Luka 4:32 - Nouveau Testament en Guidar

³² Agətaŋgək aka wəsən nani, vi də sembe na Maŋgəlva adawpele.

Bible en Guidar

³² Aggətaŋgək aka əyak nani, vi əpel nan tay də gagdaka.

Luka 4:32 ပူးပေါင်းရင်းမြစ်များ

Markus 1:22

Ɗii məs dəpprəmən wərba nan pak agətaŋgək akan sawɓa, vi dərban vanet məsənaŋ zəga na ma henziŋ ɓa, amma arbanək va ɗəf məs də sembe.

Luka 2:47

Ɗiiyen dəpprəmən wənnan pak agətaŋgək aka wəpprəm nani də wəzlan nan məs adawzlani.

Luka 4:33

Ɗəf maɓɓan taya dəv gəla nawpel wənnet Yahudiyenɗe, tay də əmpəs mbrayen, atəŋgək ənzla vamvəl də sembe, amna:

Luka 4:36

Ɗii pak agətaŋka apeleŋgək awalaŋ ziti: Wən mi yaŋ van di? Tay ɗi wən sit witemɗe mbreyit də sembe, tahəŋ wəgilyoŋ səka ɗəffa.

Yohanna 6:63

Əmpəs na Maŋgəlva wapsən zeŋgille, gəɓa zə ɗəffa aɓap na ko mi diɓa. Wəpel məs nəpel sukuməŋka, ndəni Əmpəs də zeŋgille.

Yohanna 7:46

Azlanənka: Ɗəf tay naw ɓap wəpel va na ɗəf ndak kpak ɓa.

2Korintus 4:2

Məsganək wəɗɗa məɗama də zəga na wil pakə. Məɗɗa wəza nan də kuket ɓa, məkpaŋgana əpel na Maŋgəlva ɓa'a. Amma mənam tatərban goŋga nan appaka ta'ə. Ko naway məzu kayan makran aba Maŋgəlva wanah na də goŋga mənani.

1Tesaloniki 1:5

Vasna labara nenek məs məpel sukuməŋka, də wəpeli kaaka azokum ɓa, amma Maŋgəlva arbanək sembe nan dəndən, gəm Əmpəs nan Salala* abaah səməka, apsəmək wəsən an də goŋga nasuwa ha faɗə, kəsənənək va məgəɗ wəza awaloŋkum, vi kawtər sukum wərayi.

Titus 2:15

Wən aski kan kədarbani, asəɓsiti, ahayẽti də sembe nok grakə. Kədapan ɗəf səmbet wəzelok ɓa.