Kolosi 2:18 - Nouveau Testament en Guidar

¹⁸ Kədapetin ɗii wəkiyən mokum də wənna zuli sit maslayɗe də wəɓe gən kizit na mataktaka ɓa, vi ɗii net wənna issine asbaŋ məs arəhaŋ, yaŋ ada gakdakanən zit də tive na wəɗum na ɗəffa, də wən məs goŋgay ɓa.

Bible en Guidar

¹⁸ Ɗəf adawtaw wən akokum aka wən na əɓegən ki zə ɗəfa gəm wən na əgagdaket maslayɗe ɓa, tay əɗiyən kiyit aka ula məs awlaŋgə, yaŋ adagagdakanən zit də tive na əɗɗum na ɗəfa.

Kolosi 2:18 ပူးပေါင်းရင်းမြစ်များ

Matiye 24:24

Vi messiyaɗe məwaŋ wənna dit məs kleŋɗe məwaŋ wən wazoŋ, waɗɗaŋ sokeneɗ diiɗa vi kaw zet ɗiiyen na Maŋgəlva aweli, va waɓapəni.

Roma 1:25

Akpaŋganənək goŋga na Maŋgəlva ka tepelke, azuliyaŋ sənənək zəga məs Maŋgəlva agəɗe, də wəgəɗ sən wəza apanənək ɗəf məs dəɗɗa zəga van dərəŋ, aslək wəgakdakan anan ha faɗə. Amin.

Roma 16:18

Vi zemvit ɗiiyen veski, aɗɗaŋ na wəza sən Ɗəfdaya nam Krestu ɓa. Amma net say wənna gədiviti də wəpel namet neneke, tahəŋ wəzanən əmpəs net ɗii məs dəsənaŋ zəga diiɗa ɓa, də meŋ nemet nenekɗe.

1Korintus 13:4

Ɗəffan də əŋgla waɓəs wənnet ɗiiyi, əŋgla zəga mogoni, əŋgla awla saha aket ɗiiyi. Aɗɗa kotorok ɓa, aw gakdakan zən ɓa, awkaɓ gən zən ɓa.

1Korintus 3:3

Vi ədaw nokum tay va net ɗii na duniya. Adan kotorok də əgay taya waloŋkum, vasna kərbanənək zukum na, ɗii na duniya kənanaŋ ɓa sa? Yo ədaw nokum bo ana gəɓa zə ɗəf aŋgəlli.

1Korintus 4:18

Ɗii meɓɓet suwalaŋkum tahəŋ wə gakdakanən ziti, azet na ndaw na ɗaah ulukum əmpa ɓa.

1Korintus 4:6

Milmiŋgiɗwa, wən məs nədawnah pak nənah sənək Apollos də zək naw pakə, vi karban sukum zəga. Nəŋgəl na kulanən gən də ədaw namə, vi kəda toŋgoŋ ki an məverin ɓa, vi ɗəf suwalaŋkum ada gakdakan ɗəf maɓɓani, ndən mba gən ɗəf maɓɓan də wəzelen ɓa.

1Korintus 8:1

Yo mula səm wənna slu mətaw wəlan ama tuyaŋ ɗa. Munokum tatə nəhaŋ na: Mənam pak məsənək zəga. Vaski gesiŋ, amma əsən zevin askəs wakaɓ gən ɗəffa. Say əŋglayi dədawɓay gən ətaf net ɗii na Maŋgəlva.

1Korintus 9:24

Kəsənənka ɗii diiɗa dədanzoŋ na naway dabəŋ di, amma say ɗəf taka kaaka dədawrəh zəga məɗiyən vi ɗəffan dənzan dəday kiyit ɗiiyi. Vaski nokum bo məsok zukum mənzoŋ kərəhaŋ gən zəga nani.

2Korintus 11:3

Kəsənək va doho ambəɗat Hawwa də kuket nani, geslne arəmwək sən maɗulokum adawray vas ɓa, vi kədapanən əŋglu Krestu də goŋga də makrokum taka ɓa.

2Korintus 12:20

Geslne duwəka, pay nədadaw annokumda, nərəh kum na aka tive nan va nəŋgəl ɓa, nokum bo kərəh wənna va kəŋglaŋ ɓa. Geslne duwəka, pay nəda zaw annokumda na: Wanərah wəgaya də kotoroku də wəda gədəva də əlpa də əpel mbrayen də tepelke, də wəgadakan zə ɗəffa də ɗarɗar pak awaloŋkum.

