Luka 16:16 - Nouveau Testament en Guidar

¹⁶ Ma henziŋ na Moyis də ɗerewel net məs kleŋɗe anziyək hagap pay na Zaŋ məgəɗ baptem. Daga pay nan bo halabara nenek na məlĩ na Maŋgəlva apelke, ko naway pak agayək də sembe vi dətoŋ gən adəv məlĩ nani.

Bible en Guidar

¹⁶ Mahenziŋ na Moyis gəm ɗerewel net məskəleŋɗe hã gap aza Yohanna məgəɗ baptem. Təŋ siske yi mərban alabara nenek na məlĩ na Maŋgəlva, naway pak tay əgay ətoŋ na gəgay addəvən.

Luka 16:16 ပူးပေါင်းရင်းမြစ်များ

Matiye 10:7

Mərban sit Məlĩ na Maŋgəlva, go'oy aza ərban zəni.

Matiye 15:11

An məs dədawtoŋ ama ɗəf dədawray gən ɓa, amma an dədawgilyen sə mani, ndəni dədawray gəni.

Matiye 21:32

Zaŋ adeke arban sukumək tive an mogoni kətafnən ɓa. Amma mətafaŋ zomorgol dit gil məpolkoyeɗ atafnənka. Ko dərɓaga kulanən vaska kətubiyaŋ vi kətafənən gən ɓa.

Matiye 3:2

Amna: Məkpaŋgan wədaw nokum vi məlĩ na Maŋgəlva go'oy.

Matiye 4:17

Dəpaski Zezu atəŋ wəpel wənna. Anahək na: Mətubiyə vi məlĩ na disiŋ go'oy.

Matiye 4:23

Zezu abbalək a Galile pak arbanək wən adəv gəla nawpel wənnet Yahudiyenɗe, apelik Wən Nenek na məlĩ na Maŋgəlva ambəl gitik ɗii məs gbəgbaɗe pak dit ɗii məmbər sit pakə.

Markus 1:14

Dərɓaga məsgan Zaŋ məgəɗ baptem a daŋgay, Zezu adek a Galile, apelək Wən Nenek na Maŋgəlva sit ɗiiyi.

Markus 1:45

Amma yaŋ ambatə, atrayanək wənnan ko aŋga. Apelik labara nani, ko Zezu dərah wətoŋ awalaŋ gəla kerekere ɓa, vini asan ma poho awara. Ɗii azoŋguk azani daga ko səŋga pakə.

Luka 10:11

Ko hologodo nokum naza təlmə, wamətu sukum, amma wakəsənən na məlĩ na Maŋgəlva go'oy.

Luka 10:9

Məmbəl git məs gbəgbaɗe nadaka, mənah sit na: Məlĩ na Maŋgəlva go'oy də munokum.

Luka 16:29

Yaŋ Abraham azlan sən na: Moyis dit məs kleŋɗe pak tahəŋ vi karban sit wənna, say dəpprəmən gəni.

Luka 16:31

Abraham apsən na: An dəpprəmən ma Moyis dit məs kleŋɗe ɓa, asna ko ɗəf disil səkəti əmta ataf nənna ɓa.

Luka 9:2

Aslinik wərban wənna məlĩ na Maŋgəlva də wəmbəl git məs gbəgbaɗe.

Yohanna 1:45

Filip bo aləmək də Nataniyel, apsən na: Mərəhək an məs Moyis apel akan adəv ɗerewel na ma henziŋ, məs kleŋɗe bo apelinək wənnani, ndəni Zezu wətən Zozef məs na Nazaret.

Yohanna 11:48

An məppanək tayəɗɗan vaska, ɗii pak watəfəni. Asna Romeɗe məs də sembe watoŋgoŋ wənnani, waray gənən gəla metiŋ naw zuliya* dit ɗii nan pak warayaŋ.

Yohanna 12:19

Yaŋ Farisiyenɗe*, anahaŋ awalaŋ zit na: An məs agəɗ pak dətər wəray ɓa, yaŋ ɗii pak atəŋgaŋ wəsbanəni.

Yohanna 5:4

vi pay maɓɓani maslay na Ɗəfdaya tay pirken aret iŋkile a pe'e neki, də wəɓleti. Məs gbəgba' məs dətoŋ dabəŋ aret iŋkile net pak dərɓaga wəɓla neti, ambəlka səka gbəgba' nan ko awani di pakə.]

Wəza net Masləŋɗe 3:18

Daga far lahəŋki Maŋgəlva arban də met məs kleŋɗe, dewle Messiya* wazəm saha, an məs apel farəŋka, gesiŋgi kakaŋka.