Kolosi 4:5 - Nouveau Testament en Guidar

⁵ Məzi zukum aza wədaw nokum aweleŋgit ɗii məs dətafən Maŋgəlva ɓa. Ko dewɗe kərəhaŋ va pak mərban wətaf nokum, məɗɗa vaska.

Bible en Guidar

⁵ Mədaw də maɗɗula a walaŋgit ɗiy nappaka. Kədawzanən pay ɓa.

Kolosi 4:5 ပူးပေါင်းရင်းမြစ်များ

Matiye 10:16

Yaŋ, əntatə slən kum va timeŋgiɗ aweleŋgit kərɗe munya. Vi vaski məsoŋ də kuket va dohoŋɗe, məza mbrayen akokum ɓa va məŋgərwiɗe.

Markus 4:11

Zezu azlansitike: Nokum Maŋgəlva arban sukumək wən məɗama na məlĩ nani. Amma ɗii meɓɓeti, say də wən məkpaŋga adapprəmən wənnəs pakə.

Roma 16:19

Munokum məs kədapprəmən ma Ɗəfdayaŋka, ɗii namba dələv pak apprəmənək wənnani. Ndəni nəda neken zu də wənnani, amma nəŋgəl na, kəsoŋ gən məsənaŋ tive naɗɗa zəga mogoni, mətip horokum səza mambraya.

Kolosi 3:16

Məppan labara na Krestu dəknah makrokum, mərban wənnan awlaŋ zukum, məbaah sən zukum də zəga naw səna də maɗula pakə. Məgakdakan Maŋgəlva də gəlya də wəsoko də makrokum, məyə sən gəlya an na Zabura naɗi kini də gəlya an Əmpəs apsukum.

1Tesaloniki 4:12

Mədaw va an dəslə azet ɗiiyen ɗarə, kədasoŋ vi ɗəf ɓa.

1Timote 3:7

Say dəsan ɗəf məgəɗ wəza mogoni, ko azet ɗii məza ɗii na Maŋgəlva həŋ ɓa pakə. Vi adawrəhaŋ tive naran aka mambray nan məs agəɗ farfar ɓa. An tay vas ɓana watoŋ adəv mazaɗ na Satan.

Yakob 1:5

An ɗəf səmbokum maɗulan nawsən an va adaɗɗa tay diiɗa ɓa, say də kaman Maŋgəlva wapsəni, wapsən ko naway pak də wəŋgla agbakan na ɓa.

Yakob 3:13

Ɗəf tay də maɗulan məzu sən zəga awalaŋkum sa? Say dərban gən də wənziya nan mogoni, də wəɗɗa wəza mogoni, də wəɓegən ki zəni də maɗulani.

Yakob 3:17

Amma maɗula an nawsən zəga məs dəde sə disiŋ, nan salalayi. Nan tay ki zamə də ɓatɓatə, dəbayna, awɗeket ɗii ɓa, awa tepelke aket ɗii ɓa.

1Piyer 3:1

Gili məpprəm met zel nokum, an ɗii meɓɓet suweleŋgit dətafən wənna Maŋgəlva ɓa, asna watafaŋ məza wəpel sit wənnan ɓa, vi wədaw nokum.