Luka 3:11 - Nouveau Testament en Guidar

¹¹ Apsit na: Ɗəffan də lukutɗe sula say duɗakan də ɗəffan məs nan tay ɓa. Ɗəffan də zəga nawzəm tamə, say dəɗɗa vaska'a.

Bible en Guidar

¹¹ Azlanəka, aɓsit na: Ɗəf an də lukutɗe sula, duɗakan də ɗəf an məs nan tay ɓa. Ɗəf an də zəga nawzəm tamə, dəɗɗa vaska'a.

Luka 3:11 ပူးပေါင်းရင်းမြစ်များ

Matiye 25:40

Məlĩ wazlan sit na: Gesiŋ nədawnah sukum, ko mi məs kəɗɗaŋ sən taka nambet milmiŋgiɗu en muzliyeɗi su kəɗɗanəni.

Luka 11:41

Məpsit məzurayɗe ana dəv zəga naw saa zəga nokum də na dəv hiliw nokum, asna zigeɗ pak wasoŋ sukumən mogeti.

Luka 18:22

Adan Zezu apprəm vaska, apsən na: Apəl sukuk zəga taka əmpa: Avəl zəga nok pakə. Apsit məs sahaŋɗe, asna akərah arya məzaɓan a disiŋ. Asna kəde gən wəsbawkana.

Luka 19:8

Amma Zase aziwik aba Ɗəfdaya, amna: Ɗəfdaya wanuɗakan arya naw daka daka dit məzurayɗe. An ɗəf tay məs nəgəm zəga nan də vurum bo wanəmnda gan sən təl poɗo.

Yohanna 13:29

Vi Zudassi mərəm deleɗi, ɗii diiɗa azet na Zezu adaŋgla wənahsən na dokəlbaah zəga dənɗaŋ an məs naɗɗa wəzləra dəndən walla anah na apsit zəga maɓɓan sit məs saheŋɗe.

Wəza net Masləŋɗe 10:2

Ɗəf dətaf Maŋgəlvayi, də gəla nan pakə, tahəŋ wəzuliyaŋ sənən Maŋgəlva pay pakə. Pay pak tayəbaah sit Yahudiyenɗe məs sahaŋɗe, apan wəzuli sən Maŋgəlva ɓa.

Wəza net Masləŋɗe 10:31

Apsu na: Korneliyus, Maŋgəlva apprəmək wəzuli noko, dəsgət ki wəza mogon nok ɓa.

Wəza net Masləŋɗe 10:4

Awlak maslay də geslne, yaŋ assohon na: Aw mi dəgəɗ di Ɗəfdaya nawa? Maslay azlansənək na: Maŋgəlva apprəmək wəzuli noko, awlak wəza nokəŋ mogonəŋka, dəsgət kiyuk ɓa.

Efesus 4:28

An ɗəf məhaliay lahəŋka, adaw hal ɗaah ɓa, amma ɗəɗaah dəgəɗ wəza devan va an dəslə azani, dərah gən an məs ada baah sən məs saha.

1Timote 6:17

Anah sit məs aryeɗ də zəga na duniyaŋka, adawkaɓaŋ ɓa. Adawɗiyən makret aka arya məs asana faɗ ɓaŋ ɓa, amma dəɗiyən mekret aka Maŋgəlva məs dədapsəm zəga pak na mekeleŋ məneken gən zəm dəndən.

1Timote 6:18

Anahsiti, dəɗɗaŋ gən mogoni, wəza dəsan gən arya neti dəsoŋ məzuvəlaŋ, də əbaahaŋ sitin ɗii meɓɓet də arya neti.

Ibriɗe 6:10

Maŋgəlva məs də goŋgayi, asgət na ki wəza nokum ɓa, walla wənna əŋgla nokum məs kərbaŋ sənən də wəbaah sit ɗii məs dətafaŋ, milmiŋgiɗ kuməŋ, munokum tatəbaahaŋsit kakaŋka'a.

Yakob 1:27

Aŋki Maŋgəlva Affən aɗi ka ɗəf dəsban gəni: Wəɗum aket mətiwɗeŋge, dit gil net gəbayɗe aka wəzəm saha neti, də wətaɗ ki zəni adawtoŋ adəv wənna duniya kawray gən ɓa.

Yakob 2:14

Milmiŋgiɗwa, an ɗəf anahək də man ɗar na atafək Maŋgəlva, amma wəza nan dəgil gən wətaf nan ɓa, mi adawtərsən di? Wətaf zemvin as wakoh gən sa?

1Yohanna 3:17

An ɗəf tay də arya avani, awlak məlmən tay də wəray na zəga, amma akpaŋganək gəɓan səni dəbaah sən ɓa, ya ɗəffəs tay də əŋgla na Maŋgəlva amakran sa?

1Yohanna 4:20

An ɗəf anahək na: Nəŋgluwək Maŋgəlva, amma dəppan wəzel məlmən ɓa, tepelke adawa. An ɗəf dəŋglu məlmən məs adawla aza haran ɓa, mbarmbari adəŋglu Maŋgəlva məs dula ɗaah aza haran ɓa di?