Roma 12:3 - Nouveau Testament en Guidar

³ Vi wənna zəga məs Maŋgəlva avay də mogon nani, ndəni nədawnah sukum pakə: Kəda ɗumoŋ aka gakdak na zukum dayki zukum ha dayki an dəslə sukum ɓa, amma ko naway dula ki zən va an dəslə aza wətaf nan məs Maŋgəlva apsəni.

Bible en Guidar

³ Də mbəlembəle məs məvaya, in tat ənah sən ɗəf səmmbokum pak na: Kədaɗɗumoŋ aka gagdak na zukum dayki an dəslə sukum ɓa, ya məɗɗum əɗɗum an salala, naway pak va əsla na ətaf məs Maŋgəlva apsəni.

Roma 12:3 ပူးပေါင်းရင်းမြစ်များ

Luka 18:11

Farisiyen aziwke, azuliyək amakran vaska: Aw Maŋgəlva nəgəɗ sukuk soko vi əntat va ɗii meɓɓet ɓa, va meheleŋɗe, də sənaŋ goŋga ɓa, məɗɗaŋ mana'a, walla bo va duwan nəŋ ɓa.

Yohanna 3:34

Masləŋ na Maŋgəlva tay pel wənna, vi Maŋgəlva aknəhək də Əmpəs nani.

Roma 1:5

Vi wənnani, Maŋgəlva avay tive nəkpaŋ gən masləŋ nani, vi nəka gən Labara Nenek nan sit ɗii namba dələv pakə, dətafən gəni, dəpprəmən gən ma Maŋgəlva də wə gakdakan iya na Krestu.

Roma 11:20

Gesiŋ, ya amma məŋgohən na, vi dəŋgereŋ ətaf ɓa yi. Nokum bo məntepekum na, vi kətafaŋgi, vi vaski kədaw kaɓaŋ ɓa, say məgeslne'i.

Roma 11:25

Milmiŋgiɗwa nəŋgəl karban sukum goŋga məs dəɗamə, vi kədaw lanən zukum va məsənaŋ zəga pak ɓa. Maŋgəlva appetik Israyelɗe meɓɓet aŋkluwənək mekreti. Amma wənnan kadagrak na, an ɗiiyen məs Maŋgəlva awel suweleŋgit ɗii məs Israyelɗeŋ ɓa, azoŋguk azan pak arəhaŋgək əkoho.

Roma 12:16

Məsoŋ də wəsler awalaŋ zukum, kədaw kayaŋ gakdak aweleŋgit ɗii nokum ɓa. Ɗəɗaah mətaf wəza an məs tay də gakdak ɓa, kədaw ɗiyən ki zukum na va kəsənənək zəga pakə ɓa.

1Korintus 15:10

Amma vi mbəlembəle na Maŋgəlvayi nəkpaŋ masləŋ, mbəlembəle nan məs dəsan akawəŋ tay ɗar mekeleŋ ɓa. Nəgəɗək wəza daykiyit masləŋɗe pakə, va wənah na in nəɗɗa ɓa, amma mbəlembəle na Maŋgəlva məs namakraw dəɗɗa.

1Korintus 3:10

Va mbəlembəle məs Maŋgəlva avayə, nəɗɗak wəza nan va mərkə gəla mogoni, nəɗiyək gabbani. Kakaŋ na ɗəf maɓɓani məzərkan akani. Amma say ko naway dəzi gən zən aza wərka nan va adarkani.

1Korintus 7:17

Say ko naway dədaw gən va Ɗəfdaya apsəni dəsan va gala Maŋgəlva aya. Aski dawka naw an nəɗi aweleŋgit ɗii na Maŋgəlva pakə.

2Korintus 10:13

Nam na məɗina ki zəm vas ɓa. Mətoŋ ki meŋge məs Maŋgəlva aɗi səm ɓa. Agap gəmək də labara nenek na Krestu annokumda. Ndəni meŋge nam məs aɗi səmə.

2Korintus 12:13

Tay məs məgəɗ sit kretiyenɗe meɓɓeti nəgəɗ sukum ɓa sa? Nəkay tive ka kətər suwə gən wəray naw ɓa. Məviyan su mambray nani.

2Korintus 12:7

Nulek sokeneɗ məs kaw ɓapi irbet ɓa. Amma vi nədaw gakdakan zu də wənnan ɓa, ndəni Maŋgəlva avay su gbəgba' aka gəɓa zu nasiya vaska, tay va masləŋ na Satan məzu vərwa, vi nədaw gakdakan zu ɓa.

Galatiyen 6:3

An ɗəf tayə ɗum na agapka, dəgap ko mi ɓa, dərwa na zən adaw mbəɗani.

