Kolosi 3:5 - Nouveau Testament en Guidar

⁵ Say məbay dambər gən wəsim zəga məs dəmbər azokum, wəɗɗa ɗarɗarə, wəɗɗa mbrayen, də wəɗɗa mana'a, də wəkay zəga mbrayen gəm wəsim zəga (zəga takayi də wəŋgla na zəga də na zuli sən matuya.)

Bible en Guidar

⁵ Məbay zəgeɗ negge naddəv gəɓa zukum, polkoyo, mbərayən, mãy na zəga diyɗa diyɗa, əŋgla mbərayən gəm mamayã net deleɗi (mamayã net deleɗ van məstaka yi də əzban zəgakamaŋgəlva.)

Kolosi 3:5 ပူးပေါင်းရင်းမြစ်များ

Matiye 15:19

Vi sə makra ɗəffi, wəɗum mbreyit adawgilyoŋ, tahəŋ wəmbəɗanən dəbay gən gəbaya, dəgəɗ gən mana'a ɗarɗarə wəhala, uwa wənna wəpel mbrayen azet ɗiiyi.

Roma 1:26

Vini Maŋgəlva apet adəv wəsim zəga na wil netiŋka. Gil net bo, akpaŋganənək wəvoŋ an dəslə, də an məs dəslə aza ɗəf ɓa.

Roma 1:29

Tahəŋ wətafən wən naɗɗa wəza mambray ko muwandi pak pay pakə, aknəhaŋgək də wəsim zəga temtemi, də wəɗɗa zəga nzeɗi də kotoroku, tay bayaŋ gəbaya, tay gayaŋ dit ɗiiyi, məɗɗaŋ vuruməŋ də uwa tepelke.

Roma 6:13

Kədapanən mambray dəɗɗe gin zigeɗ naza zukum ɓa, ka zigeɗ naɗɗa wəza na mambray ɓa. Amma məpsən zukum sən Maŋgəlva dərəŋ, vi kəgulyoŋguk səza əmta, kətoŋgoŋguk atəki nawkoho. Məppan Maŋgəlva dəgəɗ wəza dit zigeɗ naza gəɓa zukum, va zigeɗ naɗɗa wəza an təstəssə.

Roma 6:6

Məsənka, ɗəffan na dəvəm məsam dabəŋ dəndən na, amtək də Krestu aka wəlaŋga məzliwrihe, vi gəɓa zəm an də mambray dəzə gən kuɗupu, va wənah na an məs mambray aday kiyən, vi mədaw sam balemɗe na mambray əmpa ɓa.

Roma 7:23

Ma henziŋ nan tay gay də ma henziŋ an maɗulaw aŋgələ, yaŋ kan akpaŋgaw balam na mambraya, yaŋ kan ma henziŋ na mambray aska wəlla gəɓa zuwa.

Roma 7:5

Gala mədasban wəɗum na gəɓa zəmə, əsim zəga adayək ki zəmə, agulmək adəv mambraya. Ma henziŋ asil gənək əsim zəga azamə, yaŋ mədaɗɗa an naw kisəm əmta.

Roma 8:13

An kəsbanənək əŋgla na gəɓa zukum, wakəmtaŋ. Amma an kəpprəmənək ma Əmpəs na Maŋgəlva ka dəbay gən əŋgla na gəɓa zukum, asna wakəsoŋ madarokum.

1Korintus 5:1

Nəpprəmək na wənna mana'a tayawalaŋ kum, wənna mana'a nan ko aweleŋgit ɗii məs dəsənən Maŋgəlva ɓa zlaŋ dayday tay vas ɓa. Ha gap ɗəf əgəmət ga affən əvoŋ dənta.

1Korintus 6:11

Ɗii suwalaŋkum bo, tayəɗɗaŋ veneti. Amma ya nokum na, mbrayen nokum məviyani, məwel kumi, kəsoŋ gən kana Maŋgəlva, məkpaŋgo kumi də iya na Ɗəfdaya nam Zezu Krestu, gəm də Əmpəs na Maŋgəlva.

1Korintus 6:13

Munokum tatə nahaŋ na: Gədəv ɗəffa, tay vi waya, way bo tay vi gədəv ɗəffa, vaski, ya Maŋgəlva wazet sulegit pakə. Amma na gəɓa zə ɗəf na tay vi mana'a ɓa, say vi Ɗəfdaya, Ɗəfdaya bo vi gəɓa zə ɗəffa.

