Kolosi 2:8 - Nouveau Testament en Guidar

⁸ Məzi zukum ɗəf adaw mbəɗokum də zəga nawsən nan diiɗa ɓa, walla də zəga an narban ɗar mekeleŋ məs dəde səza wəɗum net ɗii kaaka ɓa'a. Zəga nani ndəni wəsən məs adawnəhaŋ na, wəsən aka wənna sembeɗ na disiŋ, aka wənna Krestuwi ɓa.

Bible en Guidar

⁸ Məzi zukum ɗəf adawmbəɗokum də zəga nawsən nan diyɗa gəm də zəga narba ɗar mekeleŋ məs dəde səza əɗɗum net ɗiyi, dəziw aka əsən dəde səgge, məza səza Kristu ɓa ɓa.

Kolosi 2:8 ပူးပေါင်းရင်းမြစ်များ

Matiye 10:17

Amma məga zukum, vi wakukumən aba kita wavərkumən adəv gəla nawpel wənneti.

Matiye 16:6

Zezu anah sit na: Məzi zukum aza wuɗo net Farisiyenɗe dit Sadusiyenɗe.

Matiye 7:15

Məzi zukum azet məs kleŋɗe məwaŋ wənna, tahəŋ wəzoŋ azokum va timeŋgiɗi, amma mekret na kirɗe munyaŋ.

Wəza net Masləŋɗe 17:18

Ɗii məzərbaŋ zəga sit ɗii məs adawyaŋ na Epikuriyenɗe dit Sitoykoyenɗe bo, abayaŋgək ma dəndən. Ɗii meɓɓet aɓɗaŋ na: Mi məs wənnəŋ adaŋgla wənah di? Ɗii meɓɓet aɓɗaŋ na: Kuzuŋ matuya maɓɓan adaŋgla wərban soko. Adawnahaŋ vas na vi Pol adawnah wənna Zezu də wənna əsilyo net ɗii mimtiti.

Wəza net Masləŋɗe 17:32

Adan apprəmən Pol adawpel wənna əsilyo sətəki əmta, ɗii meɓɓet amasaŋgək akani, amma ɗii meɓɓet apsənən na: Mamaka kəpelsəm gən wənnan pay maɓɓan əmpa.

Roma 16:17

Amma əntatə kamokum milmiŋgiɗwa, məzi zukum azet ɗii məziweŋ aka wən nawɗeket ɗiiyi naw zet ɗii məs dətafaŋ, məzu zelin zəga məs kəyaganən kəsənaŋ. Məsla zukum səzet ɗii net faraɗa.

1Korintus 10:12

Vini, məga zukum. Ɗəf dəɗum na tay ziwe, say dəzi zəni adasɓər ɓa.

1Korintus 8:9

Amma məzi zukum, vi kikum məs kərəhaŋgəŋ adawtoŋgit ɗii meɓɓet adəv mambray ɓa.

2Korintus 10:5

Mənam tatəbzlu an məs ɗii ada gakdakanən zit dəndən mba gən əsən ana Maŋgəlva. Mənam tatə kpaŋgan əɗum net də əsgan a daŋgay, vi dəsbanən gən Krestu.

Galatiyen 1:14

Əntat əsban wənnet; də ma henziŋ neti, də dawka net dəhiŋgiɗwa nəsokukzu azani, nədayək kiyit geleŋgiɗu əlfiŋgiɗu pakə.

Galatiyen 4:3

Vaski nam vani, daga məsam məmeɗeŋɗe, balemɗe na wəsən na əmpəs na duniya mənani.

Galatiyen 4:9

Amma kakaŋ adan kəsənən Maŋgəlva, ɗəɗaah wənnəh na, Maŋgəlva asənkuməko, mbari əmpa kəmilyoŋ azet maŋgəlveɗ mədekit məs məvirit ɗerin di? Mokum aka wə milyoŋ kakaŋ adəv balam net əmpa sa?

Galatiyen 5:15

An menokum tatə zelin zukum, menokum tatə weharan zukum, wəzəm zukum va zigeɗ nawra. Məzi zukum vi kəɗasɗəkən zukum ɓa.

