Roma 3:2 - Nouveau Testament en Guidar

² Gesiŋ, tay də sləman diiɗa. Dabəŋ nani, Maŋgəlva apanək wəpel nan mogon aveti.

Bible en Guidar

² Dahadaha pay diyɗa yi. Vi daabəŋ nani, aveti məppan əpel na Maŋgəlva.

Roma 3:2 ပူးပေါင်းရင်းမြစ်များ

Yohanna 5:39

Munokum tatəŋɗetin ɗerewelɗe, munokum tat də wəɗum nawrəh zeŋgille məs nasa ha faɗ dəndən. Mbarakana ɗerewelɗe net wənnaw adawpeleŋ.

Wəza net Masləŋɗe 7:38

Ndəni daya net dəhiŋgiɗmə də maslay məs dəpelsən aka gərəm na Sinay pay akkalaŋ a muya. Adakki arəh wəpel narəh zeŋgille dəndən ndəni apsəmə.

Roma 1:2

Vi Maŋgəlva anəhək wənna Labara Nenek nan də met məs kleŋɗe daga farə, adəv ɗerewel nani, wakohgit ɗiiyi va məŋɗan wənnan adəv ɗerewel an salala*.

Roma 2:18

kəsənək wəɗɗa əŋgla na Maŋgəlva, vi ma henziŋ nan arban sukuk tive ka kəwel gən zəga mogoni.

Roma 3:1

Ya an vaski na, də mi Yahudiyenɗe adayaŋ kiyit ɗii məs Yahudiyenɗeŋ ɓa di? Wəskəl awra net tay də sləman sa?

Roma 3:3

An ɗii meɓɓet suweleŋgit tahəŋ də goŋga ɓana, watak goŋga na Maŋgəlva sa?

Roma 9:4

Net kpak əlfa net Israyelɗeŋ, ɗii məs Maŋgəlva aweləŋ. Maŋgəlva akpaŋgetik ka kirtini, arban sitik gakdak nani. Aynanək wənnan dənɗaŋ, apsitik ma henziŋ də wəsban Maŋgəlva an də goŋga, də mogon məs anah napsit diiɗa,

1Korintus 9:17

An nəɗɗak wəza nan dəŋgla na makrawa, asna anəɗum narəh riba nawa. Amma kakaŋ əntatəɗɗani, vi məɗi səwi wənnan naɗɗani. Va Maŋgəlva apan su a vawa.

2Korintus 5:19

An məs Krestu agəɗə, nan akpaŋgək wəza na Maŋgəlva. Maseŋgiɗin nek akpaŋgetik ka bayneŋgiɗin, aŋɗan na mambray net əmpa ɓa. Apan səmək wənnarban labara nan ko aŋga pakə.

Galatiyen 2:7

Awlanənək Maŋgəlva apsuwək wəza nawpel Wən Nenek azet ɗii məs dəsənən Maŋgəlva ɓa pakə, va apsən Piyer dəpel sit gən Yahudiyenɗe.

1Timote 6:20

Timote, arma wən məs nəpel sukəŋka. Azar səza wən məs ɗar mekeleŋ də wəbay ma net dərweŋge. Də an ɗii adawnahaŋ na ndəni wəsən an də goŋga.

Ibriɗe 5:12

Pay nan agapka kəsoŋ gən mərbaŋ zəga, amma ha kakaŋka mokum aka ɗəf dərban sukum gən zəga an məs tay tuwãh adəv wənna Maŋgəlva ɓa. Aslək kəzəmaŋ gən way məsbəkən ɓələ, amma munokum tatu waɗaŋ tagay.

1Piyer 4:11

An ɗəf wapeli, say dəpel wənna Maŋgəlva. Ɗəf maɓɓan məgəɗ wəza sən ɗəffa, dəɗɗa də sembe məs Maŋgəlva apsənəŋka, an məs kədaɗɗaŋ pak say dəsan naw gakdakan Maŋgəlva də Zezu Krestu. Sembe pak nani də gakdaka ha faɗə. Amin.

Hənhən 19:10

Nəkdukuk amba tələn kawzuli səni, amma apsu na: Kəɗɗa vas ɓa! Naw bo gawla na Maŋgəlva nan va isi gəm venet milmiŋgiɗuk məs dərəhaŋ goŋga səza Zezu. Məzulisən Maŋgəlva. Goŋga məs Zezu arbani, ndəni an məs kleŋɗe arbaŋ də wəza neti.

Hənhən 22:6

Yaŋ maslay nak apsu na: Wənnəs pak gesiŋgi, təstəssi wən vani, Maŋgəlva Ɗəfdaya, məs dəpsit Əmpəs nan sit məs kleŋɗe, aslinik maslayɗe nani, vi dərbanən gən an məs dədaɗɗa gu' gesiŋ.