Efesus 4:17

Aŋki məs nədaw nah sukum də əssak sukum də iya na Ɗəfdaya, əntatə nah sukum məsok zukum kədasbanən ɗaah matuya vanet ɗii məs dəsənən Maŋgəlva ɓa adaɗɗaŋ ɓa, neti, wəɗum net tay zeti.

Efesus 5:6

Kədaw ngereŋ ɗəf dəmbəɗokum gən də ɗarɗar ɓa, vi wənnəska wəda gədəv na Maŋgəlva tayəzan aket ɗii məɓoŋgit aka Maŋgəlva.

Filipi 3:14

Yaŋ ndəni kan nədanzaw kla təki nawrah zəga nani, vi nərəhə gən zəga nani məs Maŋgəlva ayəm akan daga sə disiŋ də Zezu Krestu, ndəni wəkoho.

Kolosi 2:23

Gesiŋ an ɗəf tayula dawkeɗ net va wən tektekki, də wətaf wənnani, asna wagəɗ dewle sən zəni wəzuli sit sembeɗ net maslayɗe na disiŋ neki, wagəɗ wəza va məzəpprəm ma, də wəsga' sən zən də gagay. Wənnəs pak atər na wəray nawbay wənna wəsim zəga ɓa.

Kolosi 2:4

Nədawnah sukum vasna, vi ɗəf adaw mbəɗokum də kuket nani, walla də wəpel na man ɓa.

Kolosi 2:8

Məzi zukum ɗəf adaw mbəɗokum də zəga nawsən nan diiɗa ɓa, walla də zəga an narban ɗar mekeleŋ məs dəde səza wəɗum net ɗii kaaka ɓa'a. Zəga nani ndəni wəsən məs adawnəhaŋ na, wəsən aka wənna sembeɗ na disiŋ, aka wənna Krestuwi ɓa.

1Timote 1:7

Tahəŋ ulanən zit va məzərbanən dawka na Maŋgəlva, amma awsənən gabba an məs adawpeleŋ ɓa, awsənsn zəga məs adawziweŋ akan də sembe ɓa.

1Timote 4:1

Əmpəs na Maŋgəlva anahək kotakə, gu'o aza wəgrak na dələv na ɗii meɓɓet wəppanən wətaf neti, wapprəmən ma əmpəs məs nawzet ɗii yi, də zəga nawsən na Satan.

2Piyer 2:14

Ula net pak say azet gil bərviyeɗi, awyaŋ daɗɗa mambray ɓa. Azaɗənək mazaɗ abet ɗiiyen tahəŋ də sembe ɓa. Azaɓanənək makret pak aka wəsim nawrəh deleɗi. Net Maŋgəlva araygitike.

1Yohanna 2:26

Intatə ver sukum aka wənnet ɗii məs dədaŋglaŋ wəmbəɗokuməni.

Hənhən 12:9

Yaŋ məsgan zəga darawən kan agisbe, ndəni doho məgalən, məs adawyaŋ na Ibilisa walla Satan, məzuzet ɗii na duniya pakə. Yaŋ məsgan aka dəlva fuŋ, dit maslayɗe nan pakə.

Hənhən 13:14

Zəga mamanya nan azetik ɗii naka dələv də sokeneɗ məs agəɗ də gakdak na zəga mamanya naka. Yaŋ anah na, ɗii naka dələv pak dəɗɗaŋ gən foto na gakdak na zəga mamanya məs məɗi sən vamvi də kafahi naka, yaŋ tay madarani.

Hənhən 13:8

Ɗii naka dələv pak wazuliyaŋ sənəni. Ko naway məs iya nan məverini adəv ɗerewel na zeŋgille, daga wətəŋ na dəlva fuŋ ɓa. Botol məs dəmtə naka ɗerewel van nani.

Hənhən 19:10

Nəkdukuk amba tələn kawzuli səni, amma apsu na: Kəɗɗa vas ɓa! Naw bo gawla na Maŋgəlva nan va isi gəm venet milmiŋgiɗuk məs dərəhaŋ goŋga səza Zezu. Məzulisən Maŋgəlva. Goŋga məs Zezu arbani, ndəni an məs kleŋɗe arbaŋ də wəza neti.

Hənhən 3:11

Wanəde go'u, aga wən məs kərah lewlewi, vi ɗəf adawzəm sembe na wəza nok ɓa.