Roma 1:3 - Nouveau Testament en Guidar

^3-4 Kakaŋ na aɗɗak wəkoh nak də Wətəni, ndəni Zezu Krestu Ɗəfdaya namə. Muwani Zezu Krestu adəv ma əlfa na məlĩ Davitti. Amma Əmpəs Salala* na Maŋgəlva arbanək wənnan appaka ta'ə, ndəni Wətən Maŋgəlva*, daga pay asil gən suweleŋgit ɗii mimtit də sembe nani.

Bible en Guidar

³ aka an dəwəl sən Wətəni məs dəde səza mazlalwã Davit,

Roma 1:3 ပူးပေါင်းရင်းမြစ်များ

Matiye 1:1

Ma əlfa na Zezu Krestu, wətən Davitti*, wətən Abraham:

Matiye 1:16

Zakub duwa Zozef zilit Mari, məs tuwa Zezu, məs adawyaŋ na Messiya*.

Matiye 1:6

Zesse duwa məlĩ Davitti. Davit duwa Salmoŋ, dət guluk na Uriya,

Matiye 12:23

Agət sitik ɗii pakə, agətaŋka, anahaŋ na: Ɗəffəŋka, wətən Davitti* ɓa sa?

Matiye 15:22

Guluk Kananiyak naka dələv nani, tədek aza Zezu, təkamanka: Aw Ɗəfdaya wətən Davitti*, awəl saha akawa. Wətu məguluŋgət tat də tuya, tay zəm gət saha diiɗa.

Matiye 26:63

Amma Zezu ɓatɓati dəzlan ko wən taka ɓa. Yaŋ ɗəf daya net məs dəlveŋge apsən na: Əntat əssohoko də iya na Maŋgəlva an madaran, anah səmə an əstə Messiya* Wətən Maŋgəlva*.

Matiye 27:43

Makran pak aka Maŋgəlvayi, say Maŋgəlva dəkohgənə gən kakaŋka, mula gəni an aŋgluwək kana. Amna: Əntə Wətən Maŋgəlvaŋka.

Matiye 3:17

Yaŋ wəla ade sə disiŋ amna: Aŋki wətu an nəŋgələ, əntatə neken zu dəndən sawɓa.

Matiye 9:27

Zezu asilik sədaka ambatka. Adan ada dan aka tive, deŋgerɗe sula asbanənka adawnahaŋ də vamvəlla: Aw Zezu wətən Davit* awəl saha akamə.

Luka 1:35

Maslay apsət na: Əmpəs Salala* wadekoko, sembe na Maŋgəlva an dəday pak wadekok va zeŋgille. Vi vaski wiyən məs kəl dawa, kaw yani na salala* gəm Wətən Maŋgəlva*.

Luka 1:69

Agil gənək ɗəf məs nawkoh gəm də sembe, səza gabba məlĩ Davit gawla nani.

Yohanna 1:14

Wəpel nak akpaŋgək ɗəffa məs də gəɓa zəni, asanək awalaŋgəmə. Mulak gakdak nani, ndəni gakdak va Wətən məs taka arah aza Affəni. Dəndəni Maŋgəlva arban mbəlembəle nani də gegesiŋ nan pakə.

Yohanna 1:34

Zaŋ amna: Nulaka nəgəɗək saydawa akani, ndəni Wətən Maŋgəlva*.

Yohanna 1:49

Yaŋ Nataniyel anah sən na: Mərbə zəga istə Wətən Maŋgəlva*, istə məlĩ net Israyelɗe.

Yohanna 10:30

Ina gəm Affən taka mənanni.

Yohanna 10:36

Amma nawa, Maŋgəlva awelwəka, aslənwək a duniya. Mambray kədaw nahaŋ na əntatə pel mbrayen aka Maŋgəlva di, vi nənah na Wətən Maŋgəlva* nani sa?

Yohanna 20:28

Tomas azlan sənəka: Ɗəfdaya nawa, Maŋgəlva nawa.

Yohanna 20:31

Amma an məverit adəv ɗerewel nani, məverit vi də tafən gən na Zezu wi Messiya* Wətən Maŋgəlva*, vi kərəhaŋ gən zeŋgille də wətaf nani.

Yohanna 5:25

Gesiŋ nədawnah sukum: Pay nan wade, agəɗək səkay kana, ha ɗii məmtit wapprəmən wəla Wətən Maŋgəlva*, ɗiiyen dəpprəmən pak wasoŋ medereti.

Yohanna 7:42

Ɗerewel amna Messiya səza ma əlfa na Davit adawsani, wade sə Betelihem, walaŋ gəla metiŋ məs Davit asani.

Wəza net Masləŋɗe 2:30

Məs kleŋgi asənək wən məs Maŋgəlva aynan səni: Maŋgəlva amna: Waɗi ɗəf taka ka məlya, səza zemvini va Davit van azəm mələya.

Wəza net Masləŋɗe 3:13

Maŋgəlva na Abraham, na Isak, na Zakub, Maŋgəlva net migilmə apsənək gakdak sən gawla nan Zezu. Munokum sən kikum kəkanənək Zezu sit ɗii gugiriɗe, kə wəliyənək aba Pilatu, ko də Pilatu aŋgəl wəppan zlaŋ.

