Roma 2:4 - Nouveau Testament en Guidar

⁴ Walla munokum tatə zelin mogon nanəŋ metiŋginəŋ də an adaw ɓəsnəŋ sa? Kəsənən na, mogon na Maŋgəlva na, ndəni dəda kpaŋgokum kətubiyaŋ gəni kəmilyoŋ gən azan ɓa sa?

Bible en Guidar

⁴ Awaniɓa moggon nani, əssa nan haran sekke gəm əɓəs nan kədawzelen sa? Məza əsən tay akan ɓa, kəsən na moggon na Maŋgəlva tay əreɗuk kəɗigən marava ɓa sa?

Roma 2:4 ပူးပေါင်းရင်းမြစ်များ

Roma 10:12

Wənnəska tay viyit ɗii pakə, zəga tay nawɗeket Yahudiyenɗe dit ɗii məs Yahudiyenɗeŋ ɓa ɓa. Vi Maŋgəlvayi Ɗəfdaya net pakə, tayəpsit mbəlembəle sit ɗii məɗɗaŋ saydawa akan pakə.

Roma 11:22

Mula va Maŋgəlva adarban mogon nani də wəhay nani, tay hayet ɗii məs dədapanənni, amma mogoni kla zokum adan munokum tatəsoŋ adəv mogon nani, an vaski ɓana, nokum bo, kawɓəlkumi va kivan annaka.

Roma 11:33

Kay! Arya na Maŋgəlva diiɗayi sawɓa. Maɗulani də wəsən nani, kawsəni ɓa. Naway dədawɓap wəboton wəɗum nan di? Naway dədawsən tive nan di?

Roma 3:25

Maŋgəlva aɗiyək aban ka ɗəf nawsleren dit ɗii na duniya pakə. Mbel nan məs dənzuwaŋ aka wəlaŋga məzliwrihe ndəɗaŋgəŋ dəda kpaŋgetin ɗii məs dətafaŋ təstəs aba Maŋgəlva. Daga far laŋka Maŋgəlva aɓəsəka dətaw kita aka mambray net ɓa. Amma kakaŋ na, tay əviyan sit mambray neti. Vaski kan arban təstəs nani. Gesiŋ də payan nam kakaŋki aŋgəl wərban vaska. Maŋgəlva təstəssi, tay ɗi ɗii məs dətafən Zezu pak ka ɗii təstəssə.

Roma 6:1

Mbar mədawnəh kandi? Aməsban wəɗɗa mambray abe abe vi mərah gən mbəlembəle na Maŋgəlva diiɗa sa?

Roma 6:15

Adan mbəlembəle na Maŋgəlvayi dədaw zəm məlĩ akamə, məza ma henziŋgi ɓa, asna say məsban gən wəɗɗa mambray kana sa? Kay tay vas ɓa!

2Korintus 8:2

Məslani ətaf net də bonoy diiɗa, amma tahəŋ də zit nek diiɗa sawɓa. Vini ko tahəŋ də saha zlaŋ, akkalanənək zəga məs aɗiyaŋ diiɗa.

Efesus 1:18

Maŋgəlva dəkol sukum maɗulokum də təki babar nani, vi kəsənən gən wəgrak na tive an məs muyukum akan ka kəgapaŋ gən adaka, vi kəsənən gən gakdak na arya nan məs nagət akani an azaɓan sit ɗii nani.

Efesus 1:7

Vi wənnet mbel na Krestu məs dəziyaŋ mərəhək kimə də əviyan mambray namə, vas ki Maŋgəlva arban səm gakdak na mogon nani.

Efesus 2:4

Amma Maŋgəlva tay də ula saha diiɗa, vi wəŋgla nan diiɗayi sawɓa,

Efesus 2:7

Vaski kan adarban mbəlembəle nan məs dədayki zəga pak də metiŋgini. Duniya məs dədazan pak wawla mogon nan məs agəɗ səm də Zezu Krestu.

