Roma 1:16 - Nouveau Testament en Guidar

¹⁶ Wil aduwənna darban Labara Nenek na Maŋgəlva ɓa, vi sembe na Maŋgəlva taya dəvən. Labara nan waɓap wəkoh git ɗii məs dətafən pakə, anet Yahudiyenɗe adawkoh git dabəŋ, asna ɗii məza Grekɗe ɓa kana.

Bible en Guidar

¹⁶ Wil aduwən na aka Alabara Nenek ɓa, əɓap na Maŋgəlva yi vi əkõh na ɗəf məs dətaf pakə, anet mə Yudeɗ daabəŋ asna Gərekɗe.

Roma 1:16 ပူးပေါင်းရင်းမြစ်များ

Markus 8:38

Vi vaski, ko naway məs wil adanən viwa gəm dawpel wənnaw aweleŋgit ɗii en dəpaŋka, məs dəŋgluwən Maŋgəlva ɓa dit ɗi mambrayɗe, asna Wətən Ɗəf arəmsən na wil pay adazan də gakdak na Affən dit maslayɗe en salala* ɓa.

Luka 9:26

Vi vaski an wil adanənək ɗəf suwa walla vi wəpel wənnawa, Wətən Ɗəf wagəɗ sən zəga na wil pay adazan də gakdak nani gəm gakdak na Affəni, gəm gakdak net maslayɗe en salala*.

Yohanna 7:35

Yahudiyenɗe assohonənək ziti: Aŋga adawmbat məɓapna wərəhən ɓaŋ di? Wambat azet Yahudiyenɗe məs dətərayaŋ aweleŋgit Grekɗe vi karban sit wən sa?

Wəza net Masləŋɗe 3:26

Vaski bo Maŋgəlva awel gawla nan vikum dabəŋ ki wəslən sukum, dəgəɗ sukum gən zəzay kəkpaŋgaŋ gəni də wəppan mambray nokum.

Roma 10:17

Vaski, səza əpprəm labara mərbani ətaf ade, labara məs narba bo, səza Krestu ade.

Roma 15:19

De sembe na sokene də wəza nagət akani, də sembe na Əmpəs Salala. Nətəŋ wərban Labara Nenek na Krestu daga sə Zerusalem ha tuwəɗ kiyən ha gap Illiriya.

Roma 15:29

Nəsənka an nadaw anokumda, wanəmbat məknahu də zəzay na Krestu.

Roma 2:9

Məɗɗaŋ wəza mambray pakə, wazəm saha an də tattuwãh pak wade aketi, dabəŋ nani aket Yahudiyenɗe, asna aket ɗii pak məs dəsənən Maŋgəlva ɓa.

Roma 4:11

Dərɓagani Abraham arah əskəl awra va gəla huwa ərbanna Maŋgəlva aɗiyək ka ɗəf təstəs abani vi ətaf nani, daga dəɓəl əskəl awra ɓa. Vaski Abraham asan ka affit ɗii məs dətafaŋ pakə, məs Maŋgəlva aɗi ke ɗii təstəs abani, ko an dəsklaŋ awra ɓa.

1Korintus 15:2

Dəndəni kədawkohoŋ, an kərmanənək wənnan va mərban sukum. An vaski ɓana, wətaf nokum wasan ɗarə.

1Korintus 2:2

Vi ənziya naw nəsaw anokumda na, nəŋgəl əsən zəga mbərən awalaŋkum ɓa, say Zezu Krestu an məkpa'ən aka wəlaŋga.

1Korintus 2:4

Əpel nawa də zega an nərbə, tay va na ɗəf məzu mbəɗan ɗəf ɓa, amma də sembe na Əmpəs na Maŋgəlvayi nədarban wənnani.

1Korintus 9:12

Ya an zəga tay nawtak ɗii dawtaf zəga səvokum ɓa, nam məday na kiyit dərəŋ ɓa sa? Amma nam mətər wəray sən zəm də gakdak nam ɓa. Məsokuk zəm aza zəga pakə, vi mədaw bas tive na labara nenek na Krestu səbokum ɓa.

1Korintus 9:18

Awani kan riba naw di? Ndəni nədarban labara nenek na mekeleŋ, əntatə sohon zəga məs mərbə labara nenek aslə na soh ɓa.

2Korintus 2:12

Nəgapək a Torowas vi karban labara nenek na Krestu adaka. Ɗəfdaya azaɓan suwək tive na wəza nan məza tuwãh ɓa.

2Korintus 4:4

Net dətafən ɓa, vi Satan məs maŋgəlvak na duniya atipik maɗuleti, vi adawlanən təki babar na labara nenek ɓa. Kəti babar nan tayərban gakdak na Krestu. Ndəni Maŋgəlva sən kiyən bo, adarban zən adəv Krestu.

2Korintus 9:13

An zəga məs kəɗiyaŋ arbanək goŋga nokum, asna wagakdakanən Maŋgəlva, vi kəsbanənək saydawa na labara nenek na Krestu, kuɗakanənək zəga nokum dənɗaŋ dit ɗii pakə.

Galatiyen 1:7

Gesiŋgi, Wən Nenek maɓɓan tay ɓa, amma ɗii meɓɓet tahəŋ wəmbəɗokuməni. Tayəŋglaŋ wəkpaŋganən Wən Nenek na Krestu.

1Tesaloniki 2:13

Vi wənnani məppana wəɗɗa soko sən Maŋgəlva ɓa, vi kətafənək labara na Maŋgəlva səmamə, kətafən va wəpel net ɗii ɓa, amma va wəpel na Maŋgəlva kətafəni. Gesiŋgi ndəni wəpel na Maŋgəlva məzəɗɗa wəza amakrokum munokum məs kətafaŋ.

1Timote 1:11

Wəsən məs dəde səza labara neneke məs məvaya, ndəni məs dədarban gakdak na Maŋgəlva, də mogon nan pakə.

2Timote 1:12

Vini nədawssaa bonoyəŋka. Amma bonoy nan geslne duna sən ɓa, vi nəsənək an məs nətafə gesiŋgi də sembeyi nawga məs avayə, ha gap pay na kita adazani.

2Timote 1:16

Ɗəfdaya dəɗɗa mogon nan aka gəla na Onesiforus, vi armak vaw pay pakə. Ko wil dədanən vi nəsaw ɗəf na daŋgay ɓa.

2Timote 1:8

Wil adawdukun daɗɗa saydawa aka Ɗəfdaya ɓa, walla daɗɗa saydawa akaw innəŋ mədaŋgay vinəŋ ɓa. Say nok dərəŋ na agəm hara bonoy noko, vi labara nenek va məs Maŋgəlva apsuko.

Ibriɗe 4:12

Wəpel na Maŋgəlva madarani, də sembeyi. Adayək ki kafahi ko awandi pakə məs man sula gən nawtaw zəga. Nan wataw ha gap amet sleŋsleŋɗe də afunufunu. Va wənah na Zeŋgille də Əmpəsa. Nan bo tay taw kita aka wəsim zəga də wəɗum na makret ɗiiyi.

1Piyer 4:16

amma an azəmək saha, vi asan kretiyen wil adawdanən ɓa, say məgəɗ sən soko sən Maŋgəlva vi kərmanənək iya na Krestu.