Luka 6:13 - Nouveau Testament en Guidar

¹³ Yaŋ təki adaŋgə, ayek gewleɗ nani, awelik klaw kiyit sula suweleŋgiti, ayek na masləŋɗe.

Bible en Guidar

¹³ Ya səza təki adaŋgə, ayek gewleɗ nani, awel kəlaw kiyit sula sə weleŋti, aye na maslənɗe.

Luka 6:13 ပူးပေါင်းရင်းမြစ်များ

Matiye 10:2

Iya net masləŋɗe klaw kiyit sula van yeŋki. Simoŋ məs adawyaŋ na Piyer, gəm məlmən Andre, Zak məlmən Zaŋ kirtin Zebede.

Matiye 19:28

Zezu apsit na: Gesiŋ nədawnah sukum. Pay Wətən Ɗəf* adawsan aka mazaŋga na gakdak nani aka dələv meleketeni, munokum məzəsbawən klaw kikum sulaŋ wakəsoŋ də ina aket mezeŋgeɗ na məlĩ klaw kiyit sula vi kawtaw kita aka ma əlfa net Israyelɗe klaw kiyit sula.

Matiye 9:36

Adan Zezu awla ngaɓa net ɗiiyi, awələk saha aketi, vi ayaŋka sembe tay ɓa, va timeŋgiɗ məs tahəŋ də məzutaɗa ɓa.

Markus 6:30

Yaŋ masləŋɗe amilyoŋ akkalaŋgək aza Zezu. Anah sənənək an aɗɗaŋ də an məs arbanən pakə.

Markus 6:7

Ayek gewleɗ nan klaw kiyit sula atəŋgək wəsliŋgit sula sula. Apsitik sembe nawtak wəla əmpəs mbrayen.

Luka 11:49

Wəsən na Maŋgəlva amna: Waməslin məs kleŋɗe dit masləŋɗe, wabeyin meɓɓeti, wazəm gitin saha a net meɓɓeti.

Luka 22:30

Wakə zəmaŋ, wakə saaŋ atəki naw saa zəga naw adəv məlĩ nawa, wakəsoŋ aket mazeŋgeɗ na məlĩya, wakə tawaŋ kita aket ma əlfa net Israyelɗe klaw kiyit sula.

Luka 6:14

Simoŋ (məs apsən iya na Piyer) gəm məlmən Andre, Zak gəm Zaŋ gəm Filipi gəm Bartolomi,

Yohanna 4:33

Gewleɗ assohonənək ziti: Ɗəf aki sənək way sa?

Wəza net Masləŋɗe 1:13

Adan agapaŋ a Zerusalem ateŋgeŋgək adəv gəla atəki adakkalaŋ ɗayɗay adəv gəla ma sula'ən a disiŋ. Piyer də Zaŋ, gəm Andre, gəm Filipi, gəm Tomas, gəm Bartolomi gəm Matiye, də Zak wətən Halfa, gəm Simoŋ məs dəŋglu dələv nani, gəm Zuda wətən Zak.

Efesus 2:20

Nokum bo, mərkukumi aka gabba gəla məs masləŋɗe dit məs kleŋɗe adiyaŋgə, Zezu sən kiyən ndeni gərəm naka məslere.

Efesus 4:11

Ndəni dəvəl sit ɗiiyi, ɗii meɓɓet masləŋɗe, ɗii meɓɓet məs kleŋɗe, ɗii meɓɓet məzu pelin wənnani, ɗii maɓɓet məzuteɗeŋɗe, gəm mərbaŋ zəga.

Ibriɗe 3:1

Munokum milmiŋgiɗu kretiyenɗe, məs Maŋgəlva ayə nawtoŋgukum məlĩ nani, məɗumon wənna Zezu an Maŋgəlva aslən dəsan gən daya net məs dəlveŋge də wətaf an məs mədarban wənanəŋka.

2Piyer 3:2

Nəŋgəl na kəɗumonən gən wən an məs kleŋɗe salala apeleŋ lahəŋka, də dawka na Ɗəfdaya məzu koh gəmə, də əpel məs ɗii məsliŋgit azokum aki sukuməni.

Hənhən 12:1

Sokene metiŋgin wagəɗ a disiŋ: Guluk tatə, mətər zət də pay va lukutu, təla bo tayamba təlta, ngərzleɗ klaw kiyit sula ka mətər kiya akata.

Hənhən 18:20

Disiŋ aneken zuk də wəray na walaŋ gəla nani. Məneken zukum munokum ɗii na Maŋgəlva, masləŋɗe dit məs kleŋɗe, Maŋgəlva atawək kita aka walaŋ gəla naka amndagan sənək an məs agəɗ sukum pakə.

Hənhən 21:14

Zlava na dələv nan məɗini gaban aket kuneŋge klaw kiyit sula, aket kuneŋge net məver iya net masləŋɗe na Botol na Maŋgəlva klaw kiyit sula.