Wəza net Masləŋɗe 8:36

Adan adadoŋ aka tive dəndən, agapaŋgək atəki net iŋkile, ɗəf na Etiyopiya amna: Ya iŋkile yeŋki, ya mi dəda taku darəh baptem di?

Wəza net Masləŋɗe 9:20

Go'ləŋ ambatək adəv gəla nawpel wənnet Yahudiyenɗe temtemi, apelik wənna Zezu. Amna: Ndəni Wətən Maŋgəlva*.

Roma 1:9

Pay məs nədawzuli sən Maŋgəlva pakə, əntatəɗumon wən nokum. Wən nan gesiŋgi, Maŋgəlvayi naɗɗa saydawa akawa, əntatə gəɗ sən wəza də makraw taka, ndəni wərban Labara Nenek na Wətəni.

Roma 4:1

Mbari wənna dəhəm Abraham di?

Roma 9:5

ndəɗaŋgəŋ dəhiŋgiɗəm madabəŋ. Ko Krestu, səza əlfa neti. Usoko sən Maŋgəlva məs dəsan metiŋ aka zəga pakə, ha faɗə. Amin.

1Korintus 1:9

Maŋgəlva məs dəyukum ka kəsoŋ gən də Wətən Zezu Krestu Ɗəfdaya namə, də goŋgayi aza an adawpel pakə.

1Korintus 10:18

Mula va ɗii na Israyel adaɗɗaŋ: Ɗii məzəmaŋ slu mətaw wəlan atəki nataw wəlla zəga asapaŋgək də Maŋgəlva atəki salala nani.

Galatiyen 4:4

Amma adan pay nan məs Maŋgəlva aɗi agapə, aslənək Wətəni, muwani dət gulku, aɓe sənək ma henziŋ net Yahudiyenɗe.

1Tesaloniki 1:10

Munokum tatə ganən Wətən dəde gən sə disiŋ, ndəni Zezu məs asil gən sətəki əmta, dəsan də zeŋgilleni, ndən dədawkoh gəm səma wəda gədəv na Maŋgəlva məs dədazani.

1Timote 2:5

Vi Maŋgəlva takayi, ɗəf maɓɓan tayaka walaŋgəm də Maŋgəlva, ɗəf takayi, ndəni Zezu Krestu.

1Timote 3:16

Gesiŋ aŋki məɗama na wən nəŋka, ndəni metiŋgini annan mədasba: Krestu arbanək zən va ɗəffa, Əmpəs arbanək wən akan na, askak wəlla zəga pakə. Maslayɗe awlanənka. Mərbani labara nan aweleŋgit ɗii məza Yahudiyenɗeŋ ɓa. Ɗii na duniya atafənka, Maŋgəlva aslanək a disiŋ adəv gakdak an dəday pakə.

2Timote 2:8

Aɗumon wənna Zezu Krestu asilik sətəki əmta, ndəni ma əlfa na Davit, va labara nenek məs nədarban wənnan anahə.

1Yohanna 1:3

Zəga an məs muwəl də haramə, an məs məpprəm də sləmamə, ndəni mədaw nah sukum tamə, vi kəsapaŋ gən də mənamə, vi wəsap nam dəsan gən də Affəni gəm də Wətəni ndəni Zezu Krestu.

1Yohanna 3:23

Aŋki ma henziŋ nan vani: Mətaf səm iya na Wətəni ndəni Zezu Krestu, məŋglu səm zəmə va Krestu anah səm məɗɗa gəni.

1Yohanna 3:8

Ɗəf məzəɗɗa mambray nan ava Satanni, Satan tayəɗɗa mambray daga wətən nani. Vini Wətən Maŋgəlva* ade vi kawzan wəza na Satan.

1Yohanna 4:15

Ko naway məs dənah na Zezu Wətən Maŋgəlvayi*, nan Maŋgəlva wasan amakrani, nan bo wasan amakra Maŋgəlva.

1Yohanna 5:1

Ko naway dətaf na Messiyayi Krestu, nan wətən Maŋgəlvayi. Ko naway dəŋglu affən waŋglu wətəni.

1Yohanna 5:20

Məsənka Wətən Maŋgəlva* adeke, apsəmək maɗula, vi məsən gən Maŋgəlva an gesiŋ. Mərahək wəsap də Maŋgəlva an gesiŋ də Wətən Zezu Krestu, ndəni Maŋgəlva an gesiŋ ndəni də zeŋgille nasuwa ha faɗə.

1Yohanna 5:5

Naway naw tak wəla wənziya egge di? Say ɗəf dətaf na Zezuwi Wətən Maŋgəlva*.

2Yohanna 1:7

Məwaŋ tepelkeɗ tahəŋ ko aŋga pakə. Dəŋgereŋ ətafən na Zezu Krestu adek də gəɓa zənni ɓa. Ndəni kan mədawsən məwə tepelke də məzuzel na Krestu.

Hənhən 2:18

Aver aza maslay net kretiyenɗe na Tiyatira: An Wətən Maŋgəlva* adawnaha, haran tay va anzil offo, tələn tay va təbəs peppreŋ məzu wiɗe.