Luka 2:13 - Nouveau Testament en Guidar

¹³ Go'ləŋ metiŋgit net maslayɗe azoŋguk wəsapaŋ də maslay annaka, agakdakanənək Maŋgəlva, aɓɗaŋ na:

Bible en Guidar

¹³ Yaŋ ləŋ mezəlpaŋ na disiŋ diyɗa azzoŋ əsap də maslay an naka, agagdakanən Maŋgəlva, aɓɗaŋ na:

Luka 2:13 ပူးပေါင်းရင်းမြစ်များ

Luka 15:10

Intatə nah sukum, vaski bo maslayɗe na Maŋgəlva ada nekenən zit an məs mambray taka atubika.

Luka 2:12

Məpprəma zəga an narban sukum: Wakərəhən wiyən mətərən də lukutu, məvoŋ gən atəki nawzəm zəga net zigeɗi.

Luka 2:14

Gakdak aza Maŋgəlva na disiŋ, zam adek aka dəlva hagap azet ɗiiyen aŋgələ, gəm məs dəŋgluwən Maŋgəlva veti.

Efesus 3:10

Amma kakaŋ na dit ɗii na Maŋgəlvayi adarbani, vi məlyeŋge dit sembeɗ na disiŋ dulanən gən wəsən na Maŋgəlva an temtem pakə.

1Timote 3:16

Gesiŋ aŋki məɗama na wən nəŋka, ndəni metiŋgini annan mədasba: Krestu arbanək zən va ɗəffa, Əmpəs arbanək wən akan na, askak wəlla zəga pakə. Maslayɗe awlanənka. Mərbani labara nan aweleŋgit ɗii məza Yahudiyenɗeŋ ɓa. Ɗii na duniya atafənka, Maŋgəlva aslanək a disiŋ adəv gakdak an dəday pakə.

Ibriɗe 1:14

Mədəŋgaŋ maslayɗe di? Ndəɗaŋgəŋ Əmpəsɗe məzəɗɗaŋ sənən wəza sən Maŋgəlva. Maŋgəlva tay slinit dəbaahaŋ sitin gən ɗii məs dədawkohoŋ.

1Piyer 1:12

Maŋgəlva arban sitik məs kleŋɗe na, wənəs məs das kəs na, net sən kiyit awlanən na ɓa, amma wənan vikumi. Yaŋ Wən Nenek nak agapək azokum kakaŋka na. Masləŋɗe məzu pel sukumən wənnəŋka anah sukumənək wənnani. Apel sukumənək də sembe na Əmpəs Salala məs dəde sə disiŋ. Ko maslayɗe bo met tayaka wəsən wənnəŋka.

Hənhən 5:11

Nulak əmpa, nəpprəmək wəllet maslayɗe diiɗa tuwəɗ ki mazaŋga na məlĩ naka, dit zigeɗ maderet neki, gəm ɗii gugiriɗ neki, wəŋɗa net bo tahəŋ va dubu dubuɗe.