Efesus 2:2

Kəsbanənək tive na duniya mbrayenəŋka, kəsbanənək məlĩ net əmpəsɗe na disiŋ akawalaŋ disiŋ də dəlva fuŋ, ko kakaŋka əmpəs nan tay zəm məlĩ aket ɗii məs apprəmən ma Maŋgəlva.

Efesus 4:20

Amma nokum vaski kəyaganən aza Krestu ɓa.

Efesus 5:6

Kədaw ngereŋ ɗəf dəmbəɗokum gən də ɗarɗar ɓa, vi wənnəska wəda gədəv na Maŋgəlva tayəzan aket ɗii məɓoŋgit aka Maŋgəlva.

Filipi 3:2

Məzi zukum azet kirɗe, məzi zukum azet məɗɗaŋ mambraya, məzi zukum azet məzu tawən zəga neti.

Kolosi 2:18

Kədapetin ɗii wəkiyən mokum də wənna zuli sit maslayɗe də wəɓe gən kizit na mataktaka ɓa, vi ɗii net wənna issine asbaŋ məs arəhaŋ, yaŋ ada gakdakanən zit də tive na wəɗum na ɗəffa, də wən məs goŋgay ɓa.

Kolosi 2:20

Kəmtaŋgək də Krestu, vi wənnani wən nokum tay dit sembeɗi maay əmpəsɗe na disiŋ ɓa, vi mi kədaɗɗaŋ zəga va ɗii na duniya əmpa di? Vi mi kədasbetin wənnet dawkeɗ zemvit es kəmpa di?

Kolosi 2:22

Zəga nan bo dawkeɗiŋ ɗar mekeleŋ, də zəga nawsən net ɗiiyi, Maŋgəlva aɗɗa zigeɗis na ka ɗii dəɗɗaŋ gən wəza dənɗaŋgi.

Kolosi 2:23

Gesiŋ an ɗəf tayula dawkeɗ net va wən tektekki, də wətaf wənnani, asna wagəɗ dewle sən zəni wəzuli sit sembeɗ net maslayɗe na disiŋ neki, wagəɗ wəza va məzəpprəm ma, də wəsga' sən zən də gagay. Wənnəs pak atər na wəray nawbay wənna wəsim zəga ɓa.

1Timote 6:20

Timote, arma wən məs nəpel sukəŋka. Azar səza wən məs ɗar mekeleŋ də wəbay ma net dərweŋge. Də an ɗii adawnahaŋ na ndəni wəsən an də goŋga.

2Timote 3:13

Amma məɗɗaŋ wəza mambraya, məs vurmɗe wambataŋ abe abe pay pak də mambray neti, wambəɗetin ɗii meɓɓeti, wambəɗanən zit tusso.

Ibriɗe 13:9

Kədapetin ɗii dəzokumən gən səka tive na goŋga də zəga nawsən temtem məs dəde sə ma poho ɓa. Mogoni an zeŋgillem arahək sembe adəv mbəlembəle na Maŋgəlva məza də wəsban ma henziŋ net ɗii aka zəga nawzəm ɓa. Ɗii məzəsbanən ma henziŋ nani, dərəhən wətər wəray nan ɓa.

Ibriɗe 3:12

Milmiŋgiɗwa məzi zukum, vi ko ɗəf taka səmbokum adawsan də makran mbrayen məza də wətaf ɓa, kapan Maŋgəlva məs də Zeŋgille ɓa.

1Piyer 1:18

Kəsənənka, dəzəga na sləma məmokum, vi kədasoŋ məza də wəɗum naga zəga ɓa va net dəhiŋgiɗkum ɓa. Zəga məs məmokuməŋka, amndan na dirɓe ɓa, va təbəs net deleɗ adamndan dirɓe ɓa may va təbəs na meleŋge ɓa.

2Piyer 3:17

Amma munokum bayneŋgiɗwa, kəsənənək wənnan dabəŋ. Məzi zukum, vi ɗii məs aɓe'eŋ sənən Maŋgəlva ɓeŋ adawtoŋ gukumən adəv mambray net kapan wədaw nokum də sembe mogonəŋ ɓa.

2Yohanna 1:8

Məzi zukum vi kədaw zanən wətər wəray na wəza nam vikum ɓa, amma kərəhaŋ gən riba nan pak məs Maŋgəlva aɗi vikum.