Roma 1:1 - Nouveau Testament en Guidar

¹ Letərəŋka Pol məs dəsan balam na Zezu Krestu wi dəver azet kretiyenɗe na Roma. Maŋgəlva ayuwəka, aɗiwək ka masləŋ nani, awelwəka ka nərban gən Labara Nenek nani.

Bible en Guidar

¹ Pol balam na Yesu Kristu, miyan dəsangən maslən, məɗiyən ta' nawpel alabara nenek na Maŋgəlva,

Roma 1:1 ပူးပေါင်းရင်းမြစ်များ

Markus 1:14

Dərɓaga məsgan Zaŋ məgəɗ baptem a daŋgay, Zezu adek a Galile, apelək Wən Nenek na Maŋgəlva sit ɗiiyi.

Yohanna 12:26

Ko naway dəŋgəl wəgəɗ su wəza say dəsbawa, vi məza gəɗ su wəza, də san gən atəki məs nəsaw tamə. Ko naway dəgəɗ su wəza. Affu wa gakdakni.

Yohanna 15:15

Nəyukum na məɗɗəŋ wəza nawa ɓa, vi məgəɗ wəza asən na an məs daya nan adaɗɗa ɓa. Wanəyukum na beyneŋgiɗwa, vi nərban sukumək an məs nəpprəm səza Affu pakə.

Yohanna 15:20

Məɗumon an məs nənah sukum: Məgəɗ wəza aday na ki daya nan də daya ɓa. Va azel wənni wazelkumənni. Va dəɓe'eŋ sənən wəpel naw ɓa, a ɓe'eŋ na sən wəpel nokum ɓa'a.

Wəza net Masləŋɗe 13:9

Amma Sol (məs adawyaŋ na Pol bo,) aknahək də Əmpəs Salala, aziyək haran aka məgəɗ sokene naka.

Wəza net Masləŋɗe 20:24

Amma naw azaw na, ko an əmtəka ko nəmtə ɓa, an nəɓapək wəgrak wəslən nawa də wəza naw məs Ɗəfdaya Zezu apəl suwəŋka, wəza nan ndəni wərban labara nenek aka wənna mbəlembəle na Maŋgəlva.

Wəza net Masləŋɗe 21:40

Apsənək tive, yaŋ kan Pol apeŋ a disiŋ aslan van vi ɗii dəɓətaŋ gəni. Adan aɓətaŋ, atəŋgək wəpel sit ɗii də ma aramiya:

Wəza net Masləŋɗe 22:21

Ɗəfdaya apsu na: Doko, wanəslənuk faraɗa, azet ɗii məza Yahudiyenɗeŋ ɓa.

Wəza net Masləŋɗe 22:7

Nəsbərək afuŋ, nəpprəmək wəla ɗəf dawyuwa: Sol, Sol, vi mi kədaw kayan mamaw vaŋ di?

Wəza net Masləŋɗe 26:1

Agrippa apsən Pol na: An mokaka pel wənnok na apele. Pol aslanək van a disiŋ, atəŋgək wəpel ana makran tamə, amna:

Wəza net Masləŋɗe 26:14

Mənam pak məsbərək afuŋ. Yaŋ nəpprəm wəlla ɗəf wəpel su də ma Yahudiyen: Sol, Sol, vimi kədaw kayan mamaw vaŋ di? Istatə bay zuk va wazli məzəslkər zleŋge na affəni.

Wəza net Masləŋɗe 27:23

Vi nadəfɗəŋ na, Ɗəfdaya Maŋgəlva məs nədawzuli sənəŋ aslənək maslay nan azawa.

Wəza net Masləŋɗe 9:15

Ɗəfdaya apsən na: Doko, kakaŋ na, nəwelik dəgəɗ suwə gən wəza, dərban gən iya naw azet ɗii meɓɓeti gəm azet məlyeŋge də azet ɗii na Israyel.

Roma 1:16

Wil aduwənna darban Labara Nenek na Maŋgəlva ɓa, vi sembe na Maŋgəlva taya dəvən. Labara nan waɓap wəkoh git ɗii məs dətafən pakə, anet Yahudiyenɗe adawkoh git dabəŋ, asna ɗii məza Grekɗe ɓa kana.

Roma 1:5

Vi wənnani, Maŋgəlva avay tive nəkpaŋ gən masləŋ nani, vi nəka gən Labara Nenek nan sit ɗii namba dələv pakə, dətafən gəni, dəpprəmən gən ma Maŋgəlva də wə gakdakan iya na Krestu.

Roma 1:9

Pay məs nədawzuli sən Maŋgəlva pakə, əntatəɗumon wən nokum. Wən nan gesiŋgi, Maŋgəlvayi naɗɗa saydawa akawa, əntatə gəɗ sən wəza də makraw taka, ndəni wərban Labara Nenek na Wətəni.

Roma 11:13

Munokum məs Yahudiyenɗe kənanaŋ ɓa, kakaŋ na wanənah sukum: Nəkpaŋgək masləŋ azet ɗii məs Yahudiyenɗeŋ ɓa, əntatə gakdakan wəza nawa.

