Roma 12:2 - Nouveau Testament en Guidar

² Kədasbanən wəsuwa vanet ɗii na duniya ɓa, amma məppan Maŋgəlva də kpaŋgan makrokum də wəkpaŋgan maɗulokum. Asna wakəsənən wəŋgla na Maŋgəlva, wakəsənən zəga an mogoni.

Bible en Guidar

² Kədappanən zukum əkkpaŋ ammba ənziya eggeŋ ɓa, məppan Maŋgəlva əkkpaŋgokum dəpsukum əsən meleketeni, vi kawsən əŋgla nani, an moggoni, an nannek zəni gəm an moggon gərakə.

Roma 12:2 ပူးပေါင်းရင်းမြစ်များ

Matiye 13:22

Ɗii meɓɓet tahəŋ va zemve an də bət awalaŋ hogoy. Net an apprəmənək wənna Maŋgəlva əŋgla na zəga na duniya də wərak na arya wazəm gən saha na wən ana mekreti, wən van anzlər na ɓa.

Markus 4:19

Amma zəga nawsime, də zəga nawzəma, dəwərak na arya də suniɗ temtem watoŋ amekreti waray gən wəpel na Maŋgəlva wəpel na Maŋgəlva arana wənzləra amekret ɓa.

Yohanna 14:30

Nəsbana wəpel də munokum diiɗa əmpa ɓa, vi məlĩ na duniya tayə zani. Tay də sembe akaw ko suɗike ɓa.

Yohanna 15:19

Va ɗii na duniya kənanaŋ na, asna waŋglukum vi ɗii nan kənanaŋ. Amma nəyukuməka, məgil sədəv wənna duniya. Nokum ɗii na duniya kənanaŋ ɓa, vini duniya adawzel kum.

Yohanna 17:14

Nərban sitik halabara noko. Duniya azelike, vi ɗii na duniyaŋ ɓa, va naw bo ɗəf na duniya nan ɓa.

Yohanna 7:7

Duniya agəɗ na here nokum ɓa, amma wagəɗ here nawa, vi əntat wərban wəzeɗe nan mogetiŋ ɓa.

Roma 12:1

Milmiŋgiɗwa, Maŋgəlva arban səmək ula saha nan akam diiɗa. Vi wənnəski, ndəni məkomokum məpsən ki zukum sən Maŋgəlva də wəgəɗ sən wəza. Aski wəpsən zəga an nenek zəni.

Roma 13:14

Amma mugul zeŋgille meleketen məs kərəhaŋ də Zezu Krestu Ɗəfdaya, kədapanən zukum sən əŋgla na zukum, dəday gən kikum ɓa.

Roma 7:12

Gesiŋ ma henziŋ səza Maŋgəlva ade, ma henziŋ nan salalayi aslək sawɓa, mogoni sawɓa.

Roma 7:14

Məsənək gesiŋ ma henziŋ səza Maŋgəlva ade, amma nawa, ɗəf mədaku nani, balam na mambray nani.

Roma 7:22

Makraw neki də ma henziŋ na Maŋgəlva sawɓa, amma gəɓa zu tayəsban ma henziŋ maɓɓani.

1Korintus 3:19

Vi wəsən zəga na duniya, zəga na dərway ara Maŋgəlva, Ɗerewel amna: Maŋgəlva tayərme məsənaŋ zəga na duniya də mazaɗ na kuket net tusso.

2Korintus 4:4

Net dətafən ɓa, vi Satan məs maŋgəlvak na duniya atipik maɗuleti, vi adawlanən təki babar na labara nenek ɓa. Kəti babar nan tayərban gakdak na Krestu. Ndəni Maŋgəlva sən kiyən bo, adarban zən adəv Krestu.

2Korintus 5:17

Ko naway an asapək də Krestu na, akpaŋgək ɗəf meleketeni. Zən va asan lahəŋ pak atrayka, zəga pak akpaŋgək meleketeni.

Galatiyen 1:4

Krestu appanək ki zəni vi mambray namə, vi kakoh gəm səma duniya mbraynəŋka. Vaski aɗɗa əŋgla na Maŋgəlva, Affəmə.

Efesus 1:18

Maŋgəlva dəkol sukum maɗulokum də təki babar nani, vi kəsənən gən wəgrak na tive an məs muyukum akan ka kəgapaŋ gən adaka, vi kəsənən gən gakdak na arya nan məs nagət akani an azaɓan sit ɗii nani.

Efesus 2:2

Kəsbanənək tive na duniya mbrayenəŋka, kəsbanənək məlĩ net əmpəsɗe na disiŋ akawalaŋ disiŋ də dəlva fuŋ, ko kakaŋka əmpəs nan tay zəm məlĩ aket ɗii məs apprəmən ma Maŋgəlva.

