Kolosi 3:9 - Nouveau Testament en Guidar

⁹ Kədawaŋ tepelke sən zukum ɓa, vi kəsganənək wəsuwa nokum an laŋka də matuya nan pakə.

Bible en Guidar

⁹ Kədawaŋ wən sən zukum ɓa, vi kəggbukunək ɗəf məzvan də zəga naɗɗa nani.

Kolosi 3:9 ပူးပေါင်းရင်းမြစ်များ

Yohanna 8:44

Ibilisayi affukum, mokum aka wəɗɗa an məs affukum aŋgələ. Ndəni məbay gəbaya daga wətəŋ nani, dənah ɗaah goŋga ɓa, goŋga taya makran ɓa. An munokum tatə peleŋ hĩnyaw, zəga nan kəgəmaŋ, vi məwə hĩnyawi vi affən hĩnyawyi.

Roma 6:6

Məsənka, ɗəffan na dəvəm məsam dabəŋ dəndən na, amtək də Krestu aka wəlaŋga məzliwrihe, vi gəɓa zəm an də mambray dəzə gən kuɗupu, va wənah na an məs mambray aday kiyən, vi mədaw sam balemɗe na mambray əmpa ɓa.

Efesus 4:22

Vi wənnani, say muɗak də ɗəf məsvani, va wənah na wəza nokum məsvanəŋka. Va məs kəsoŋ lahəŋka, wəsim zəga məzu mbəɗanən ɗəffa də wəzzani.

Efesus 4:25

Vi vaski məppan uwa tepelke! Ko naway dəpel goŋga aza meggeni, vi gəɓa zəm taka mənan adəv Krestu.

Kolosi 3:8

Amma kakaŋ na say məppan wənnan pakə, wənna wəda gədəva wəsim zəga mbrayen. Wərra ɗəffa walla wəpel mbrayen adawgilyan sə mokum ɓa.

1Timote 1:10

Viyit məɗɗaŋ mana'a, dit məvunoŋ dit zel tusso, viyit məvəlaŋ balemɗe, dit məwaŋ tepelke, dit məsuwayaŋ də tepelke, dit məɗɗaŋ ko mi məs dəsap də goŋga ɓa.

Hənhən 21:27

Amma zəga an na ma henziŋ atoŋ na awalaŋ gəla nan ɓa, ɗəf məzəppan ki zən vi zəga mambray pak də məwə tepelke pak atoŋ na adak ɓa. Ɗii məs nawtoŋgoŋ adak na, say ɗii məs məver iya net adəv ɗerewel na zeŋgille nava Botol nak dədawtoŋgoŋ awalaŋ gəla nani.

Hənhən 21:8

Amma ɗii mədekti məɓoŋti, məɗɗaŋ zəga an na henziŋ, may məbayaŋ ɗiiyi, məɗɗaŋ mana'a, məɗɗaŋ sokene, məzuliyaŋ sənən tuya, məwaŋ tepelke pakə, net təki net na, ndəni pe'e məs offo adawzla adak va muhurən, ndəni kan əmta an ma sula'ən.

Hənhən 22:15

Amma məɗɗaŋ ɗarɗarə, dit məɗɗaŋ sokene na tuya, dit məɗɗaŋ mana'a, dit məbayaŋ gəbaya, dit məzuliyaŋ sənən tuya, dit məŋglaŋ tepelke dit məwaŋ tepelke, dewle net wasoŋ amapoho na walaŋ gəla nani.