Kolosi 3:8 - Nouveau Testament en Guidar

⁸ Amma kakaŋ na say məppan wənnan pakə, wənna wəda gədəva wəsim zəga mbrayen. Wərra ɗəffa walla wəpel mbrayen adawgilyan sə mokum ɓa.

Bible en Guidar

⁸ Ya kakaŋ na, nokum van məppet zəgeɗiŋ pakə, ədagədəva, herɗe, əɗɗa daraw, ərma mama, wən net wil adawgilyen səmokum ɓa.

Kolosi 3:8 ပူးပေါင်းရင်းမြစ်များ

Matiye 5:22

Amma naw əntatə nah sukum: Ko naway məs gədəvən adawda aka məlməni, kaw kani aba arkali. Ko naway dənahsən məlmən na: Zəga ɗəɗar kənani, kawkani aba kita net ɗii gugiriɗ na dəlva. Ko naway dənahsən məlmən na: Məzok kənani, agapək na gulun aka offo an metiŋgini.

Markus 7:22

Wəɗɗa mana'a, də wəsim zəga, mambraya, tepelkeɗi, wəŋgla mbrayen, kotoroku, wəra ɗəffa, wəɓay gən ki zuko, də dərwa.

Roma 13:13

Say məgəɗ səm wəza məs dəslə azamə, vi ɗii na kapay mənani, məga səm zəm səza wəsmay mbrayen də wəbay na mbazla, də wəɗɗa polkoyo, də ɗarɗarə, də zəga mbrayen pakə, məppan səm wəgaya də kotoroku.

1Korintus 3:3

Vi ədaw nokum tay va net ɗii na duniya. Adan kotorok də əgay taya waloŋkum, vasna kərbanənək zukum na, ɗii na duniya kənanaŋ ɓa sa? Yo ədaw nokum bo ana gəɓa zə ɗəf aŋgəlli.

2Korintus 12:20

Geslne duwəka, pay nədadaw annokumda, nərəh kum na aka tive nan va nəŋgəl ɓa, nokum bo kərəh wənna va kəŋglaŋ ɓa. Geslne duwəka, pay nəda zaw annokumda na: Wanərah wəgaya də kotoroku də wəda gədəva də əlpa də əpel mbrayen də tepelke, də wəgadakan zə ɗəffa də ɗarɗar pak awaloŋkum.

Galatiyen 5:15

An menokum tatə zelin zukum, menokum tatə weharan zukum, wəzəm zukum va zigeɗ nawra. Məzi zukum vi kəɗasɗəkən zukum ɓa.

Galatiyen 5:20

wəsban matuya, təffiya, wəzele, wəgaya, kotoroku, wəda gədəva, wərma mama, purufpurufu, wəsil gən wənna,

Galatiyen 5:26

Kədampaŋ sənən zukum ɓa, wədda gədəva də kotoroku adaw san ɗaah awaloŋkum ɓa.

Efesus 4:22

Vi wənnani, say muɗak də ɗəf məsvani, va wənah na wəza nokum məsvanəŋka. Va məs kəsoŋ lahəŋka, wəsim zəga məzu mbəɗanən ɗəffa də wəzzani.

Efesus 4:25

Vi vaski məppan uwa tepelke! Ko naway dəpel goŋga aza meggeni, vi gəɓa zəm taka mənan adəv Krestu.

Efesus 4:26

An gədəvkum adəka, məzi zukum azani, kədaɗɗaŋ mambray ɓa, pay ada təpa aka wəda gədəv nokum ɓa.

Efesus 4:29

Əpel mbrayen adaw gilyen səmokum ɓa, məpel ana tər wəraya də an məs na baah siti naɓay git adəv ətaf neti, dəpsit gən mbəlembəle sit ɗii məs dəpprəmən mokum.

Efesus 5:4

Vaski bo wənna willi wənna ɗarɗarə də an darnyaw tay lew ɓa, amma ɗəɗaah wəɗɗa soko sen Maŋgəlva də mokum,

Kolosi 3:5

Say məbay dambər gən wəsim zəga məs dəmbər azokum, wəɗɗa ɗarɗarə, wəɗɗa mbrayen, də wəɗɗa mana'a, də wəkay zəga mbrayen gəm wəsim zəga (zəga takayi də wəŋgla na zəga də na zuli sən matuya.)

Kolosi 3:9

Kədawaŋ tepelke sən zukum ɓa, vi kəsganənək wəsuwa nokum an laŋka də matuya nan pakə.

1Timote 1:13

Lahəŋ na, nəpelik mbrayen akani, nəzəm gitik saha net ɗii nani, nərretike. Amma Maŋgəlva awələk saha akawa, vi əntat də wətaf ɓa, nəsən gabba məs nədaɗɗa ɓa.

1Timote 1:20

Himeneyus də Aleksandər tahəŋ arteti, nəppetik ava Satan vi dəziyən gən ziti dəppanən gən wəpel mbrayen aka Maŋgəlva.

Ibriɗe 12:1

Mənam tat dit ɗii məɗɗaŋ saydawa nam diiɗa, wənnet atuwəɗək kiyəm va ernene. Vini kana, say məsgan səm zəga məs dədawsan gədak azam pakə, say məsgan səm zəga naw sla na mambraya, məs dədawsap azam də gambara nani. Say məgrak səm wənzuwa nam naway nawgap dabəŋ di.

Yakob 2:7

Ndəɗaŋgəŋ məzu ray gənən iya mogon məs Maŋgəlva apsukuməŋka.

1Piyer 2:1

Vi vaski məppan mambray sə makrokum pakə, məppan uwa tepelke, də prufprufu, kədaɗɗaŋ kotorok ɓa, kədaraŋ ɗəf ɓa.

2Piyer 2:18

Tahəŋ wəpeleŋ wənnaɗi kizit ɗarə. Tahəŋ wəɗɗaŋ wəza də wəsim zəga na gəɓa zit də mambraya, vi karme ɗii məs dəgilyoŋ səzet ɗii məɗɗaŋ mambraya.

2Piyer 2:7

Akoh gənək Ludu, ɗəf mogoni. Pay na Ludu, ɗii məs mambrayɗe azəm gənənək saha də əsuwa net mbrayni.

Zuda 1:13

Tahəŋ də sembe va vovolumɗe a pe'e meteŋgini, wəza mambray net arbanək zən va oŋgofoko. Tahəŋ va ngərzleɗ məzeti, Maŋgəlva azaɓan sitik təki net ara guzli titire. Agulyoŋ na sədak ɓa ha faɗə.

Zuda 1:8

Vaski bo, ɗii məs dətoŋgoŋ awaloŋkum neki tahəŋ dit wəsineɗ məzu kenin wəɗɗa mambray də gəɓa ziti, tahəŋ əvərenin sembe na Maŋgəlva, tahəŋ əretin ɗii məs də gakdak sə disiŋ.

Hənhən 16:9

Ɗii azlaŋgək də kakaah na offo nan sawɓa, vi adaw ranən iya na Maŋgəlva an məs də sembe, aket bonoyɗe neti, amma dəŋgereŋ də tubiyaŋ sənən gən vi mambray net ɓa, də gakdakanən ɓa bo.