Roma 2:7 - Nouveau Testament en Guidar

⁷ Ɗii məzu sokən zit wəɗɗa mogoni, də gakdak nani, də zeŋgille məza amta ɓa, Maŋgəlva wapsit zeŋgille nassa ha faɗə.

Bible en Guidar

⁷ Zeŋgile nassa faɗ sit en məsokən zit əɗɗa moggoni, məkayanən gagdaka, əɗi kiya gəm zeŋgile məs amta ɓa.

Roma 2:7 ပူးပေါင်းရင်းမြစ်များ

Matiye 25:46

Kawketi aki nawzəm saha an ha faɗə, amma ɗiiyen təstəssə wasoŋ də zeŋgille ha faɗə.

Luka 21:19

Də wəsok zukum wakukoh gitin zeŋgillekum.

Luka 8:15

Zemve an dəbət aka ba'arə tay va məzupprəmaŋ wənna Maŋgəlva, armanənək də mekret taka, wətər wəray net warban zən də wəza neti.

Yohanna 4:36

Məzu bəl warah iya nani, wəkkalan hay na zeŋgille an nasa faɗə, vi məzəslga də məzu bəla pak wanekenən ziti.

Yohanna 5:44

Ko naway tay kay wəŋgla nani, amma kəkayaŋ na wəŋgla na Maŋgəlva ɓa. Ya mbarmbari kəda ɓapən wətafwən di?

Roma 2:10

Amma ko naway dəgəɗ mogoni, ko Yahudiyen, ko ɗəf məza Yahudiyenni ɓa pak Maŋgəlva wapsən gakdaka də zam nani də wəɗi kiti.

Roma 6:23

Vi riba na mambray ndəni əmta, amma mbəlembəle məs Maŋgəlva adapsəmə, ndəni zeŋgille na suwa ha faɗə məs mərah də wəsler nam də Zezu Krestu Ɗəfdaya namə.

Roma 8:18

Nəɗumək wənna wəzəm saha nam adəv duniya an kakaŋkəŋka. Ya gesiŋ kaw slani wənnan də gakdak məs Maŋgəlva adaɗum narban səməŋ ɓa.

Roma 9:23

Azet ɗii meɓɓet bo, aŋgələk ərban gakdak nan diiɗa, awlak səsahti, azaɓan sitik daga far laŋka vi dərəhən gən gakdak nani.

1Korintus 15:42

Vaski bo əsilyo səkəti əmta adawsani. Məndəkən waŋgənə. An məs naw silyani azə naɓa.

1Korintus 15:50

Milmiŋgiɗwa an məs nəŋgəl ərban sukum na, ndən yaŋka: Ɗii məs də slu ziti dit mbeli atoŋgoŋ na məlĩn na Maŋgəlva ɓa. Gəɓa zə ɗəf məs namta, arəh na əsan ha faɗ ɓa.

1Korintus 15:58

Vini munokum milmiŋgiɗu na makrawa, məsoŋ va də suwerkum məza naɓla ɓa. Məgay sən wəza na Ɗəfdaya pay pakə, kəsənənka zukum məs kədaw sokoŋ də wəsap nokum də Ɗəfdaya asanna ɗar ɓa.

Galatiyen 6:9

Mədaw ya də wəɗɗa mogon ɓa, an məyə ɓana waməbəllə an pay nan agapka.

Efesus 6:24

Mbəlembəle na Maŋgəlva dəsan aket ɗii məs dəŋgluwən Ɗəfdaya nam Zezu Krestu də əŋgla məs awray ɓa.

Kolosi 1:27

Yaŋ kan Maŋgəlva aŋgələk wərban gakdak na wən məɗama nan metiŋgin məs azaɓan viyit ɗii pakə. Wən məɗama nan vani, ndəni Krestu məs namakrokum, ndəni dəpsukum wənnawga zəga, narəh haran nokum aza gakdak na Maŋgəlva.

1Timote 1:17

Maŋgəlvayi məlĩ an ha faɗə, məza amta ɓa, məs kaw ɓappi ulan ɓa, ndəni Maŋgəlva tətaka katər gəni. Məs dəsan də gakdak ha faɗə. Amin.

2Timote 1:10

Amma kakaŋ na arban səmək də wəziya na Zezu Krestu, məzukohgəmə. Zezu Krestu agrakək sembe na əmta, arbanək zeŋgille məza amta ɓa, ndəni labara nenek adarban səmə.

Ibriɗe 2:7

Kəgəsanək pay suɗike azet maslayɗe, kəpsənək gakdak metiŋgin va məlĩya.

Ibriɗe 6:12

Məŋgəl kəsoŋ gən mətampəlɗe ɓa, məsoŋ va ɗii məs dətafaŋ dabəŋ tahəŋ də wəɓəsəni vi kawrəh an məs Maŋgəlva anah na wapsəmə.

Ibriɗe 6:15

Abraham agak də wəɓəsən, ndəni arəh zəga an məs Maŋgəlva anahsəni.

1Yohanna 2:25

Awla an məs Krestu aynan na wapsəmə, ndəni zeŋgille nasuwa ha faɗə.