Kolosi 2:2 - Nouveau Testament en Guidar

² Nədawgay vasna kəsoŋ gən ɓəlɓələ də wəsap adəv wəŋgla, kəkpaŋgaŋ gən ɗii məziweŋ aka goŋga pakə, dəsənən gən wən məɗama na Maŋgəlva ndəni Krestu.

Bible en Guidar

² Vi kasɓan mekreti, dəssoŋgən məslerit addəv əŋgla, məknihit də ərəh na əsən an gegesiŋ, dəsənəngən wən məɗama na Maŋgəlva ana Kristu.

Kolosi 2:2 ပူးပေါင်းရင်းမြစ်များ

Matiye 11:25

Pay nani Zezu amna: Aw Affən Daya na disiŋ də dəlva fuŋ, soko azoko vi karban sitik kirin muzliyeɗ an məs kəɗaman azet məsənaŋ zəga dit məzapprəmaŋ.

Matiye 11:27

Affu apan suwək zigeɗ pak a vawa. Ɗəf tay dəsən Wətən ɓa say Affən, ɗəf tay dəsən Affən ɓa say Wətəni, gəm an Wətən aŋgəl wərban pakə.

Matiye 13:11

Azlan sitik na: Munokum kərəhaŋgək wəsən wən məɗama na məlĩ na Maŋgəlva, amma neti dərəhaŋ ɓa.

Luka 1:1

Ɗəf gakdak Tewfilu: Ɗii diiɗa agayaŋgək wəver zigeɗ məs dəɗaŋ awalaŋgmə.

Yohanna 10:30

Ina gəm Affən taka mənanni.

Yohanna 10:38

Amma an wəzeɗe na Affuwəŋ, gesiŋ, ko kətafwən anaw ɓa, mətaf wəzeɗe naw van dayday kana, vi kəsəŋgən gən na Affu taya dəffuwa, naw van bo əntat adəv Affəni!

Yohanna 16:15

Zəga na Affu pak nawi. Vini nənah na: Əmpəs wanah sukum an məs apprəm səmawa.

Yohanna 17:3

Aŋki zeŋgille məza agrak ɓa, asənkunko istə Maŋgəlva taka təstəssə, asənənək Zezu Krestuwi masləŋ noko.

Yohanna 5:17

Amma azlanək na: Affu tay ɗa wəza ha faɗə, naw bo say nəgəɗ gəni.

Yohanna 5:23

vi ɗii dəgakdakanən gən Wətən va ada gakdakanən Affən məs dəsləna, ɗəf məs aw gakdakan Wətən ɓa, agakdakan na Affən məs dəslən ɓa.

Yohanna 6:69

Kakaŋ mətafəka, məsənkuko, əstə Salala* məs dəde səza Maŋgəlva.

Wəza net Masləŋɗe 4:32

Ɗii na Maŋgəlva akpaŋgaŋgək makret taka, maɗulet taka. Ɗəf tay dədawnah na aŋ arya nawi katər gən ɓa, amma asapanənək arya net pakə.

Roma 15:13

Maŋgəlva Affən zəga məs kədawgaŋ, dəknah sukum makrokum də wəneke də zam an təstəssə, də wətaf məs kərəhaŋ dəndən, vi kəsoŋ gən guromɗe aza zəga məs kədawgaŋ də sembe na Əmpəs Salala.

Roma 16:25

Məgəɗ səm soko sən Maŋgəlva, ndəni də sembe naw ɗikum də sembe aza wətaf nokum, va an Labara Nenek məs nəpel sukum, wən məs nərban aka Zezu Krestu wəŋka, ndəni va an məsənə məs mərah Maŋgəlva aɗamani. Wənnəska məɗamani daga farfar laŋka.

Roma 2:4

Walla munokum tatə zelin mogon nanəŋ metiŋginəŋ də an adaw ɓəsnəŋ sa? Kəsənən na, mogon na Maŋgəlva na, ndəni dəda kpaŋgokum kətubiyaŋ gəni kəmilyoŋ gən azan ɓa sa?

1Korintus 14:31

Munokum pak wakəɓapən wəpel wənna Maŋgəlva taka taka nokum pak də mabərki zəni, vi dəpprəmən gəni dəsɓan gən ətaf net ɗii na Maŋgəlva.

1Korintus 2:12

Nam əmpəs nadəv dəlvəŋ mərah ɓa, amma əmpəs an dəde səza Maŋgəlva mərahə, vi məsən gən an Maŋgəlva apsəm pakə.

Galatiyen 3:28

Temtem tay aweleŋgit dit ɗii məs dəsənən Maŋgəlva ɓa, aweleŋgit balemɗe dit məza balembɗeŋ ɓa ɓa, aweleŋgit zeli dit gil ɓa, vi munokum pak kəsapaŋgək də Zezu Krestu.

Efesus 1:7

Vi wənnet mbel na Krestu məs dəziyaŋ mərəhək kimə də əviyan mambray namə, vas ki Maŋgəlva arban səm gakdak na mogon nani.

Efesus 3:16

Intatə kaman Maŋgəlva məs də gakdak diiɗa, ka dəsɓan gən mokrokum də sembe na əmpəs nani.

Efesus 3:3

Maŋgəlva akosuk kiyən suwa vi karban su wən məɗama nani, va nəver sukum, wənnan suɗikes dabəŋ,

Efesus 6:22

Vini nəslən azokum də nah sukum gən va məsam pakə dəə məs gən əpsukum sembe nasɓan mokrokum.

