Kolosi 2:9 - Nouveau Testament en Guidar

⁹ An məs naza Maŋgəlva pak tay grak pak aza Krestu.

Bible en Guidar

⁹ Vi addəv gəɓa zə Kristu gərak na Maŋgəlva asani.

Kolosi 2:9 ပူးပေါင်းရင်းမြစ်များ

Matiye 1:23

Waŋ mgbuɓɓo watəɗi daway watə wə wina, kawyani na Immanuyel, va wənah na: Maŋgəlva tay də mənamə.

Luka 14:22

Gawla asilke ambatka amilke, amna: Ɗəfdaya an məs kəɗi su wənnan nak agəɗka, amma təki apəlkəmpa'e.

Luka 3:22

Əmpəs na Maŋgəlva aprikik akan də gəba zən va mukuɗuŋgulo. Wəpel adek sə disiŋ, amna: Əstə Wətu an na makrawa, əntatə neken zu di'is sawɓa.

Yohanna 1:14

Wəpel nak akpaŋgək ɗəffa məs də gəɓa zəni, asanək awalaŋgəmə. Mulak gakdak nani, ndəni gakdak va Wətən məs taka arah aza Affəni. Dəndəni Maŋgəlva arban mbəlembəle nani də gegesiŋ nan pakə.

Yohanna 1:16

Mənam pak mərahək haran nam səzet aryeɗ nani, mərahək zəzay aka zəzaya.

Yohanna 10:30

Ina gəm Affən taka mənanni.

Yohanna 10:38

Amma an wəzeɗe na Affuwəŋ, gesiŋ, ko kətafwən anaw ɓa, mətaf wəzeɗe naw van dayday kana, vi kəsəŋgən gən na Affu taya dəffuwa, naw van bo əntat adəv Affəni!

Yohanna 14:20

An pay nan adeke, wakəsənən na ina də Affu taka mənani, nokum bo taka kənanaŋ də ina.

Yohanna 17:21

Intatə komoko vi ndəɗaŋ pak dəsoŋ gən taka. Aw Affuwa, dəsoŋ gən məslerit də mənamə, va nok kəsler də ina, naw bo nəsler də isi. Dəsoŋ gən taka, vi duniya dətaf gən na əstə kəslənwa.

Yohanna 2:21

Amma nan aslak zən də gəla metiŋ naw zuliya.

Wəza net Masləŋɗe 17:29

Adan məkpaŋgək kirtini, məda ɗum na Maŋgəlva agilik va fotoɗe məs ɗii adaɗɗaŋ də maɗulet də meleŋge də təbəs net deleɗ ɓa, walla də gərəm məkkahən ɓa.

2Korintus 5:19

An məs Krestu agəɗə, nan akpaŋgək wəza na Maŋgəlva. Maseŋgiɗin nek akpaŋgetik ka bayneŋgiɗin, aŋɗan na mambray net əmpa ɓa. Apan səmək wənnarban labara nan ko aŋga pakə.

Kolosi 1:19

Vi Maŋgəlva aŋgələk kpak nan dəsan gən adəv Wətən grakə. Də sembe nan pakə.

1Timote 3:16

Gesiŋ aŋki məɗama na wən nəŋka, ndəni metiŋgini annan mədasba: Krestu arbanək zən va ɗəffa, Əmpəs arbanək wən akan na, askak wəlla zəga pakə. Maslayɗe awlanənka. Mərbani labara nan aweleŋgit ɗii məza Yahudiyenɗeŋ ɓa. Ɗii na duniya atafənka, Maŋgəlva aslanək a disiŋ adəv gakdak an dəday pakə.

Titus 2:13

Mənam tatə ga an mədaɗum akani, tay də nenek akan də wərban akdak na, Maŋgəlva metiŋgini, də məzukohgəm Zezu kertu.

1Yohanna 5:20

Məsənka Wətən Maŋgəlva* adeke, apsəmək maɗula, vi məsən gən Maŋgəlva an gesiŋ. Mərahək wəsap də Maŋgəlva an gesiŋ də Wətən Zezu Krestu, ndəni Maŋgəlva an gesiŋ ndəni də zeŋgille nasuwa ha faɗə.

1Yohanna 5:7

Vi məɗɗaŋ saydawa tahəŋ hoku.