy na mambray sit ɗii pakə, vi mambray məs Adam aray gən katər gəni. Vaski bo Maŋgəlva wakpaŋget ɗii pak təstəssə, wapsit zeŋgille vi ɗəf taka agəɗ mogoni.

Roma 6:23

Vi riba na mambray ndəni əmta, amma mbəlembəle məs Maŋgəlva adapsəmə, ndəni zeŋgille na suwa ha faɗə məs mərah də wəsler nam də Zezu Krestu Ɗəfdaya namə.

Roma 9:30

Mbar mədawnah kakaŋ kandi? Ɗiiyen Yahudiyenɗeŋ ɓa, dəkayaŋ tive nasuwa təstəs aba Maŋgəlva ɓa, də as pak arəhənək əsuwa təstəs abani, Maŋgəlva aɗiyik ka ɗii təstəssə, vi atafən Krestu.

Galatiyen 2:16

Məsənka ɗəf asana təstəs aba Maŋgəlva də wəza na ma henziŋ ɓa. Say də wətaf Zezu Krestu, nam bo mətafək Zezu Krestu, waməsam təstəs vi wətaf nam aza Krestu vi wəɗɗa wəza na ma henziŋgi ɓa.

Galatiyen 3:25

Amma adan wətaf ade, amba va məzugəm mənan əmpa ɓa.

Galatiyen 5:22

Amma uwa na Əmpəs na ndəni: Wəŋgla, wənneke, zamə, wəɓəsən, ula saha, wəɗɗa mogoni, wəɗɗa zəga də tive nani,

Efesus 2:7

Vaski kan adarban mbəlembəle nan məs dədayki zəga pak də metiŋgini. Duniya məs dədazan pak wawla mogon nan məs agəɗ səm də Zezu Krestu.

Filipi 3:9

Say wəsap də ndən kaaka nədaw kayani. Nəkayna ɗaah təstəs aba Maŋgəlva sən kiyu də wənna ma henziŋ ɓa. Amma əntatə kay əsso təstəs aba Maŋgəlva də ətaf Krestu, asna wanəsaw təstəs aba Maŋgəlva.

Kolosi 1:20

Ndəni dəŋglu wəsleren zəga pak məs agəɗə, dəndəni Wətən aɗɗa wəsler nan də mbel nani, amtək aka wəlaŋga məzliwrihe. Vaski Maŋgəlva agrak wəsleren zəga na duniya pak dəndən, ko na fuŋ ko na disiŋ.

Kolosi 3:15

Wəsənən an gesiŋ məs Krestu apsukuməŋka, məppan dəgəɗ wəza amakrokum. Maŋgəlva dəsapokum, va gəɓa zən taka vi kəsoŋ gən də wəsən nani. Məgəɗ sən soko.

1Tesaloniki 5:23

Maŋgəlva məs dədapsəm zamə, ndən sən kiyən də ɗikum ɗii təstəssə, dəga sukum əmpəs nokum də ma genegenekum də gəɓa zukum pakə, məza də mambray ɓa ha gap pay naziya na Ɗəfdaya nam Zezu Krestu.

2Tesaloniki 3:16

Ɗəfdaya Affən zamə dəpsukum zam nan pay pakə, də tive temtem pakə. Ɗəfdaya dəsan də munokum pakə.

Ibriɗe 13:20

Maŋgəlva asil gənək Ɗəfdaya Zezu suweleŋgit ɗii mimtiti, akpaŋgək məzutaɗa meteŋgini, vi wəmta nan məs amtəŋka. Dit mbel nani aziw gən wən minan ha faɗə.