Luka 16:1 - Nouveau Testament en Guidar

¹ Zezu anah sit gewleɗ nan na: Ɗəf məs arya tay də məgəɗ wəza nani. Ɗii apsənən na: Məgəɗ wəza nokuŋ tay ray gən arya noko.

Bible en Guidar

¹ Yesu aɓsit gewleɗ nan na: Ɗəf tay məsarya də məgəɗ wəza aban məs məzəm kiyən azan na tay əraygən sən arya nani.

Luka 16:1 ပူးပေါင်းရင်းမြစ်များ

Matiye 20:8

Adan pay atəpə, affən guli anahsənək ɗəfdaya na wəza nani: Aye məɗɗaŋ wəza, afaɗ sit deleɗ neti, atəŋ aket ɗiiyen dəzoŋ dirɓe a gulyo, kəbay gən mok aket ɗiiyen dəzoŋ dabəŋ a gulyo.

Luka 12:42

Ɗəfdaya azlanka: Məgəɗ wəza awani mogonəŋ di, de maɗulanəŋ di? Məs daya nan aɗi aket məɗɗaŋ wəza nani vi dəpsiti gin zəga nawzəm də pay nani.

Luka 15:13

Dərɓagan wəvoŋ suɗike, wiyən nak akkalanək arya nan pakə, ambatək aka dələv faraɗa. Azanək arya nan də wənna polkoyo ɗarə.

Luka 15:30

Amma yaŋ wətuk, məs dəzan arya nok də polkoyo, adan ade na yaŋ kətawsən wəla ngari məkərən.

Luka 16:19

Ɗəf maɓɓan tay məs arya, məzu gul lukutɗe lelekeɗekɗe mogeti. Pay pak taya dəv zəga mogon də arya.

Luka 16:2

Məs arya ayaka, apsən na: Mi adawnahaŋ suwən aka wənnok vaŋkəŋ di? Aŋɗan su arya nawa, dərɓagani kəsok na məgəɗ wəza naw ɓa.

Luka 19:20

Ɗəf maɓɓan bo adeke, amna: Daya nawa sulay nok yaŋka, nətərək adəv kesekese.

Luka 8:3

Zannet, guluk na Kuza gawla na məlĩ Herodə gəm Suzana dit gil meɓɓeti, məza baahaŋ sənən Zezu də arya neti.

Titus 1:7

Məzutaɗa net kretiyenɗe, dəsan ɗəf məza də wən akan ɓa, vi ndəni məzuzaɓan wənna Maŋgəlva, məza adaw san ɗəf məzu kaɓ ɓa, məs adawda gədəv ɗar ɗar ɓa, adawsan məs mbazla adawbay ɓa, ɗəf məzəw gay dit ɗii ɓa, ɗəf məza awsim riba mbrayen ɓa.

Yakob 4:3

Ko an munokum tatə kamanən Maŋgəlva, dəpsukum gəni, kərəhaŋ na ɓa, vi wəkam nokum də wəɗum mbrayenni, munokum tatə sohoŋ vi keneken gəɓa zukum dəndən.

1Piyer 4:10

Ko naway dəzi zən aza əvəl məs Maŋgəlva apsəni, də baah sit gin ɗii meɓɓet dəndən, də wəɗɗan vaski kədaw ganən əvəl məs Maŋgəlva apsukum temtemi.