Efesus 3:16

Intatə kaman Maŋgəlva məs də gakdak diiɗa, ka dəsɓan gən mokrokum də sembe na əmpəs nani.

Efesus 3:8

Əntə dərɓe an faɗ azet ɗii na Maŋgəlva: Yas dərəŋ kana, Maŋgəlva awəl saha akawa apsuwək tive vi nəpel gən Wən Nenek nan sit ɗii məs dəsənən Maŋgəlva ɓa, vi nərban sit gən arya na Krestu diiɗayi ka səni ɓa.

Filipi 4:19

Maŋgəlva naw dətər sukum wəray nokum pakə, də gakdak nan metiŋgini, məs na dəv Zezu Krestu.

Kolosi 1:27

Yaŋ kan Maŋgəlva aŋgələk wərban gakdak na wən məɗama nan metiŋgin məs azaɓan viyit ɗii pakə. Wən məɗama nan vani, ndəni Krestu məs namakrokum, ndəni dəpsukum wənnawga zəga, narəh haran nokum aza gakdak na Maŋgəlva.

Kolosi 2:2

Nədawgay vasna kəsoŋ gən ɓəlɓələ də wəsap adəv wəŋgla, kəkpaŋgaŋ gən ɗii məziweŋ aka goŋga pakə, dəsənən gən wən məɗama na Maŋgəlva ndəni Krestu.

1Timote 1:16

amma vi wənnani Maŋgəlva awəl saha akawa, vi Zezu Krestu dərban gən əŋgla nan diiɗa də ina, əntə daya net məɗɗaŋ mambraya, vi nəsaw gən dabəŋ aweleŋgit ɗii məs dətafəni, məs dədawrəhaŋ zeŋgille nasuwa ha faɗə.

1Timote 6:17

Anah sit məs aryeɗ də zəga na duniyaŋka, adawkaɓaŋ ɓa. Adawɗiyən makret aka arya məs asana faɗ ɓaŋ ɓa, amma dəɗiyən mekret aka Maŋgəlva məs dədapsəm zəga pak na mekeleŋ məneken gən zəm dəndən.

1Piyer 3:20

Va wənah na: Sit əmpəsɗe net ɗii məs dəsbanən Maŋgəlva lahəŋ ɓa, va Maŋgəlva aɓəs lahəŋka aga Nuwa pay adawzaɓ bəlay. Adəvən bo ɗii dədopoɗo kaaka də kohoŋ səret iŋkile.

2Piyer 1:11

Vaski bo Maŋgəlva apsukumək tive mogon nawtoŋ adəv məlĩ nan məza agrak ɓa na Ɗəfdaya nam Zezu Krestu məzu koh gəmə.

2Piyer 3:15

Məsən na əɓəs na Ɗəfdaya akol sukumək ma tive ka kəkohoŋ gəni, va məlməm namakram Pol aver sukum də maɗulan məs Maŋgəlva apsəni.

2Piyer 3:3

Kəsənən gən tagay na, pay wəgrak dəlva, ɗii meɓɓet wazoŋ məzə soŋ adəv əŋgla na gəɓa ziti: Wamasaŋ akokum.

2Piyer 3:9

Ɗii meɓɓet tahəŋ əɗumoŋ na Ɗəfdaya tay liya daɗɗa an məs annahə, amma vaski ɓa, awli gən ɓa. Amma tay ɓəs sukum vi dəŋgəl ko naway dəzə gən ɓa, say ɗii pak dəzoŋ gən də tubiyaŋ gəni, dəppanən gən mambray neti.

Hənhən 2:21

Nəpəl sətək tive tətubi gəni, amma təŋgəm kaw tubi aka wəɗɗa mana'a nat ɓa.

Hənhən 3:20

Awla əntat ziwe amadamba, an ɗəf apprəmək wəllawa, akoluk madamba, wanətoŋ annanda, wanəzəm dəndən, nan bo wazəm də ina.