Kolosi 4:12 - Nouveau Testament en Guidar

¹² Epafras asɗokumko. Nan bo ɗəf nokumi, məgəɗ wəza na Zezu Krestuwi. Dəppan wəkkaman Maŋgəlva vikum ɓa, tayəkkamani kəsoŋ gən təstəssə də Əmpəs va net ɗii gugiriɗe, kəsoŋ gən ɗii məs də zaɓanən zit naɗɗa an Maŋgəlva aŋgələ.

Bible en Guidar

¹² Epafras ɗəf na nokum da asɗokumko, məgəɗ wəza na Yesu Kristu wi. Pay pak tay əgay də əkkaman vikum, vi kəssoŋgən ziw ɓəlɓələ, gərrakə gəm təstəs naɗɗa an Maŋgəlva aŋgələ.

Kolosi 4:12 ပူးပေါင်းရင်းမြစ်များ

Matiye 5:48

Məsoŋ məza də mambray ɓa, va Affukum na disiŋ nan tay də mambray ɓa.

Luka 1:1

Ɗəf gakdak Tewfilu: Ɗii diiɗa agayaŋgək wəver zigeɗ məs dəɗaŋ awalaŋgmə.

Luka 22:44

Adan wəɗum assanək sawɓa, azuliyək də sembe, hanza nan akpaŋgək va mbel məzimaŋ aka dəlva fuŋ.]

Yohanna 12:26

Ko naway dəŋgəl wəgəɗ su wəza say dəsbawa, vi məza gəɗ su wəza, də san gən atəki məs nəsaw tamə. Ko naway dəgəɗ su wəza. Affu wa gakdakni.

Roma 15:14

Milmiŋgiɗwa in sən kiyu nəsənək lewlewi, kəbaŋgək də zəga mogon diiɗa, daga zəga naw sən pak kəbaŋgək kpe'ə, wakəɓapən wəsəɓ sən zukum bo.

Roma 15:30

Amma munokum milmiŋgiɗwa, əntatə kamokum də iyana Ɗəfdaya nam Zezu Krestu gəm də əŋgla məs Əmpəs adapsukum, məsok zukum də ina məzuli sən Maŋgəlva viwa.

1Korintus 14:20

Milmiŋgiɗwa kədaɗumoŋ va kirin muzliyeɗ ɓa. Aza wəza nokum na, məsoŋ məza də mambray azokum ɓa, va kirin muzliyeɗi. Amma adəv əɗum nokum na, məsoŋ va ɗii gugiriɗe.

1Korintus 2:6

Intatərban zəga sit ɗii na Maŋgəlva məs dəsoŋ ɗii gugiriɗ də Əmpəs na Maŋgəlva. Amma əsən nan na duniyaŋki ɓa, walla sembe net ɗii məzəmaŋ məlĩn məs məɗiyit ka dəzaŋ gənəŋki ɓa.

2Korintus 13:11

Yo milmiŋgəɗwa məsoŋ zam kana. Məsok zukum kəsoŋ gən də goŋga, mətaf wənnawəŋ də makrokum taka. Məsoŋ dəsler awalaŋ zukum də əsuwa neki. Asna Maŋgəlva məs dədapsukum əŋgla də əsuwa zam, wasan də munokum.

Galatiyen 1:10

An məs ɗii aŋglaŋ nəkay sa? Tay vas ɓa. An məs Maŋgəlva aŋgəl nədawkaya. Walla an nenek zit ɗii nəkay sa? Va vaski na nəsaw na balam na Krestu ɓa.

Galatiyen 4:19

Kirtu məmeɗeŋɗe kənanaŋ, nəzəmək saha aka batamkum va ɗak tədawzəm saha dawa, vi Krestu dəsan gən amokrokum.

Kolosi 1:22

Amma kakaŋ kana, Maŋgəlva sən kiyən azaɓanək wən nokum, də Wətəni, akpaŋgək ɗəffa, amtəka, vini kan kəkpaŋgaŋ ɗii nan təstəssə məza də mambray azokum ɓa.

Kolosi 1:28

Ndəni kan mədawpel wənna Krestu wəŋ sit ɗii pakə. Mənam tatəsakan sit wənnani, də wərban sit wənnan də zəga nawsən pak məs Maŋgəlva apsəmə, vi məziw giti gən aba Maŋgəlva ko naway pak va ɗəf metiŋgin adəv wəsap də Krestu.

Kolosi 1:29

Vini nədaɗɗa wəza də wəgay vini, də sembe məs Krestu avayə, ndəni də daɗɗa wəza nan amakrawa.

Kolosi 1:7

Səma Epafras kədapprəmən wənnani, məzəɗɗa wəza də mənamə, ɗəf təstəssi, məgəɗ wəza na Krestu vikum.

Kolosi 1:9

Vi wənnani kan mədakkaman Maŋgəlva, səza məpprəm labara nokum. Mənam tatəkkaman Maŋgəlva, dərban sukum gən wəŋgla nan pakə, dəpsukum gən maɗula naw sənən də Əmpəs nani.

Kolosi 4:9

Wambat də Onesimus, məlməm an nəŋgələ an də goŋga, ɗəf naka dələv nokumi. Wanah sukum wən annahəŋ pakə.

1Tesaloniki 5:23

Maŋgəlva məs dədapsəm zamə, ndən sən kiyən də ɗikum ɗii təstəssə, dəga sukum əmpəs nokum də ma genegenekum də gəɓa zukum pakə, məza də mambray ɓa ha gap pay naziya na Ɗəfdaya nam Zezu Krestu.

Filemon 1:23

Epafras məs na daŋgay də in vi Zezu Krestu asɗokuko,

Ibriɗe 5:14

Ɗii gugiriɗ agapaŋgək nawzəm way məsbəkən ɓələ, vi asərək gənənək ziti, asənənək uɗakan mogon də mbrayen.

Ibriɗe 5:7

Daga Zezu adawsan aka dəlva, azulik də wəkkaman Maŋgəlva də wəhəm dit sini, vi Maŋgəlva waɓap wəkoh gən səma əmta. Maŋgəlva bo apprəmək wəkkam nani vi tay ɓəsən də gakdakan zən ɓa.

Yakob 1:1

Ɗereweləŋka, in Zak nəvere, əntə məgəɗ wəza na Maŋgəlva də na Ɗəfdaya Zezu Krestu. Nəsɗetik ɗii na Maŋgəlva məs dətrayaŋ aka dələv pakə.

Yakob 1:4

Amma məzi zukum kəsoŋ gən ɓəlɓəl ha pay wəgrak nani, vi kəsoŋ gən təstəs məza də mambray azokum ɓa.

Yakob 5:16

Vi vaski mərban mambray nokum awalaŋ zukum aba Maŋgəlva, viyit ɗii nokum, vi kəmbəlaŋ gəni, wəkam na ɗəf təstəs tay də sembe naɗɗa zəga metiŋgini.

2Piyer 1:1

Letərəŋka səza Simoŋ Piyerri, balami ndəni masləŋ na Zezu Krestu. Azet ɗii məs dərəhaŋ wətaf an mogon vanamə. Də əŋgla na Maŋgəlva namə, gəm də Zezu Krestu kərəhəni.

Zuda 1:24

Maŋgəlva waɓap wəgukum səza zəga pakə, kəzaŋ na ki tive ɓa, wagəm mambray nokum pakə, wakpaŋgokum salala, wakəzoŋ wizu aban adəv gakdak nan də wanekən zukum diiɗa.