Roma 1:8 - Nouveau Testament en Guidar

⁸ Vi zəzay na Zezu Krestu, əntatəɗɗa soko sən Maŋgəlva naw vikum pakə, ko aŋga a duniya pak ɗii tay pelin wənna taf nokum.

Bible en Guidar

⁸ Dabəŋ nani, in tat əɗɗa əsoko sən Maŋgəlva naw də iya na Yesu Kristu aka wən nokum pakgukum, vi tay əpeleŋ aka wən na ətaf nokum aka dələv gboŋgu.

Roma 1:8 ပူးပေါင်းရင်းမြစ်များ

Matiye 24:14

Halabara nenek na məlĩ na Maŋgəlva wapel a duniya pakə, vi dəgəɗ gən saydawa azet ɗiiyi, asna wəgrak nan wade kana.

Luka 2:1

Yaŋ pay Agustus asan məlĩ na Roma aɗiyək wənnan də vereŋ gən iya net ɗii naka dələv na Roma pakə.

Wəza net Masləŋɗe 11:28

Ɗəf taka səmbet məs adawyaŋ na Agabus, aziwik aweleŋgit ɗiiyi. Ɗə sembe na Əmpəs Salala, amna: May metiŋgin wagəɗə aka dələv pakə. (Agəɗək daga pay Kalawdiyus asan məlĩya.)

Wəza net Masləŋɗe 28:22

Amma mamaka wəpprəm an kədaɗum sən ɗa, vi ko aŋga pak tahəŋ wəzelenən wənnet ɗii məs kəsok aretiŋki.

Roma 10:18

Yo say nəssohu: Israyelɗe dəpprəmən labaraŋ ɓa sa? Gesiŋ apprəmənka! Ɗerewel tay nah na: Apprəmənək wəlet masləŋɗe aka dələv pakə. Əpel net agapək aki dəlva bayman pakə.

Roma 16:19

Munokum məs kədapprəmən ma Ɗəfdayaŋka, ɗii namba dələv pak apprəmənək wənnani. Ndəni nəda neken zu də wənnani, amma nəŋgəl na, kəsoŋ gən məsənaŋ tive naɗɗa zəga mogoni, mətip horokum səza mambraya.

Roma 6:17

Soko sən Maŋgəlva, lahəŋ na balemɗe na mambray kənanaŋ, amma kakaŋ na munokum tatəsbanən goŋga nan də makrokum taka, ndəni məs kərəhaŋ də iyagani.

1Korintus 1:4

Intatə gəɗ sən soko sən Maŋgəlva naw vi wən nokum, vi mbəlembəle an apsukum də Zezu Krestu.

2Korintus 2:14

Soko sən Maŋgəlva, vi zəzay na Krestuwi pay pak tay ku malaka nawa an nawday kini. Vaski adaɗɗa səmə, ka mərban gən labara nan ko aŋga pakə, zəga məs mərbanəŋ tay əknah adəv dəlva va məŋgən zəga mogoni.

Efesus 1:15

Yo nəpprəmək wənna wətaf nokum məs kətafən Zezu Ɗəfdaya namə, də wəŋgla nokum viyit ɗii na Maŋgəlva pakə.

Efesus 1:16

Vini nəppan na wəkkaman Maŋgəlva vikum ɓa. Intate ɗumon wənokum pay naw zuli nawa,

Efesus 3:21

Gakdak sən Maŋgəlva məs nadev wəkkal net ɗii na Maŋgəlva də wəza na Zezu Krestu, də wənziya nan pak də pay pakə. Amin.

Efesus 5:20

Məgəɗ soko sən Maŋgəlva Affəni, pay pakə, vi zəga pakə də iya na Ɗəfdaya nam Zezu Krestu.

Filipi 1:11

Zeŋgillekum wasan məknahən də zəga an təstəssə, məs dəde səza Zezu Krestu, vi gakdak na Maŋgəlva də wəɗi kini.

Filipi 1:3

Pay pak əntatə ɗum akokum, əntatə kaman Maŋgəlva naw vikum.

Kolosi 1:3

Pay pak mənam tatə zuli vikum, mənam tatəɗɗa soko sən Maŋgəlva Affən Ɗəfdaya nam Zezu Krestu.

1Tesaloniki 1:2

Pay mədakaman Maŋgəlva pak mazgət kikum ɓa, mənam tatəɗum akokum pay na zuli nam pakə.

1Tesaloniki 2:13

Vi wənnani məppana wəɗɗa soko sən Maŋgəlva ɓa, vi kətafənək labara na Maŋgəlva səmamə, kətafən va wəpel net ɗii ɓa, amma va wəpel na Maŋgəlva kətafəni. Gesiŋgi ndəni wəpel na Maŋgəlva məzəɗɗa wəza amakrokum munokum məs kətafaŋ.

2Tesaloniki 1:3

Munokum milmiŋgiɗwa, makram aknahəh də soko, say məgəɗ gən soko sən Maŋgəlva vikum, məza wəppan gabban ɓa. Wənnan aslək vaska, vi wətaf nokum bo tay ɓay sawɓa, əŋgla na walaŋ zukum bo tay mbat abe abe.

2Timote 1:3

Intatəɗɗa soko sən Maŋgəlva məs nədawgəɗ sən wəza də makraw barə, va net dəhiŋgiɗu pakə. Intatə gəɗ sən soko pay pakə, kapay də dəfəɗ pakə əntatəɗum akok də wəzuli nawa.

Filemon 1:4

Məlmu Filemon pay məs nədaw zuli sən Maŋgəlva pak əntatəɗum akoko, əntatəgəɗ sən soko.

Ibriɗe 13:15

Məpsən səm zəga sən Maŋgəlva məza wəppan gabban ɓa, ndəni wəgakdakani, tay va zəga mətaw wəlan də Zezu va wənah na məgakdakan səm iya nan ɗayɗay də mamə.

1Piyer 2:5

Məde, məkpaŋ gərəm madarokum, karka gəla nasuwa na Əmpəs Salala də munokum. Məppan Zezu Krestu amakrokum dəpsukum gən sembe nakpaŋ məs dəlvəŋge en salala, napsən zəga an dəslə sən Maŋgəlva.

1Piyer 4:11

An ɗəf wapeli, say dəpel wənna Maŋgəlva. Ɗəf maɓɓan məgəɗ wəza sən ɗəffa, dəɗɗa də sembe məs Maŋgəlva apsənəŋka, an məs kədaɗɗaŋ pak say dəsan naw gakdakan Maŋgəlva də Zezu Krestu. Sembe pak nani də gakdaka ha faɗə. Amin.