Kolosi 4:3 - Nouveau Testament en Guidar

³ An munokum tatə zuliyaŋ na, məzuli viyəm tamə, vi Maŋgəlva də zaɓan su gən tive narban labara nani, nərban gən wən məɗama na Krestu. Vi wənna wən məɗama nan vani nəsaw a daŋgay.

Bible en Guidar

³ Məkkam ammbamə'e vi Maŋgəlva dəkol səmgəm metive nawpele, kawpel aka wən məɗama na Kristu məs nəsaw məɓruku aka wən nani,

Kolosi 4:3 ပူးပေါင်းရင်းမြစ်များ

Matiye 13:11

Azlan sitik na: Munokum kərəhaŋgək wəsən wən məɗama na məlĩ na Maŋgəlva, amma neti dərəhaŋ ɓa.

Wəza net Masləŋɗe 14:27

Adan agapaŋ a Antakiya, akkeletinik kretiyenɗe pakə, anahsitinik an Maŋgəlva agəɗ dənɗaŋ pakə, va akol tive sit ɗii məs Yahudiyenɗeŋ ɓa, dətafən gən Zezu.

Roma 16:25

Məgəɗ səm soko sən Maŋgəlva, ndəni də sembe naw ɗikum də sembe aza wətaf nokum, va an Labara Nenek məs nəpel sukum, wən məs nərban aka Zezu Krestu wəŋka, ndəni va an məsənə məs mərah Maŋgəlva aɗamani. Wənnəska məɗamani daga farfar laŋka.

1Korintus 16:9

Vi nərahək sembe naɗɗa wəza metiŋgin nawtər wəray aŋka, ko də məzuzelwən asoŋ aŋ diiɗa zlaŋ.

1Korintus 4:1

Say muləm va məɗɗaŋ wəza na Krestu, va ɗii məs Maŋgəlva apansit wən məɗama nan aveti.

2Korintus 2:12

Nəgapək a Torowas vi karban labara nenek na Krestu adaka. Ɗəfdaya azaɓan suwək tive na wəza nan məza tuwãh ɓa.

Efesus 3:1

Vi vaski, in Pol mədaŋgay na Zezu Krestu nan vi zam nokum munokum ɗii məs kəsənən Maŋgəlva ɓa, əntatə kaman Maŋgəlva.

Efesus 3:3

Maŋgəlva akosuk kiyən suwa vi karban su wən məɗama nani, va nəver sukum, wənnan suɗikes dabəŋ,

Efesus 3:4

də wəŋɗan ɗerewel nani, wakəɓapən wəsənən na nəsənək wən məɗama na Krestu.

Efesus 3:9

Nərban siti gən va Maŋgəlva adagrak əɗum nani, Maŋgəlva məs dəɗɗa zəga pak aɗɗak məɗama nan daga dəɓəl əzəməɗ təki ɓa, amma aɗamanəka.

Efesus 4:1

Vi vaski, mədaŋgay nan vi nədaɗɗa wəza sən Ɗəfdaya; Vini nəda kamokum kədawaŋ gən va an dəslə azokum va Maŋgəlva məs dəyukum asani.

Filipi 1:19

Vi nəsənka, as pak wakpaŋ wəkoh nawa, vi mbəlembəle na wəzuli nokum də wəbaah na Əmpəs na Zezu Krestu.

Filipi 1:7

Aslək azaw nəɗum gən akokum vaska. Intatə ɗikum amakrawa, munokum pak kərəhaŋgək mbəlembəle məs Maŋgəlva avayə, ko kakaŋ bo, va pay məs nəsaw a daŋgay, nəɗɗak saydawa na Wən Neneke ko va nəsaw nakiyu nawtakən walla naw ɗi Wən Neneke.

Kolosi 1:26

Daga wətəŋ na duniya, Maŋgəlva aɗamanək wənnan sit ɗii pakə. Amma kakaŋ na arbanək wən məɗaman nak sit ɗii nan kana.

Kolosi 4:18

Əntə nəver wənnəŋ də vawa. Nəsɗokumko, kədasgətaŋ kiyu ɓa a daŋgay nani! Mbəlembəle na Maŋgəlva dəsan də munokum.

1Tesaloniki 5:25

Milmiŋgiɗmə məzuli vimə.

2Timote 1:16

Ɗəfdaya dəɗɗa mogon nan aka gəla na Onesiforus, vi armak vaw pay pakə. Ko wil dədanən vi nəsaw ɗəf na daŋgay ɓa.

2Timote 2:9

Vi wənna labara nenek nani nədarə wəsaa bonoy, minawi də ngiyam va məgəɗ mambraya, amma wəpel na Maŋgəlva aynə na ɓa.

2Timote 4:2

Arban wənna Maŋgəlva zuk soksoku, ko an məs zit nek dəndən, ko an məs zit tay nek dəndən ɓa. Agil gən sit mbrayen neti, asəɓ siti də wəsɓeti, aboton sit gabban də wəɓəsən pakə.

Filemon 1:22

Amma vaskəmpa bo məzaɓan su təki naw tehe, nəsənka Maŋgəlva wazlan sukum wəkkam nokum wapsu tive namndaw ulukum.