Filipi 2:1

An ɗəf asɓokumək də iya na Krestu, an apel sukumək də əŋgla wakətafən sa? Munokum tatə gakdakanən wəsap məs Əmpəs na Maŋgəlva asapaməŋ sa? Munokum tatəŋgluwən zukum sa? Munokum tatulaŋ saha aka zukum sa?

Filipi 3:8

Zəga aski kaaka, amma gesiŋ intatə ɗi wənnəs pak azaw va məs dəray səkay, vi nərah gən zəga an na sləma ndəni Zezu Krestu Ɗəfdaya nawa. Vini nəppan wəsən nawsən kiwa. Intatə ɗi wənəs pak azaw va zəga məsgan aka gadərgiya vi nərahə gən Krestu.

Kolosi 1:26

Daga wətəŋ na duniya, Maŋgəlva aɗamanək wənnan sit ɗii pakə. Amma kakaŋ na arbanək wən məɗaman nak sit ɗii nan kana.

Kolosi 1:27

Yaŋ kan Maŋgəlva aŋgələk wərban gakdak na wən məɗama nan metiŋgin məs azaɓan viyit ɗii pakə. Wən məɗama nan vani, ndəni Krestu məs namakrokum, ndəni dəpsukum wənnawga zəga, narəh haran nokum aza gakdak na Maŋgəlva.

Kolosi 1:9

Vi wənnani kan mədakkaman Maŋgəlva, səza məpprəm labara nokum. Mənam tatəkkaman Maŋgəlva, dərban sukum gən wəŋgla nan pakə, dəpsukum gən maɗula naw sənən də Əmpəs nani.

Kolosi 2:19

Apanənək wəsler də Krestu məs dəsan ma həŋkən zəni. Zən van bo ndəni kretiyenɗe məs dətafəni. Vi wənna ma həŋkəni ma sleŋslen pak asler də bələtə, yaŋ adawɓaya va Maŋgəlva aŋgələ.

Kolosi 3:14

Vaskəmpa bo, məsoŋ də wəŋgla, ndəni dədawzaɓan wəsap nokum.

Kolosi 4:3

An munokum tatə zuliyaŋ na, məzuli viyəm tamə, vi Maŋgəlva də zaɓan su gən tive narban labara nani, nərban gən wən məɗama na Krestu. Vi wənna wən məɗama nan vani nəsaw a daŋgay.

Kolosi 4:8

Intatə slənən azokum də neken gən zukum də zam nawa. Wasɓan makrokum.

1Tesaloniki 1:5

Vasna labara nenek məs məpel sukuməŋka, də wəpeli kaaka azokum ɓa, amma Maŋgəlva arbanək sembe nan dəndən, gəm Əmpəs nan Salala* abaah səməka, apsəmək wəsən an də goŋga nasuwa ha faɗə, kəsənənək va məgəɗ wəza awaloŋkum, vi kawtər sukum wərayi.

1Tesaloniki 3:2

Məslənək Timote məlməm məgəɗ wəza na Maŋgəlva də mənam də wəpel Wən Nenek na Krestu. Məslən na dəɗikum gən adəv wətaf də wəsɓokum aka wətaf nokum,

1Tesaloniki 5:14

Mənam tatərban sukum, munokum milmiŋgiɗmə, məhayet mətampəlɗe, məsəɓ sit ɗii məs makret məmtən, məbaah sit ɗii məverti, məɓəs wənnet ɗii pakə.

1Timote 3:16

Gesiŋ aŋki məɗama na wən nəŋka, ndəni metiŋgini annan mədasba: Krestu arbanək zən va ɗəffa, Əmpəs arbanək wən akan na, askak wəlla zəga pakə. Maslayɗe awlanənka. Mərbani labara nan aweleŋgit ɗii məza Yahudiyenɗeŋ ɓa. Ɗii na duniya atafənka, Maŋgəlva aslanək a disiŋ adəv gakdak an dəday pakə.

Ibriɗe 10:22

Vini kana say məzar səm aza Maŋgəlva də makram an də goŋga, də wətaf an də sembe, makram an salala səza mambraya, gəɓa zəm bo məslayni dit iŋkile məs salala.

Ibriɗe 6:11

Məŋgəl na ko naway suwalokum pakə, dəmbat abe abe də wəsok zəni ha pay wəgrak nani, vi kərəhən gən zəga məs kədawgaŋ.

2Piyer 1:10

Vi wənnəski milmiŋgiɗwa məsok zukum məsuwaŋ də sembe aza iya an Maŋgəlva ayuməŋka də an məs awelkum. An kəsuwaŋgək də sembe vaska kəsbəraŋ na adəv mambray ɓa.

2Piyer 1:3

Maŋgəlva apsəmək sembe nan metiŋgini, vi mədaw sam də wəray na zəga maɓɓan adəv əsuwa nam də ətaf ɓa. Apsəmək də wəsənən, ndəni ayəm məsap gən dəndən adəv gakdak nani də mogoni.

2Piyer 3:18

Amma məsok zukum məɓay adəv mbəlembəle də wəsən na Ɗəfdaya məzu kohgəmə, ndəni Zezu Krestu. Gakdak nani daga kakaŋka ha faɗə. Amin.

1Yohanna 3:19

Vaŋki mədaw sənən na mənam tata dəv goŋga, məgeslne na dawziw aba Maŋgəlva ɓa.

1Yohanna 5:7

Vi məɗɗaŋ saydawa tahəŋ hoku.