Luka 2:7 - Nouveau Testament en Guidar

⁷ Tuwək wiyən mizilin, tizi nata tətərək də lukutu, təvoŋ gənək adəv zəga nawzəmgit zigeɗi, vi dərəhaŋ təki atəki net melekeɗ ɓa.

Bible en Guidar

⁷ Tuwək wiyən mizilin tizi nata, tətərək də lukutu, təvoŋgənək addəv zəga nawzəmgit zəgeɗi, vi dərəhaŋ təki a təki net melekeɗ ɓa.

Luka 2:7 ပူးပေါင်းရင်းမြစ်များ

Matiye 1:25

məza wəvoŋ dəndət ɓa, ha ndət bok wina Zozef alvanək na Zezu.

Matiye 13:55

Ndəni wətən məntar wəlaŋga ɓa sa? Mari təman ɓa sa? Ya Zak də Zozef, Simoŋ gəm Zuda əŋgə milmiŋgiɗin ɓa sa?

Matiye 8:20

Zezu apsən na: Balwayɗe tahəŋ də vovɗe, biŋgeɗ tahəŋ dit gəleɗe. Amma Wətən Ɗəffa* tay də təki naw voŋ na feten zən ɓa.

Luka 10:34

Azarək azani, agəɗsənək mele də mbazla an məzlə zigeɗ səra huwa aket huweɗ nan neki, aynetike, aslanək aka koro nani akak atəki net melekeɗi, agak adaka.

Luka 2:6

Adan adasoŋ adaka, təla nawa nat Mari agapka.

Luka 2:8

Yaŋ məzuteɗeŋɗe tahəŋ aka moya na dələv nani, tahəŋ wəgenin timeŋgiɗ net dəfɗa.

Yohanna 1:14

Wəpel nak akpaŋgək ɗəffa məs də gəɓa zəni, asanək awalaŋgəmə. Mulak gakdak nani, ndəni gakdak va Wətən məs taka arah aza Affəni. Dəndəni Maŋgəlva arban mbəlembəle nani də gegesiŋ nan pakə.

2Korintus 8:9

Kəsənənək mbəlembəle məs Ɗəfdaya nam Zezu Krestu agəɗ sukum. Ko də asan məs arya zlaŋ, aɗiyək zən va məs saha vi wən nokum, vi kakpaŋgokum məs aryeɗ də saha nani.

Galatiyen 4:4

Amma adan pay nan məs Maŋgəlva aɗi agapə, aslənək Wətəni, muwani dət gulku, aɓe sənək ma henziŋ net Yahudiyenɗe.