Roma 13:7 - Nouveau Testament en Guidar

⁷ Məfaɗ zəga məs dəslə nawfaɗ sit məlĩyeŋge, məfaɗ zomorgol, an məs ɗii gugiriɗ na dələv anah sukumən napsit pak məpsiti. Məgakdeketi, vi agapaŋgək nawrah gakdak vaska.

Bible en Guidar

⁷ Sən ɗəf pak məfaɗ sən an dəslə səni, nzalaka sən məkkal nzalaka, an mətawən nawfaɗ sən məs dətawa, geslne sən an nawgeslne səni, əɗikiya sən an nawɗi kiyən.

Roma 13:7 ပူးပေါင်းရင်းမြစ်များ

Matiye 17:25

Piyer azlan sit na: Wafaɗa. Pay Piyer adawtoŋ adəv gəla, Zezu apel sənək dabəŋ amna: Mbari kəɗum di Simoŋ? Mədəŋgaŋ məfaɗaŋ zomorgol di walla deleɗ na mekeleŋ sit milyeŋge na duniyaŋ di? Ɗii na dələv nan sa, walla melekeɗi?

Matiye 22:21

Aɓɗaŋ na: Foto na məlĩ na Romayi. Zezu apsit na: Məmndagan sən an dəslə aza məlĩ na Roma, məpsən Maŋgəlva bo an dəslə səni.

Markus 12:17

Zezu apsit na: Məmndagan sən an dəslə sən məlĩ na Roma, məpsən Maŋgəlva bo an dəslə səni. Agətaŋgək aka wəzlan nan sawɓa.

Luka 20:22

Ma henziŋ atatək əpsən zomorgol sən məlĩ na Roma sa walla də tak ɓa?

Luka 20:25

Apsit na: Məmndagan sən an dəslə sən məlĩ na Roma, məpsən Maŋgəlva bo an dəslə səni.

Luka 23:2

Atəŋ gənək əwəlini aɓɗaŋ na: Mərəhək ɗəffəŋ tay nah sit ɗii də ɓoŋgoŋ gəni, tay tak ɗii dapsənən zomorgol sən məlĩ na Roma, tay nah na ndən sən kiyən na Messiyayi* məlĩyi.

Roma 12:10

Məŋglu zukum, vi məlma kənanaŋ adəv wətaf nokum məs kətafən Krestu, məɓe sən zukum.

Roma 13:6

Vi vaski məfaɗ zomorgol. Vi wəza net ɗii gugiriɗ adaɗɗaŋgəŋka, tahəŋ wəɗɗanən vi Maŋgəlva'a.

Efesus 5:33

Amma tay pel wən nokuma'e, ko naway dəŋgluwət guluk nan va aŋglu zəni, guluk bo təɗi ki zilta.

Efesus 6:5

Munokum balemɗe məpprəm met dayeɗe nokum məs na duniya, də geslne də wəkkere, də mokrokum taka, va kədapprəmən ma Krestu.

1Timote 5:13

Vas bo adaw sərəkaŋ məza aɗɗaŋ wəza ɓaɓa, adasoŋ məzə balaŋ a megge də awalaŋ gəla ɗarɗar ɓa. An day əmpa bo adasoŋ məwaŋ tepelke ɓa, də wətoŋ aka wən məza wənneti ɓaɓa, vi kawpeleŋ an məs dəslə azet nawpel ɓaɓa.

1Timote 5:17

Ɗii gugiriɗ net kretiyenɗe məɗɗaŋ wəza mogoni, net agapaŋgək nawrəh zəga agəla iya net təɓələn sula, an dəday pak van əmpa na məzu peleŋ wənna Maŋgəlva sit ɗii də wərbansiti.

1Timote 6:1

Balemɗe net ɗii məs dətafən Maŋgəlva ɓa, say dulenin dayeɗe net də wəgakdeketi, vi adawpeleŋ mbrayen aka Maŋgəlva nam də an məs mədarban ɓa.

1Piyer 3:7

Nokum munokum zel bo, məsoŋ dit gil nokum də wəsinit na tahəŋ də sembe va nokum ɓa, məgekdeketi, vi net bo Maŋgəlva wapsit əkoho, va apsukum, Məgəɗ vaska vi wəzuli nokum adattap ɓa.