Luka 3:16 - Nouveau Testament en Guidar

¹⁶ Yaŋ Zaŋ anah sit enet pak na: Naw əntatə gəɗ sukum baptem dit iŋkile, amma ɗəf məs dəday kiyu də sembe wade. Ko nawpel slapat net hensek nani nəgap ɓa. Wagəɗ sukum baptem də Əmpəs Salala gəm də offo na kita.

Bible en Guidar

¹⁶ Yohanna azlani, aɓsit pak na: Naw in tat əgəɗ sukum baptem dit iŋkile, ya ɗəf məs dəday kiyu də gagdak wade, nəgap nawpəl slapat net hensek nan ɓa. Wagəɗ sukum baptem də Zeŋgile Salala gəm də offo.

Luka 3:16 ပူးပေါင်းရင်းမြစ်များ

Matiye 3:11

Naw əntatə gəɗ sukum baptem dit iŋkile vi ndəni dəgəɗ sukum saydawa na kəkpaŋgaŋka. Amma ɗəffan nazan dərɓagawa waɗɗa sukum baptem də Əmpəs Salala gəm də offo, na kita. Nan adayək kiyu diiɗa. Nəgap ko nəgbuk gən hensek nan ɓa.

Matiye 3:12

Tay də tekpesle naw seŋger hay nan avani vi aŋgəl kaw seŋger haya, wagohon dit keselme. Wakkalan hay a maha a nanda, amma wazle keselme də offo an məza amta ɓa.

Yohanna 1:26

Zaŋ azlansitike: Intatə gəɗ sukum baptem də iŋkile, amma ɗəf maɓɓan tay awalaŋkum, kəsənən ɓa.

Yohanna 1:27

Wade dərɓagawa, amma nəgap nawpel helegeɗ net hensek nan ɓa.

Yohanna 1:33

Pay nani nəsən ɓa, amma Maŋgəlva məs də slənu wəɗɗa baptem ndəni dənah suwa, apsu na: Akula Əmpəs daw pirke, wasan aka ɗəffa, ndəni naɗɗa baptem də Əmpəs Salala*.

Yohanna 7:38

va wənah na ko naway dətafwa. Məlpeŋge net iŋkile na zeŋgille waymaŋ amakrani va ɗerewel anahə.

Wəza net Masləŋɗe 1:5

Vi baptem na Zaŋ də iŋkileyi, amma nokum abe suɗike akərəhaŋ baptem də Əmpəs Salala.

Wəza net Masləŋɗe 10:44

Daga Piyer adawpel tagay, Əmpəs Salala aprikik aket ɗii məs dəpprəmən wəpeləŋ pakə.

Wəza net Masləŋɗe 2:33

Maŋgəlva agakdakanək Zezu, aɗiyək aka van dəzəŋ. Maŋgəlva ɗəfdaya apsənək Əmpəs Salala va anah daga farə. An məs kədawlaŋ də an məs kədapprəmaŋ, Zezuwi dədaɗɗan awalaŋkum.

1Korintus 12:13

Mənam pakə, Yahudiyenɗe dit ɗii məs Yahudiyenɗeŋ ɓa, balemɗe dit ɗii məs balemɗeŋ ɓa pakə, mərahək baptem də əmpəs məs taka naka, ka vi məsap gən adəv gəɓa zə ɗəf taka, mənam pak məkpaŋgək ɗii məsaaŋ əmpəs taka bo.