Roma 15:16

ka nəsaw gən məgəɗ wəza na Zezu Krestu viyit ɗii məza Yahudiyenɗeŋ ɓa. Nəkpaŋgək məgəɗ wəza na Labara Nenek na Maŋgəlva. Vi ɗii məza Yahudiyenɗeŋ ɓa dəsoŋ gən va zəga məpsən Maŋgəlva də məŋgənən hõnyu təstəs abani də Əmpəs Salala.

Roma 15:29

Nəsənka an nadaw anokumda, wanəmbat məknahu də zəzay na Krestu.

Roma 16:18

Vi zemvit ɗiiyen veski, aɗɗaŋ na wəza sən Ɗəfdaya nam Krestu ɓa. Amma net say wənna gədiviti də wəpel namet neneke, tahəŋ wəzanən əmpəs net ɗii məs dəsənaŋ zəga diiɗa ɓa, də meŋ nemet nenekɗe.

Roma 16:25

Məgəɗ səm soko sən Maŋgəlva, ndəni də sembe naw ɗikum də sembe aza wətaf nokum, va an Labara Nenek məs nəpel sukum, wən məs nərban aka Zezu Krestu wəŋka, ndəni va an məsənə məs mərah Maŋgəlva aɗamani. Wənnəska məɗamani daga farfar laŋka.

1Korintus 1:1

Əntə Pol məs Maŋgəlva ayə də əŋgla nan nəsaw gən masləŋ na Zezu Krestu də Sostenes məlməmə.

1Korintus 9:1

Də kiyu nan ɓa sa? Masləŋ nan ɓa sa? Nula Ɗəfdaya nam ɓa sa? Nokum bo munokumtə ətər wəray na wəza naw vi Ɗəfdaya ɓa sa?

2Korintus 1:1

Letərəŋka Pol dəvere, ndəni bo masləŋ na Zezu Krestu də əŋgla na Maŋgəlva, ina də Timote məlməmə, azet ɗii na Maŋgəlva na Korintus. Dit kretiyenɗe naka dələv na Akaya pakə.

2Korintus 11:5

Nəsənək gesiŋ nəgəs azet masləŋɗe nokum gugiriɗiŋ ɓa.

2Korintus 11:7

Naw adan nəpel sukum labara nenek na Maŋgəlva, nəssohon əya na wəza naw avokum ɓa, naw nəgəsanək zuwa, ka nokum kəsoŋ gən ɗii tektekki. Ya də aski kan nəgəɗ sukum mbrayen sa?

2Korintus 12:11

Gesiŋ va dərwa nədaw pele, amma munokum kəɗɗaŋ suwən dewle nəpel gən vaska. Vi kəɗɗaŋ saydawa akaw va an dəslə ɓa. Vi ko əntat də zəga ɓa zlaŋ, əntat də tive naw saw dərɓeget mesliŋɗe nokum məs gugiriɗe ɓa.

2Korintus 2:12

Nəgapək a Torowas vi karban labara nenek na Krestu adaka. Ɗəfdaya azaɓan suwək tive na wəza nan məza tuwãh ɓa.

2Korintus 4:5

Nam mərbana wənna gəɓa zəm ɓa, say wənna Zezu Krestu, ndəni Ɗəfdaya, nam mənam tatərbana məɗɗaŋ wəza nokum mənan vi Zezu.

Galatiyen 1:1

Letərəŋka, səza Pol məs dəsan masləŋ ade. Naw nəsaw masləŋ də əŋgla net ɗii ɓa. Walla dəka ma ɗəf ɓa, amma də əŋgla na Zezu Krestu gəm Maŋgəlva Affəni, məs də sil gən Zezu suweleŋgit ɗii mimtiti.

Efesus 1:1

Letərəŋka Pol dəsləna nan bo masləŋ na Zezu Krestuwi də wəŋgla na Maŋgəlva, azet ɗii na Maŋgəlva a Efesus, təstəssəŋ aza əsap də Zezu Krestu.

Efesus 1:13

Amma nokum bo, munokum məs kəpprəmən gesiŋ na Wən Nenek naw koh nokum, adan kətafənka, Maŋgəlva aɗi sukumək lamba azokum də Əmpəs Salala* an məs aynan wənnan na, nan kənanaŋ.

Efesus 4:11

Ndəni dəvəl sit ɗiiyi, ɗii meɓɓet masləŋɗe, ɗii meɓɓet məs kleŋɗe, ɗii meɓɓet məzu pelin wənnani, ɗii maɓɓet məzuteɗeŋɗe, gəm mərbaŋ zəga.

Filipi 1:1

Letərəŋka, səza Pol də Timote ade, belemɗe na Zezu Krestu, azet ɗii na Maŋgəlva a Filipi mes de tafnen Zezu Krestu pakə, dit mezuteɗeŋɗe dit ɗii gugiriɗ net kretiyenɗe.

Filipi 2:11

Ndəɗaŋ pak waɗɗaŋ saydawa na Zezu Krestu Ɗəfdaya, gakdak na Maŋgəlva Affəni.

