Roma 2:12 - Nouveau Testament en Guidar

¹² Ɗii məza Yahudiyenɗeŋ ɓa, dəsənən ma henziŋ na Maŋgəlva ɓa, aɗɗaŋgək mbrayen, net wazaŋ məza də ma henziŋ ɓa. Amma Grekɗe, asənənək ma henziŋ na Maŋgəlva, də as pak aɗɗaŋgək mambraya, net katawi kita aket də ma henziŋ na Maŋgəlva.

Bible en Guidar

¹² Ɗiy məs tahəŋ də mahenziŋ ɓa dəɗɗaŋ mambraya, wazaŋ məza də mahenziŋ ɓa'e. Ya en məs də mahenziŋ dəɗɗaŋ mambray pak, kawtawi wən aket də mahenziŋ.

Roma 2:12 ပူးပေါင်းရင်းမြစ်များ

Matiye 11:22

Vi vaski nədarban sukum: Pay wəgrak dələv na, kita na Tirus də Sidon wasan ɗəɗaah ki kita nokum.

Matiye 11:24

Vaski nədawnah sukum: Pay wəgrak dəlva, kita na Sodoma wasan ɗəɗaah ki kita nok kpakə.

Yohanna 19:11

Zezu azlan sənəka: Istat də sembe akaw ko suɗike ɓa, say an Maŋgəlva dəpsuko. Vi vaski ɗəffan dəkiyu aboko mambray nan day kiko.

Wəza net Masləŋɗe 2:23

Daga farə Maŋgəlva aŋgələk kapsukum Zezu. Yaŋ nokum bo kəbayənni, yaŋ kənah sitin ɗii məs mambrayɗe dəkpa'ən gən aka wəlaŋga məzliwrihe.

Roma 1:32

Asənənək kita na Maŋgəlva gesiŋ, ɗii məɗɗaŋ zev wəza vas pak kita net say əbeyti. Də as pak tayəɗɗanən wəza nan vaska'a. An məs dəray day van əmpa na, yaŋ kadaw ɗiyən kiyit məɗɗaŋ zev wəza vas pakə.

Roma 4:15

Zəga tay ma henziŋ adaw ki sit ɗii ɓa, say wəda gədəv na Maŋgəlva kaaka'ə, Va dawka tay ɓa wəzlaɓ bo wasan ɓa.

Roma 8:3

Maŋgəlva sən kiyən aɓapək wəɗɗa an ma henziŋ dəɓap wəɗɗan ɓa, vi mədakəm mənani. Aslənək Wətən də gəba zən va ɗəffa, məs dənan wərak na mambray vanet ɗii pakə. Adəv gəɓa zə ɗəffi ataw kita aka mambraya. Də vaski kan adayki mambraya.

1Korintus 9:21

Vaski bo an əntatə saw dit ɗii məs dəsənən dawka ɓa, naw bo in kpaŋgan zu va neti. Nənah na nəsban na ma henziŋ na Maŋgəlva ɓaɓa, gesiŋgi bo əntatə əsban ma henziŋ na Krestu.

Galatiyen 3:10

Məzu ɗiyin zit va məsbaŋ ma henziŋ pak məray gitiŋ. Vi məverni na, ko naway məs asban ma henziŋ va məverin pak ɓa, məray gəni.

Galatiyen 3:22

Amma ɗerewel amna: Mambray tay zəm məlĩ aket ɗii na duniya pakə, vi wən məs Maŋgəlva aynan dəsan gən sit ɗiiyen dətafaŋ, vi atafənən Zezu Krestu.

Yakob 2:10

An ɗəf asbanək ma henziŋ pakə, amma agəsanək antaka, kawtawi kita akan va agəset ma henziŋɗe pakə.