Luka 9:22 - Nouveau Testament en Guidar

²² Yaŋ aməs wənaha dewle Wətən Ɗəf* wazəm saha diiɗa, avet ɗii gugiriɗ dit dayaɗe net məs dəlveŋge na Maŋgəlva, dit məsənaŋ zəga na ma henziŋ wasganən agisbe. Wabayəni amma dərɓaga wəvoŋ hoku wasil sətəki əmta də zeŋgilleni.

Bible en Guidar

²² Yaŋ amsak ənah na, aslək Wətən Ɗəf dəzəmgən sahã diyɗa, ɗiy məsɓeti, deyeɗe net məsdəlveŋge gəm mərbaŋ-mahenziŋ wazganəni, kawbayni, ya wasil səka əmta də əvoŋ mahokoni.

Luka 9:22 ပူးပေါင်းရင်းမြစ်များ

Matiye 17:12

Naw əntatə nah sukum: Eliyas adek səkay, ɗii də sənən ɓa, aɗɗaŋ sənənək an aŋglaŋ, waɗɗaŋ sənən Wətən Ɗəf vaska'a.

Matiye 17:22

Pay mbərən gewleɗ na Zezu akalaŋgək pak aka dələv na Galile. Apsit na: Wapsənən Wətən Ɗəf* avet ɗiiyi.

Matiye 27:63

Anah sənənək məlĩ na məɗumonək wənna məwə wənəŋka, daga adasan makarani amna: Pay hoku dərɓaga wəmta naw wanəsil səzet ɗii məmtiti.

Markus 8:31

Yaŋ Zezu atəŋ wərban zəga sit gewleɗ nani: Dewle Wətən Ɗəf* wazəm saha diiɗa, avet ɗii gugiriɗ dit dayaɗe net məs dəlveŋge na Maŋgəlva, dit məsənaŋ zəga na ma henziŋ, wasganən agisbe. Wabayəni, amma dərɓaga wəvoŋ hoku wasil sətəki əmta də zeŋgilleni.

Markus 9:31

Vi arban sitik gewleɗ nani apsit na: Wətən Ɗəf* wambat avet ɗiiyi, wabayini, amma dərɓaga wuvoŋ hoku wasil sətəki əmta.

Luka 17:25

Amma dabəŋ nani say dəzəm gən saha diiɗa, ɗii dəɓoŋgoŋ sənən gəni dəsganən gəni.

Luka 24:26

Ya say an Messiya* azəmək sahayi kan dətoŋ gən adəv gakdak nan ɓa sa?

Luka 24:44

Yaŋ amna: Aŋki məs nədawnah sukum daga nədaw saw də munokum naka. An məverin akaw adəv ma henziŋ na Moyis də ɗerewelɗe net məs kleŋɗe də gəlya na Davit pak dəsan gən gesiŋ.

Luka 24:7

Say kapsəni Wətən Ɗəf* avet məɗɗaŋ mambray wakpaa'ən aka wəlaŋga məzliwrihe, wasil pay ma hoko'ən səki əmta.

Luka 9:44

Məpprəm lewlewi, an məs nədawnah sukum kakaŋka. Wapsənən Wətən Ɗəf avet ɗiiyi.

1Korintus 15:4

Andəknənka, də pay ma hoko'ən Maŋgəlva asil gənək səkəti əmta, va məver wənnan adəv ɗerewel.