Efesus 3:2

Kəpprəmənək wənnan na, Maŋgəlva avayək tive nərban gən mbəlembəle nan vikum,

Efesus 3:4

də wəŋɗan ɗerewel nani, wakəɓapən wəsənən na nəsənək wən məɗama na Krestu.

Efesus 4:16

Vi wənnani gəɓa zə ɗəf pak akkalə, gəɓa zə ɗəf pak asapək də met sleŋsleŋɗe pakə. Tahəŋ wəbaahaŋ sənən ziti də wəza pakə, ko nawa pak də annani, vaski gəɓa zən adanzləra adawɓaya də əŋgla.

Filipi 2:13

Vi Maŋgəlvayi sən kiyən dədafɗaahan wəŋgla nan amakrokum, də wəpsukum sembe naɗɗa wəza nani, armak wənan vi ka koh gukum.

Kolosi 1:29

Vini nədaɗɗa wəza də wəgay vini, də sembe məs Krestu avayə, ndəni də daɗɗa wəza nan amakrawa.

Kolosi 2:13

Laŋka Maŋgəlva tayulukum va məmtukum, vi wənna mambray nokum, vi Krestu dəɓəl wəskəlkum awra tagay ɓa. Amma kakaŋ na Maŋgəlva aməs kəmbəl gukum, sap də Krestu aviyan sukumək mambray nokum pakə.

1Timote 1:14

Amma Ɗəfdaya nam agul suwək mbəlembəle nan diiɗa sawɓa, avay suwək wətafa də wəŋgla məs dəde də wəsap nam də Zezu Krestu.

1Timote 2:15

Gil wakohoŋ də uwa kirni, amma say dəsoŋ də sembe aza wətafa, də wəŋgla, də wəsuwa an təstəssə, say dəsoŋ də wili.

1Timote 2:9

Gil bo, say də guloŋ lukut məs dəslə azeti, də maɗuleti, dit wili. Adawzaɓanən zit də wətroɗ kiya na sləma walla də meleŋge azani, walla dit averzleɗ na sləma, walla lukut na sləma ɓa.

Titus 2:12

Yaŋkan adarban səm va mədawtak zəm aza mambray də wəsim zigeɗ naka dəlvəŋka, məsam gən də maɗula, də təstəssə də geslne nə Maŋgəlva adəv wənziya egge an kakaŋka.

Titus 2:2

vaski bo mezeɗi dəziyən ziti, də ɓatɓatə, də waɓe'eŋ də wərma zit sədəv mambraya, dəsoŋ ɓəlɓəl də wətafa də wəŋgla də wəɓəsən.

Titus 2:4

Dərbanən sitin gil en kirni wənna wəŋgliw zilŋgiti dit kirtiti.

Titus 2:6

Vaski anah sit gewleɗi dəsoŋ gən də maɗuleti.

Yakob 4:6

Amma sembe məs Maŋgəlva apsukuməŋka ndən dayki zəga pak də metiŋgini. Vi ɗerewel na Maŋgəlva anahək na: Maŋgəlva atokuk ki haran sit ɗii məzə gakdakanən ziti, amma tayəpsit sembe sit ɗii məzu ɓegənən ziti.

1Piyer 1:13

Vi vaski məzaɓan wəɗum nokum naɗɗa wəza sən Maŋgəlva, məzi zukum, məɗi wəɗum nokum pak aka zəzay məs dədazan sukum pay Zezu Krestu adazani.

1Piyer 4:11

An ɗəf wapeli, say dəpel wənna Maŋgəlva. Ɗəf maɓɓan məgəɗ wəza sən ɗəffa, dəɗɗa də sembe məs Maŋgəlva apsənəŋka, an məs kədaɗɗaŋ pak say dəsan naw gakdakan Maŋgəlva də Zezu Krestu. Sembe pak nani də gakdaka ha faɗə. Amin.

1Piyer 4:7

Amma wəgrak na zəga pak go'oy, vi wənnani məzi zukum, məga də wəzuliya.

1Piyer 5:5

Nokum tamə gewleɗi, məpprəm met ɗii gugiriɗ nokum. Məgəɗ wəza sən zukum, də əɓe sən zukum. Va məverin adəv ɗerewel anahə: Maŋgəlva tay bay gagay sit məzu gakdakanən ziti, amma wapsit mbəlembəle sit ɗii məzə ɓegənən ziti.

1Piyer 5:8

Məzi zukum, məga, vi məzuzel nokum Satan, tay va ɓolu adawhay daw kay zəga naw zəm nani.

3Yohanna 1:9

Nəverik ɗereweləŋ duɗuko sit kretiyenɗe, amma Diyotrefes məs dəŋgəl wəsan daya neti, ya dətaf an məs nədawnah ɓa.