Kolosi 3:1 - Nouveau Testament en Guidar

¹ Kəsilyoŋguk sətəki əmta də Krestu, kərəhaŋgək zeŋgille meleketeni. Vi wənnani məsok zukum məɗi wəɗum nokum aka zəga an na disiŋ, atəki Krestu asan aka va dəzən na Maŋgəlva.

Bible en Guidar

¹ Adan kan məsilgukumi səka əmta də Kristu, vi vaski məkeyet zəgeɗ en na disiŋ, a təki Kristu asan aka va dəzəŋ na Maŋgəlva.

Kolosi 3:1 ပူးပေါင်းရင်းမြစ်များ

Matiye 22:44

Ɗəfdaya anahsən Ɗəfdaya naw na: Asok aka va dəzəŋ nawa, nəvoŋgiti gən məzuzelkun amba tulko.

Matiye 26:64

Zezu apsəna: Vaski. Amma wanənah sukum abeŋka akulanən Wətən Ɗəf* dawsan aka va dəzəŋ na Maŋgəlva məs də gakdaka, akulanən daw mə'a aka slay buwən a disiŋ.

Matiye 6:20

Amma məzaɓan arya nokum a disiŋ, adaka məsuk-sləma də təki zazay aɓap na kawray gən ɓa, mahelɗe bo aɓapnənna wəhalən ɓa'a.

Matiye 6:33

Məgaysən məlĩ na Maŋgəlva dabəŋ də əŋgla nani, asna wapsukum an dəmbər pakə. Kədawkayaŋ vi pumpum ɓa, vi pumpum wasən kini, tattuwãh an də dazan pay pak məkki sən pay nani.

Markus 12:36

Yaŋ Davit sən kiyən anahək də Əmpəs Salala* na: Ɗəfdaya anahsən Ɗəfdaya naw na: Asok aka va dəzəŋ nawa, nəvoŋgitigən məzuzelkun amba tulko.

Markus 14:62

Zezu amna əntə, nokum bo wakulanən Wətən Ɗəf* dawsan aka va dəzəŋ na Maŋgəlva, məs dəsən zəga pakə, wakulanən dazan aka slay buwən a disiŋ.

Markus 16:19

[Dərɓaga Zezu agrak wəpel sit vaska, Ɗəfdaya azlahək a disiŋ asanək aka va dəzəŋ na Maŋgəlva.

Luka 12:33

Məvəl zəga nokum, məpsit məzurayɗe, mərmah gabelɗe net deleɗ məza agrakaŋ ɓa, arya məza awray ɓa disiŋ. Vi adaka məhala arəh na ɓa, məsuk sləma bo aray gən na ɓa.

Luka 20:42

Vi Davit sən kiyən anahək adəv gəlya nan na: Ɗəfdaya anahsən Ɗəfdaya naw na: Asok aka va dəzəŋ nawa,

Luka 22:69

Abeŋka Wətən Ɗəf* wasan aka va dəzəŋ na Maŋgəlva məs də sembe.

Wəza net Masləŋɗe 2:34

Vi Davit sən kiyən dəpeŋ a disiŋ ɓa, amma amna: Ɗəfdaya, anahsən Ɗəfdaya naw na: Asok aka vaw dəzəŋ,

Wəza net Masləŋɗe 7:55

Amma Etiyen ɗəf məs dəknah də Əmpəs Salalayi, aziyək haran a disiŋ, awlak gakdak na Maŋgəlva, awlak Zezu bo tay ziwwe aka va dəzəŋ na Maŋgəlva.

Roma 8:34

Ɗəf tay naw ɓap uwiliyit ɓa. Vi Krestu amtək viti. An dəday ki askəmpa na, asilik səkəti əmta, tay tuŋgo akava dəzəŋ na Maŋgəlva, tay kaman Maŋgəlva vimə.

Roma 8:6

Ɗəf məs dəsban əŋgla na zəni, wamtə, amma ɗəf məs dəsban Əmpəs na Maŋgəlva, nan warah zeŋgille nasuwa ha faɗ də zamə.

2Korintus 4:18

Məzi na haram aka zəga məs nawla də haram ɓa. Amma say aka zəga məs awla də hara ɗəf ɓa. Vi zəga məs nawla, asana faɗ ɓa, amma zəga məs awla ɓa, ndən dədawsan ha faɗə.

Efesus 4:10

Ndəni də priki ndəni dəpeŋ a disiŋ faraɗa vi kaknahan zəga pakə.

Efesus 5:22

Gili məɗi kiyit zilŋgiɗkum ndəni dədarbanna kəpprəmənək ma Ɗəfdaya.

Kolosi 2:20

Kəmtaŋgək də Krestu, vi wənnani wən nokum tay dit sembeɗi maay əmpəsɗe na disiŋ ɓa, vi mi kədaɗɗaŋ zəga va ɗii na duniya əmpa di? Vi mi kədasbetin wənnet dawkeɗ zemvit es kəmpa di?

Kolosi 3:2

Məɗum aka zəga ana dak pay pakə, məza aka zəga na duniya ɓa.

Ibriɗe 1:13

Maŋgəlva dənah sən ɗaah maslay na: Asok aka vaw dəzəŋ, nəvoŋgiti gən məzuzel kun ka təki naw ɗi tulko ɓa.

Ibriɗe 1:3

Wətən Maŋgəlva* tayərban təki babar na gakdak na Maŋgəlva, agilik va Maŋgəlva, tayərma dəlva də wəpel nan məs də sembe. Dərɓaga askoɓ mambray net ɗii nani, asanək a disiŋ dəka van dəzəŋ na Maŋgəlva məs də gakdak pakə.

Ibriɗe 10:12

Krestu aɗɗak sazlaga təl taka vi mambray məki ha faɗə. Dərɓaga as kana ndəni asan aka va dəzəŋ na Maŋgəlva.

Ibriɗe 12:2

Say wəzi səm haram aka Zezu, vi anani məsənə, ndəni dətəŋ wənna wətaf nam amakramə, dədaw daw də mənamə ha pay wəgrak nani. Aɓəsək bonoy məs məbayən dəbay də wəlawən aka wəlaŋga məzliwrihe, wil də danən də zev əmta vas ɓa, vi wənnek məs məzaɓan səni. Kakaŋ na tay tuŋgo aka mazaŋga na məlĩ nan aka va dəzəŋ na Maŋgəlva.

Ibriɗe 8:1

Aŋki kan kotak na wənəŋ pakə: Mənam tat də məs dələv metiŋgin net məs dəlveŋge, məs dədawsan aka mazaŋga na məlĩ dəka va dəzəŋ na Maŋgəlva, ana disiŋ məs də sembe dəday pakə.

1Piyer 3:22

Nan ateŋgik a disiŋ tayaka va dəzəŋ na Maŋgəlva, tay zəm məlĩ aket maslayɗe də aket gakdekɗe, dit sembeɗ na disiŋ.