Luka 4:15 - Nouveau Testament en Guidar

¹⁵ Apel sitik ɗii wənna Maŋgəlva adəv gəla nawpel wənna Maŋgəlva net Yahudiyenɗe, agakdakanənka.

Bible en Guidar

¹⁵ Ayagetik ɗiy addəv gəla nakkal net mə Yudeɗi, ɗiy pak agagdakanənka.

Luka 4:15 ပူးပေါင်းရင်းမြစ်များ

Matiye 13:54

ambatka awalaŋ gəla atəki aɓayə. Atəŋgək wərban wən sit ɗii adəv gəla nawpel wənnet Yahudiyenɗe. Ɗii nadak pak agətaŋka, aɓɗaŋ na: Səŋga arəh wəsən an vaŋ di? Mbari adawɓap wəɗɗa sokeneɗ vaŋ di?

Matiye 4:23

Zezu abbalək a Galile pak arbanək wən adəv gəla nawpel wənnet Yahudiyenɗe, apelik Wən Nenek na məlĩ na Maŋgəlva ambəl gitik ɗii məs gbəgbaɗe pak dit ɗii məmbər sit pakə.

Matiye 9:35

Zezu abalka awlaŋ gəleɗe metiŋgiti dit memeɗeŋɗe pakə. Arban sitik zəga sit Yahudiyenɗe adəv gəla nawpel wənneti. Apelsitik Wən Nenek na məlĩ na Maŋgəlva, ambəl gitik məs gbəgbaɗe dit məmbər sit pakə.

Matiye 9:8

Adan ɗii awlanəni, geslne abeyike a gakdakanənək Maŋgəlva vi apsənək sembe sən ɗəf vaska.

Markus 1:27

Ɗii pak agətaŋka, assohonənək ma ziti aɓɗaŋ na: Aŋ miyaŋ di? Zev wərba meleketen vaŋkəŋ di? Vi də sembeyi Zezu adawnah sit witemɗe, yaŋ adapprəmən mani.

Markus 1:39

Yaŋ ambat awalaŋ gəla na Galile pakə, apelik adəv gəla nawpel wənnet Yahudiyenɗe, arɓehetik witemɗe səket ɗiiyi.

Markus 1:45

Amma yaŋ ambatə, atrayanək wənnan ko aŋga. Apelik labara nani, ko Zezu dərah wətoŋ awalaŋ gəla kerekere ɓa, vini asan ma poho awara. Ɗii azoŋguk azani daga ko səŋga pakə.

Luka 13:10

Yaŋ Zezu adarban wən adəv gəla nawpel wənnet Yahudiyenɗe, pay naffete.

Luka 4:16

Yaŋ Zezu ambat a Nazaret, awalaŋ gəla məs aɓayə. Pay naffet* na atoŋguk adəv gəla nawpel wənna Maŋgəlva net Yahudiyenɗe, va an adaɗɗa ɗayɗay. Asilik vi kaŋɗan ɗerewel,