Roma 2:10 - Nouveau Testament en Guidar

¹⁰ Amma ko naway dəgəɗ mogoni, ko Yahudiyen, ko ɗəf məza Yahudiyenni ɓa pak Maŋgəlva wapsən gakdaka də zam nani də wəɗi kiti.

Bible en Guidar

¹⁰ Gagdaka, əɗi kiya gəm zay aka ɗəf məgəɗ wəza moggon pakə, daabəŋ nani, aka mə Yuda, asna aka mə Gərek.

Roma 2:10 ပူးပေါင်းရင်းမြစ်များ

Matiye 10:13

An ɗii nadəv gəla nan atafkumənko, as na agapaŋgək narəh zam vani, amma an dətafkumən annet da ɓa, mətoŋ də zam nokum.

Luka 1:79

vi də kasak gin ɗiiyen nara guzliyo dit ɗiiyen nara zeŋgille namta, wadaw gən tələm aka tive na zamə.

Luka 12:37

Zəzay azet gewleɗiski an day net arihik tahəŋ wəganəni. Gesiŋ nədawnah sukum, waynan zən vi wəza, waye dəzəmaŋ gəni, nan tam wagiɗsit wəza.

Luka 19:42

Amna: Va kəsənək nok van bo, awani zam nok pay nan di? Amma kakaŋka məɗamayi ama horoko kulana ɓa.

Luka 22:14

Adan pay nan agəɗə, Zezu atəŋgək wəzəm dit masləŋɗe.

Luka 9:48

apsit na: Ko naway dətaf wiyən muzliya də iya nawa: Anaw atafə. Ko naway dətafwa ana ɗəf də slənu atafə, ɗəffan muzliya nambokum pakə, ndəni daya.

Yohanna 12:26

Ko naway dəŋgəl wəgəɗ su wəza say dəsbawa, vi məza gəɗ su wəza, də san gən atəki məs nəsaw tamə. Ko naway dəgəɗ su wəza. Affu wa gakdakni.

Yohanna 14:27

Intatə pokum də zamə, əntatə pan sukum zam nawa. An məs nədapsukum, tay va an duniya adapsən ɓa. Makrokum adazlab ɓa, kədaw geslne'eŋ ɓa.

Yohanna 16:33

Nənah sukum pak vasna vi kərəhaŋ gən wəsuwa zam də ina də wəsler də ina. Wakəsaŋ bonoy a duniya, amma məsok mokrokum, nədayək ki duniya.

Wəza net Masləŋɗe 10:35

An ɗəf ageslne sənəka, agəɗək wəza mogoni, Maŋgəlva waŋglu ko zemvit maay naway pakə.

Roma 14:17

Wən na məlĩ na Maŋgəlva na, wənnan tay də wənna zəga nawzəma də zəga naw saa ɓa, amma nan say wəsuwa də goŋga gəm wəsuwa də təstəssə də Maŋgəlva də zamə də wəsuwa neki, məs Əmpəs Salala apsəni.

Roma 15:13

Maŋgəlva Affən zəga məs kədawgaŋ, dəknah sukum makrokum də wəneke də zam an təstəssə, də wətaf məs kərəhaŋ dəndən, vi kəsoŋ gən guromɗe aza zəga məs kədawgaŋ də sembe na Əmpəs Salala.

Roma 2:7

Ɗii məzu sokən zit wəɗɗa mogoni, də gakdak nani, də zeŋgille məza amta ɓa, Maŋgəlva wapsit zeŋgille nassa ha faɗə.

Roma 2:9

Məɗɗaŋ wəza mambray pakə, wazəm saha an də tattuwãh pak wade aketi, dabəŋ nani aket Yahudiyenɗe, asna aket ɗii pak məs dəsənən Maŋgəlva ɓa.

Roma 5:1

Maŋgəlva akpaŋgamək təstəs abani, vi mətaf wənnani. Kakaŋ na, məslerik slorɗok dəndən vi wənna Ɗəfdaya nam Zezu Krestu.

Roma 8:6

Ɗəf məs dəsban əŋgla na zəni, wamtə, amma ɗəf məs dəsban Əmpəs na Maŋgəlva, nan warah zeŋgille nasuwa ha faɗ də zamə.

Roma 9:21

Mərkaŋ tat də sembe aka dələv narka ɓa sa? Də dələv məs takaŋka wa təɓap wərka mesteɓeɗ sula, aŋka mesteɓe na sləma, aŋ tamə ɗarə.

Roma 9:23

Azet ɗii meɓɓet bo, aŋgələk ərban gakdak nan diiɗa, awlak səsahti, azaɓan sitik daga far laŋka vi dərəhən gən gakdak nani.

Galatiyen 5:22

Amma uwa na Əmpəs na ndəni: Wəŋgla, wənneke, zamə, wəɓəsən, ula saha, wəɗɗa mogoni, wəɗɗa zəga də tive nani,

Galatiyen 5:6

Vi an məsapək də Krestu wəskəl awra atərna wəray ɓa, ko məs dəskəl awra ɓa pak atərna ɓa, say wətaf an məs dəsap də wəŋgla.

Filipi 4:7

Zam na Maŋgəlva dədayki zəga pak məs ɗəf adawɓap wəsəna, dəga makrokum də əmpəs nokum adəv Zezu Krestu.

1Timote 1:17

Maŋgəlvayi məlĩ an ha faɗə, məza amta ɓa, məs kaw ɓappi ulan ɓa, ndəni Maŋgəlva tətaka katər gəni. Məs dəsan də gakdak ha faɗə. Amin.

Ibriɗe 2:7

Kəgəsanək pay suɗike azet maslayɗe, kəpsənək gakdak metiŋgin va məlĩya.

Yakob 2:22

Kəsən ɓa sa? Wətaf na Abraham asapək də wəza nani. Ndəni kan wəza aknahan wətaf nani.

Yakob 3:13

Ɗəf tay də maɗulan məzu sən zəga awalaŋkum sa? Say dərban gən də wənziya nan mogoni, də wəɗɗa wəza mogoni, də wəɓegən ki zəni də maɗulani.

1Piyer 1:7

Wəzəm saha nan ade na vi kawsla wətaf nokum, gesiŋgi sa. Vaski bo va təbəs na meleŋge məs asna ha faɗ dərəŋ ɓa məslani də offo, vaski bo wətaf nokum tay də sləman dayki təbəssa, məsla wətaf nokum na vi kawla kəkərtəh nani. Vi kərəhaŋ gən wəɗi sukum kikum də gakdaka də sləmokum pay Zezu Krestu adazani.

1Piyer 5:4

An məzutaɗa an daya adek na, wakərəhaŋ mətər kiya an də gakdaka, an məza awray ɓa.