Luka 18:32 - Nouveau Testament en Guidar

³² Vi kappani avet ɗii məs dəsənən Maŋgəlva ɓa wanahaŋ wən azani, waranənni, watufoŋ mefɗe akani,

Bible en Guidar

³² Vi kappani ammba vet ɗiy-ɗarə, kawmasi akani, kawrani, kawtufi mefɗe akani,

Luka 18:32 ပူးပေါင်းရင်းမြစ်များ

Matiye 16:21

Yaŋ daga pay nani Zezu atəŋ wəpel sit gewleɗ nan məza məɗamma ɓa, amna: Aslək ndaw gən a Zerusalem, ɗii na dələv dit milyeŋge məs dəlveŋge məsənaŋ zəga na ma henziŋ wazəm guwən saha daka, wabaywəni, amma pay ma hoko'o wanəsil səki əmta.

Matiye 20:19

Wapsitin avet ɗiiyen dəsənən Maŋgəlva ɓa, waranəni wavərnəni wakpanən akawlaŋga məzliwrihe. Amma pay mo hoko'o wasil səki əmta.

Matiye 22:6

ɗii dembirgit armeninik gewleɗ na məlĩ neki azəm gitinik saha, abayninke.

Matiye 26:67

Yaŋ atəf sənən mefɗe rani, aslkər nənka, ɗii meɓɓet arganənka,

Matiye 27:2

Aɓruknənka, akanənka, apsənənək ava Pilatu governer na Roma.

Markus 14:65

Ɗii meɓɓet atəŋgaŋgək wətuf mifɗe aka Zezu. Asərətənək harani, aslkərənka, yaŋ anahaŋ na: Asəna naway dəslkuruk di? Məzugaŋ agəmənək Zezu arganənək atapaslayən.

Markus 15:1

Adan təki adaŋgə, ɗii dayaɗe net məs dəlveŋge na Maŋgəlva, dit ɗii gugiriɗ na dəlva dit məsənaŋ zəga na ma henziŋ, gəm məzaɓaŋ wənna, aslerinik met pakə. Aɓrukunək Zezu, akanənka, apsənənək ava Pilatu.

Luka 18:33

warganən də ɗoŋgroŋɗe, wabayəni. Amma pay ma hoko'ən wasil səkəti əmta.

Luka 23:1

Yaŋ asilyaŋ pakə, akanən Zezu aba Pilatu.

Luka 23:11

Herodə dit sozeɗ pak anahaŋgək wən azani. Dərɓaga apeleŋ wən azani, agul sənək lukut mogoni, amil gənənək aza Pilatu.

Luka 23:35

Ɗii tahəŋ də ziweŋ adaka vi kawla. Ɗii gugiriɗ net Yahudiyenɗe anahaŋgək wən azani, aɓɗaŋ na: Wakoh git ɗiiyi, dəkoh gən ki zən kanɗa, an ndəni Messiya* məs Maŋgəlva a weli kana.

Yohanna 18:22

Adan Zezu apel wənnəska, ɗəf taka səmbet məzugaŋ argaka, amna: Vas kədawzlansən daya net məs dəlveŋge sa?

Yohanna 18:28

Vit pumpum nan də mompumo pumu agəmənək Zezu səŋgil ana Kayafas da, akanənək eŋgil ana ngomna net Romeɗ da. Yahudiyenɗe dətoŋgoŋ eŋgil adak ɓa, vi adasoŋ də mambray ɓa, ka arəhaŋ na wəzəm way na Paska* ɓa.

Yohanna 18:30

Azlanənka: Va ɗəf mbrayeni ɓana məkina zok ɓa.

Yohanna 18:32

Agəɗ vas na vi an Zezu anah dəsan gən goŋga, darban wəmta nani.

Yohanna 18:35

Pilatu azlanəka: Yahudiyen nan sa? Əlfiŋgiɗuk dit dayaɗe net məs dəlveŋge dəwəlikun azawa. Mi kəgəɗ di?

Wəza net Masləŋɗe 2:23

Daga farə Maŋgəlva aŋgələk kapsukum Zezu. Yaŋ nokum bo kəbayənni, yaŋ kənah sitin ɗii məs mambrayɗe dəkpa'ən gən aka wəlaŋga məzliwrihe.

Wəza net Masləŋɗe 3:13

Maŋgəlva na Abraham, na Isak, na Zakub, Maŋgəlva net migilmə apsənək gakdak sən gawla nan Zezu. Munokum sən kikum kəkanənək Zezu sit ɗii gugiriɗe, kə wəliyənək aba Pilatu, ko də Pilatu aŋgəl wəppan zlaŋ.