Luka 10:22 - Nouveau Testament en Guidar

²² Affu apan suwək zigeɗ pakə. Ɗəf tay dəsən Wətən* ɓa, say Affəni, ɗəf tay dəsən Affən ɓa, say Wətəni gəm an məs aŋgəl nərban pakə.

Bible en Guidar

²² Zəga pak Ebba apsuka. Ɗəf tay dəsən Wətən an Afəni ɓa ɓa, ɗəf tay dəsən Afən an Wətəni ɓa ɓa, gəm ɗəf an Wətən aŋgəl narban səni.

Luka 10:22 ပူးပေါင်းရင်းမြစ်များ

Matiye 11:25

Pay nani Zezu amna: Aw Affən Daya na disiŋ də dəlva fuŋ, soko azoko vi karban sitik kirin muzliyeɗ an məs kəɗaman azet məsənaŋ zəga dit məzapprəmaŋ.

Matiye 11:27

Affu apan suwək zigeɗ pak a vawa. Ɗəf tay dəsən Wətən ɓa say Affən, ɗəf tay dəsən Affən ɓa say Wətəni, gəm an Wətən aŋgəl wərban pakə.

Matiye 28:18

Zezu adeke, apelsitke, amna: Gakdak pak məpsuwi disiŋ də dəlva fuŋ pakə.

Yohanna 1:18

Ɗəf tay dula ɗaah Maŋgəlva ɓa. Amma Wətən məs taka, an dəsan də Affən, ndəni dərban səm Maŋgəlva.

Yohanna 13:3

Zezu asənka, daga səza Maŋgəlva ade, wamil aza Maŋgəlva əmpa, Maŋgəlva apsənək sembe aka zəga pakə.

Yohanna 17:10

Zəga naw pak noki, zəga nok pak tamə nawi, gakdak naw tayərbanzən azeti.

Yohanna 17:2

Kəpsənək sembe aket ɗii pakə, vi dəpsiti gən zeŋgille nasuwa ha faɗ sit ɗii məs kəpsənəŋki.

Yohanna 17:26

Nərbokuk siti, wanəsban wərboksiti, vi wəŋgla məs kəŋgəluwəŋ dəknah gən amekreti, naw bo nəknah gən amekreti.

Yohanna 17:5

Kakaŋ kana. Əbba, avay gakdak aboko, gadak məs naw məsvan nəsaw dəndən də isi, daga məɓəli wəɗɗa dəlva fuŋ ɓa.

Yohanna 3:35

Affən aŋgluwək Wətəni, apsənək sembe aka zəga pakə.

1Korintus 15:24

Asna wəgrak dələv wagəɗə. Krestu wazet məlyeŋge dit ɗii məs də sembe, dit əmpəs məs dəsoŋ maseŋgiɗ Maŋgəlva pakə, asna wapsən məlĩn sən Maŋgəlva Affəni.

2Korintus 4:6

Daga far laŋka, Maŋgəlva anahək na: Say təki babar dəkasak ara guzliyo. Maŋgəlva vani, ndəni dəppan təki babar nan əkasak amakramə. Vi məsən gən gakdak na Maŋgəlva məs darban təki babar aka Krestu.

Efesus 1:21

Adaki Krestu adaw zəm məlĩ aket ɗii gugiriɗ na disiŋ pakə, dit məzəmaŋ məlĩya də aket sembeɗ pakə, də aket dayeɗe pakə, də aket iyeɗe məs na sləma ko awetiŋ di pakə, say a duniyaŋki kaaka ɓa, amma də an naka duniya məs dədazan pakə.

Ibriɗe 2:8

Kəpsənək ko mi pak amba təlni. Yaŋ Maŋgəlva aɗi zəga pak amba təl ɗəffa va an məs anah wənnani. Amma məɓəl ula ɗəf dawzəm məlĩ aket zigeɗ van pak tagay ɓa.

1Yohanna 5:20

Məsənka Wətən Maŋgəlva* adeke, apsəmək maɗula, vi məsən gən Maŋgəlva an gesiŋ. Mərahək wəsap də Maŋgəlva an gesiŋ də Wətən Zezu Krestu, ndəni Maŋgəlva an gesiŋ ndəni də zeŋgille nasuwa ha faɗə.

2Yohanna 1:9

Ɗəf məs asban an məs Krestu adarban ɓa, ɗəf məs dəmzla səza wənnani wəsler nan tay də Maŋgəlva ɓa. Amma ɗəf məs dədasban zəga məs Krestu arbani: nan wəsler də Affəni gəm də Wətən pakə.