Roma 2:5 - Nouveau Testament en Guidar

⁵ Amma makrokum ɓəlli kəngereŋ ətubi ɓa. Də wəɗɗa vaski kəda tattuwãhnən kita na Maŋgəlva diiɗa akokum pay adarban zən də wəda gədəv nan də kita nan an də goŋga.

Bible en Guidar

⁵ Ya, də ki ɓəɓəl noko gəm mokrok məs awɗi marava ɓa, is tat əkkalan ədagədəv akoko, pay ədagədəva gəm ətawwən na Maŋgəlva də təstəs adarba,

Roma 2:5 ပူးပေါင်းရင်းမြစ်များ

Roma 1:18

Əda gədəv na Maŋgəlva arbanək zən daga sə disiŋ, gədəvən adək aka mambray də ɗarɗar an məs ɗii adaɗɗaŋ pakə, dəsbanən an Maŋgəlva aŋgəl ɓa. Mambray net aɗamanək goŋga na Maŋgəlva.

Roma 11:25

Milmiŋgiɗwa nəŋgəl karban sukum goŋga məs dəɗamə, vi kədaw lanən zukum va məsənaŋ zəga pak ɓa. Maŋgəlva appetik Israyelɗe meɓɓet aŋkluwənək mekreti. Amma wənnan kadagrak na, an ɗiiyen məs Maŋgəlva awel suweleŋgit ɗii məs Israyelɗeŋ ɓa, azoŋguk azan pak arəhaŋgək əkoho.

Roma 9:22

Vaski kan va wəza na Maŋgəlva asani. Azet ɗii meɓɓet na, aŋgəl ərban əda gədəv nan də sembe nani. Aslək dəzaŋ gəni, amma aɓəs sitike də əŋgla nan diiɗa.

2Korintus 5:10

Dewle mənam pak amərban zəm aba mazaŋga na kita na Krestu. Pay nan dəpaska ko naway warah riba va aza wəza məs agəɗ a duniya, ko wəza mogon agəɗə, ko mbrayen agəɗə.

2Tesaloniki 1:5

Ndəni kan va saydawa na kita an təstəs na Maŋgəlva, saha məs kəzəmaŋgəŋ na, agəɗ vas na vi kəsoŋ gən ɗii na məlĩ na Maŋgəlva.

Ibriɗe 3:13

Məsəɓ sən zukum pay pakə ha faɗə, va dəpaŋka. Va ɗerewel anah na: Mambray adawmbəɗokum ɓa, kədawɓoŋgoŋ ɓa.

Ibriɗe 3:15

Ɗerewel na Maŋgəlva amna: An kəpprəmənək wəlan dəpaŋka, kədawɓoŋgoŋ va dəhiŋgiɗkum aɓoŋgoŋ aka Maŋgəlva ɓa.

Ibriɗe 4:7

Ndəni kan Maŋgəlva aɗi pay meleketeni ndəni adawyaŋ na (dəpaŋka). Apelik wənnan dərɓaga wəsva diiɗa, də ma Davit amna: An kəpprəmənək wəlla Maŋgəlva dəpaŋka, kədawɓoŋgoŋ ɓa.

Yakob 5:3

Təbəs net dələɗ nokum azəlahka, wəzəlah nan wasan va saydawa akokum wazlukum va offo adawzla təkiya, vi kəkalanənək arya nokum ha gap pay nagraka.

2Piyer 2:9

Ɗəfdaya asənək va adaw koh git ɗii məzu dawaŋ amban səka wəzəm saha neti, asənək bo va adawge məɗɗaŋ mambraya, vi kawtaw kita aket pay na kita.

2Piyer 3:7

Amma disiŋ də dəlva fuŋ an kakaŋkiŋki, də wəpel na Maŋgəlva vani asuwaŋ tagay vi kagrekit də offo. Məzeɓeti ha pay nawtaw kita aket ɗii mbreyit də wəzeti.

Zuda 1:6

Məɗumon wənnet maslayɗe məs dətoŋgoŋ ki meŋge na gakdak məs Maŋgəlva apsiti, appanənək təki nasuwa neti. Maŋgəlva ampetik ara guzli afuŋ, aynetik dit ngiyamɗe məs apəlaŋ na ɓa. Say pay na kita net adawgaŋ kaaka'ə.

Hənhən 2:21

Nəpəl sətək tive tətubi gəni, amma təŋgəm kaw tubi aka wəɗɗa mana'a nat ɓa.

Hənhən 6:17

Pay metiŋgin na gidivit nawda agapka. Naway də sembe nawtakən di?