Efesus 5:17

Vi vaski kədasoŋ dərweŋge ɓa, amma məpprəman na, awani Ɗəfdaya aŋgəl azokum di.

Kolosi 1:9

Vi wənnani kan mədakkaman Maŋgəlva, səza məpprəm labara nokum. Mənam tatəkkaman Maŋgəlva, dərban sukum gən wəŋgla nan pakə, dəpsukum gən maɗula naw sənən də Əmpəs nani.

Kolosi 3:10

Kərəhaŋgək wəsuwa an meleketeni. Ko naway pak akpaŋgək ɗəf maleketeni. Maŋgəlva məs dəzəməɗ ɗəf meleketenəŋka, tayəsɓan pay pakə dəgil gən va Maŋgəlva ha də munokum pak kəgilyoŋ gən va Maŋgəlva kpak təstəssə.

Kolosi 4:12

Epafras asɗokumko. Nan bo ɗəf nokumi, məgəɗ wəza na Zezu Krestuwi. Dəppan wəkkaman Maŋgəlva vikum ɓa, tayəkkamani kəsoŋ gən təstəssə də Əmpəs va net ɗii gugiriɗe, kəsoŋ gən ɗii məs də zaɓanən zit naɗɗa an Maŋgəlva aŋgələ.

1Tesaloniki 4:3

An məs Maŋgəlva aŋgəl na: Ndəni wəsuwa salala*, də wəppan wəɗɗa mana'a.

Titus 3:5

Akoh gəməka, vi wəza an məgəɗ təstəssi ɓa, amma vi awləmək sahə, adan mərah baptem, Əmpəs Salala* amamək meleketemə, akpaŋgamək ɗii meleketemə.

Yakob 1:27

Aŋki Maŋgəlva Affən aɗi ka ɗəf dəsban gəni: Wəɗum aket mətiwɗeŋge, dit gil net gəbayɗe aka wəzəm saha neti, də wətaɗ ki zəni adawtoŋ adəv wənna duniya kawray gən ɓa.

Yakob 4:4

Munokum məɓoŋkum aka Maŋgəlva, kəsənən na an kəɗɗaŋgək bayna na duniya na məzuzeleŋ na Maŋgəlva kənanaŋ ɓa sa? Ɗəf məs dəŋgəl wəsban wənna duniya na wakpaŋ məzuzel na Maŋgəlva.

1Piyer 1:14

Məpprəm səm ma Maŋgəlva kədasbanən wəsim zəga nokum məs kədaw simeŋ lahəŋ daga kəɓəllə sənən goŋga ɓaŋ ɓa.

1Piyer 1:18

Kəsənənka, dəzəga na sləma məmokum, vi kədasoŋ məza də wəɗum naga zəga ɓa va net dəhiŋgiɗkum ɓa. Zəga məs məmokuməŋka, amndan na dirɓe ɓa, va təbəs net deleɗ adamndan dirɓe ɓa may va təbəs na meleŋge ɓa.

1Piyer 2:3

Va ɗerewel məsvan annahə:

1Piyer 4:2

Təŋ kakaŋka, də wəmbat abe pay nanziya nokum egge pakə, say kədawaŋ gən va an məs Maŋgəlva aŋgələ, məza də mambray ɓa məza va makrokum adaŋgla ɓa.

2Piyer 1:4

Va annah wapsəmə, akpaŋ səmək zəga metiŋgin mogon diiɗa. An kətafənək an məs annah sukum, wa kəkoh gənən wəsim zəga məs nadəv dələvəŋka, wakərəhaŋ wətoŋ adəv wəsuwa na Maŋgəlva.

2Piyer 2:20

An ɗii akohoŋguk səza mambray naka dəlva, vi asənən Ɗəfdaya nam məzu koh gəmə, ndəni Zezu Krestu, yaŋ dərɓaga askəmpa atoŋgoŋguk adəv mambray nak əmpa, wəgrak net wasan mbrayen dayki an lahəŋka.

1Yohanna 3:13

Milmiŋgiɗwa, kəda gətaŋ an ɗii na duniya azel kumənək ɓa.

1Yohanna 5:19

Məsənka nam na Maŋgəlva menani, ɗiiyen dəpaŋ egge pak net ava Satan nəŋ.

Hənhən 12:9

Yaŋ məsgan zəga darawən kan agisbe, ndəni doho məgalən, məs adawyaŋ na Ibilisa walla Satan, məzuzet ɗii na duniya pakə. Yaŋ məsgan aka dəlva fuŋ, dit maslayɗe nan pakə.

Hənhən 13:8

Ɗii naka dələv pak wazuliyaŋ sənəni. Ko naway məs iya nan məverini adəv ɗerewel na zeŋgille, daga wətəŋ na dəlva fuŋ ɓa. Botol məs dəmtə naka ɗerewel van nani.