Luka 22:70 - Nouveau Testament en Guidar

⁷⁰ Ndəɗaŋ pak aɓɗaŋ na: Nok na Wətən Maŋgəlva* kənan sa? Azlan sitike vaski.

Bible en Guidar

⁷⁰ Ndəɗaŋ pak aɓɗaŋ na: Nok na, istə kan Wətən Maŋgəlva sa? Mənokum vat mənokum tat ənəh na intə.

Luka 22:70 ပူးပေါင်းရင်းမြစ်များ

Matiye 26:25

Zuda məs dəzəm kiyən assohonəka: Əntə soko Ɗəfdaya? Zezu zlan sənəka: Vaski, əstə.

Matiye 26:64

Zezu apsəna: Vaski. Amma wanənah sukum abeŋka akulanən Wətən Ɗəf* dawsan aka va dəzəŋ na Maŋgəlva məs də gakdaka, akulanən daw mə'a aka slay buwən a disiŋ.

Matiye 27:11

Zezu aziwik aba governer, governer assohonəka, amna: Əstə məlĩ net Yahudiyenɗe sa? Zezu azlan sənəka va kənahə.

Matiye 27:43

Makran pak aka Maŋgəlvayi, say Maŋgəlva dəkohgənə gən kakaŋka, mula gəni an aŋgluwək kana. Amna: Əntə Wətən Maŋgəlvaŋka.

Matiye 27:54

Daya net sozeɗi dit sozeɗ na Roma məgaŋ magamas na Zezu, adan awlanən wəɓla na dələv də an dəgəɗ pakə, ageslne'eŋgək diiɗa, aɓɗaŋ na: Gesiŋ aŋki Wətən Maŋgəlva*.

Matiye 3:17

Yaŋ wəla ade sə disiŋ amna: Aŋki wətu an nəŋgələ, əntatə neken zu dəndən sawɓa.

Matiye 4:3

Satan azarka zani, apsən na: An Wət Maŋgəlva kənani anahsit girmeŋgeŋki dəkpaŋgaŋ gən zəga nawzəma.

Markus 14:62

Zezu amna əntə, nokum bo wakulanən Wətən Ɗəf* dawsan aka va dəzəŋ na Maŋgəlva, məs dəsən zəga pakə, wakulanən dazan aka slay buwən a disiŋ.

Markus 15:2

Nan bo assohonək Zezu: Əstə məlĩ net Yahudiyenɗe sa? Zezu azlan sənəka va kənahə.

Luka 22:71

Yaŋ aɓɗaŋ na: Wəray nam tay nassoh saydawa əmpa sa? Mənam sən kiyəm məpprəmək səmani.

Luka 23:3

Pilatu assohonək vaska: Əstə məlĩ net Yahudiyenɗe sa? Zezu apsən na: Vaski.

Luka 4:41

Witemɗe mbəreyit agulyoŋguk səket ɗii diiɗa, tahəŋ wənzlaŋ vamvəl də wənnəh vaska: Əstə Wətən Maŋgəlva*. Amma Zezu apel sitik də gagay, atekik dawpeleŋ vi asənənka ndəni Messiya*.

Yohanna 1:34

Zaŋ amna: Nulaka nəgəɗək saydawa akani, ndəni Wətən Maŋgəlva*.

Yohanna 1:49

Yaŋ Nataniyel anah sən na: Mərbə zəga istə Wətən Maŋgəlva*, istə məlĩ net Israyelɗe.

Yohanna 10:30

Ina gəm Affən taka mənanni.

Yohanna 10:36

Amma nawa, Maŋgəlva awelwəka, aslənwək a duniya. Mambray kədaw nahaŋ na əntatə pel mbrayen aka Maŋgəlva di, vi nənah na Wətən Maŋgəlva* nani sa?

Yohanna 18:37

Pilatu assohonəka: Amma də as pak məlĩ kanan sa? Zezu azlanəka: Vaski məlĩ nani. Məwəwi nəde adəv dəlvəŋka, vi kaɗɗa saydawa an də goŋga. Ko naway dəŋgəl goŋga, wapprəm an məs nədawpele.

Yohanna 19:7

Yahudiyenɗe aɓɗaŋ na: Mənam tat də ma henziŋ. Va an ma henziŋ nan aɗi na, say dəmtə gəni, vi aɗiyək zən za Wətən Maŋgəlva*.