Kolosi 1:1

Letərəŋka, Pol dəsləna, nan bo masləŋ na Zezu Krestuwi də wəŋgla na Maŋgəlva, in də Timote məlməmə.

Kolosi 1:25

Maŋgəlva aɗɗuwək məgəɗ wəza net kretiyenɗe. Anah suwəka nərban gən wənnan pakə, ka dətər sukum gən wəraya.

1Tesaloniki 2:2

Kəsənənka məzəm gəmi saha a Filipi daga məɓəl wəgap annokumda a Tesaloniki ɓa. Aramənka kəsənək wənnani. Amma Maŋgəlva asɓaməka vi məpel sukum gən labara neneke, an məs dəde səzani, ko də wən ɗarɗar asil zlaŋ.

1Tesaloniki 2:8

Məŋgəlukumək sawɓa, ha məpsukumək zeŋgillemə, say labara neneki kaaka ɓa'a, amma də əŋgla nam diiɗa azokum.

1Tesaloniki 2:9

Milmiŋgiɗwa, vi munokum tatə ɗumonən iya nam məs məyə də wəzəm saha pay məs məpel sukum labara neneke. Məgəɗək wəza kapay də dəfəɗ pakə, vi kaw zəm gən kimə vi mədawyan ko ɗəf taka suwaloŋkum ɓa.

1Timote 1:1

Letərəŋka, əntə nəvere in Pol masləŋ na Zezu Krestu də Wəŋgla Maŋgəlva, məzukoh gəmə, gəm Zezu Krestu məs dəsan zəga nawga namə.

1Timote 2:7

Vini Maŋgəlva aɗiyu masləŋ na wənnani, də narban wənnan azet ɗii məza Yahudiyenɗeŋ ɓa, vi nəwiɗen gən labara nan də wətafa də goŋga. An məs nənah na, goŋgay tepelke nəwə ɓa.

2Timote 1:11

Maŋgəlva apanək wəza narban labara nenek a vawa, ka nəsaw gən masləŋ narban wənnani.

Titus 1:1

Əntə Pol, məgəɗ wəza na Maŋgəlva, masləŋ na Zezu Krestu. Məpsumi tive, ka nəkegin ɗiiyen məs Maŋgəlva aweliŋ aka wətafa, də wərban sit wən an gesiŋ ndəni sədəv wənna Maŋgəlva.

Ibriɗe 5:4

Ɗəf tay dədawsan də gakdak ko daya net məs dəlveŋge na Maŋgəlva ɓa. Say Maŋgəlva dədaw yani, va aya Aron.

Ibriɗe 7:26

Zezuwi məs dələv metiŋgini, də sembe nawtər səm wəray nam pakə. Salalayi*, mambray taya zan ko suɗike ɓa, awɗakək dit məɗɗaŋ mambraya, məslani a disiŋ ki disiŋ.

Yakob 1:1

Ɗereweləŋka, in Zak nəvere, əntə məgəɗ wəza na Maŋgəlva də na Ɗəfdaya Zezu Krestu. Nəsɗetik ɗii na Maŋgəlva məs dətrayaŋ aka dələv pakə.

1Piyer 4:17

Vi pay agapka, Maŋgəlva wataw kita aket ɗii nan dabəŋ. Adan atəŋgək akam dabəŋ, mbari adaw san dit ɗii məs dətafən Wən Nenek na Maŋgəlva ɓa di?

2Piyer 1:1

Letərəŋka səza Simoŋ Piyerri, balami ndəni masləŋ na Zezu Krestu. Azet ɗii məs dərəhaŋ wətaf an mogon vanamə. Də əŋgla na Maŋgəlva namə, gəm də Zezu Krestu kərəhəni.

Zuda 1:1

Letər na Zuda masləŋ na Zezu Krestu məlmən Zakə, əslənən azet ɗiiyen muwelit na Maŋgəlva, məs dəsoŋ adəv əŋgla na Maŋgəlva Affəni, məs Zezu Krestu adawgeti.

Hənhən 1:1

Adəv ɗereweləŋka, məverini wən məs Zezu Krestu arbani, də zəga məs Maŋgəlva arbansəni, vi dənah sit gən məɗɗaŋ wəza nani an məs dədaɗɗa kakaŋka, Krestu aslənək maslay də wənnan aza Zaŋ məgəɗ wəza nani.

Hənhən 22:6

Yaŋ maslay nak apsu na: Wənnəs pak gesiŋgi, təstəssi wən vani, Maŋgəlva Ɗəfdaya, məs dəpsit Əmpəs nan sit məs kleŋɗe, aslinik maslayɗe nani, vi dərbanən gən an məs dədaɗɗa gu' gesiŋ.

Hənhən 22:9

Amma yaŋ apsu na: Kay kədaɗɗa vas ɓa! Naw bo gawla na Maŋgəlva nan va isi gəm va milmiŋgiɗu məs kleŋɗe, va ɗii məsbanən ɗereweləŋ pak nani. Azulisən Maŋgəlva!