1Korintus 6:18

Məzar səza wəɗɗa mana'a. Mambray məs ɗəf adaɗɗa pakə, appaka na gəba zəɗəffi, amma ɗəf məgəɗ mana'a mbrayen adaɗɗa ka kiyən.

2Korintus 12:21

An nədek annokumda əmpa na, nəŋgəl Maŋgəlva naw dəgəsgəwə gən ɓa, ka nəhəm gən viyit ɗii diiɗa məɗɗaŋ mambraya, ya də tubiyaŋ ɓa, dəppanən wəɗɗa zəga daryaw ɓa, də wəɗɗa mana'a də ɗarɗarə.

Galatiyen 5:24

Ɗiiyen də Krestu akpa'ənək gəɓa zit də wəsim zəga neti.

Efesus 4:19

Armanən zit səza zəga ɓa, appanənək zit sən zəga net willi də mambray pakə, asbanənək wəsim zəga neti.

Kolosi 2:11

Də əsap dəni mərəh zev wəskəl awra maɓɓani. Amma wəskəl awra nan də wərəŋ gən gəɓa zə ɗəffi ɓa, amma wəskəl awra məs dəde səza Krestu. Wəskəl awra nan tay va wəskoɓ mambray məs də sembe aka gəɓa zukum.

1Tesaloniki 4:3

An məs Maŋgəlva aŋgəl na: Ndəni wəsuwa salala*, də wəppan wəɗɗa mana'a.

1Tesaloniki 4:5

Məza də wəɗum mbrayen vanet ɗii məza dəsənən Maŋgəlva ɓa adaɗɗaŋ ɓa.

1Timote 6:10

Vi wisim deleɗi, ndəni slalway mambray pakə. Ɗii meɓɓet asiminik sawɓa, ha amzləhaŋgək ki wətaf neti, akiyənək wəzəm saha diiɗa aka ziti.

Ibriɗe 12:16

Məzi zukum, vi ɗəf səmbokum adawza vana Isuwa ɓa. Vi suwa dəpprəm ma Maŋgəlva ɓa, avələk daya nan məs adawzəm gəla na affən dəndən, vi kawrəh zəga nawzəm təl taka kaaka'ə.

Ibriɗe 13:4

Say ɗii pak də gakdakanən wənna kay gulku, ɗii məs dit gil səkay walla gil namba zile, adaɗɗaŋ mana'a ɓa. Maŋgəlva wataw kita aket məɗɗaŋ ɗarɗar dit məɗɗaŋ mana'a.

Ibriɗe 13:5

Kədaw simin deleɗ ɓa, amma say məneken zukum də zəga na vokum. Vi Maŋgəlva anahək na: Nəpok na ɓa, nəsgok na ɓa samə.

Yakob 4:1

Səŋgay wəzlba də wəgay ade awalaŋkum di? Səza wəsim zəga nokum məs dədawgay amakrokum məza aw ɓəta ɓa ade.

1Piyer 2:11

Bayneŋgiɗu na makrawa, melekeɗ kənanaŋ aka dəlvəŋka. Vi ni nəda komokum kədapaŋ tive sən əsim zəga na gəɓa zə ɗəf ɓa, vi tay kay tive pay pak kaw zan zeŋgillekum.

Hənhən 21:8

Amma ɗii mədekti məɓoŋti, məɗɗaŋ zəga an na henziŋ, may məbayaŋ ɗiiyi, məɗɗaŋ mana'a, məɗɗaŋ sokene, məzuliyaŋ sənən tuya, məwaŋ tepelke pakə, net təki net na, ndəni pe'e məs offo adawzla adak va muhurən, ndəni kan əmta an ma sula'ən.

Hənhən 22:15

Amma məɗɗaŋ ɗarɗarə, dit məɗɗaŋ sokene na tuya, dit məɗɗaŋ mana'a, dit məbayaŋ gəbaya, dit məzuliyaŋ sənən tuya, dit məŋglaŋ tepelke dit məwaŋ tepelke, dewle net wasoŋ amapoho na walaŋ gəla nani.